[youssef_fawzy2001]

المقاله دى قرتيها فشدتنى حبيت ابعتهالكم يارب تعجبكم
جميل انك تتكلم وتعبر ولو بقليل
لكن خلونا نفكر بعمق...فى جانب مهم جدااااا

صوتك الانتخابى اللى فيه تقدر تقول فيه نعم او لا
وتقدر من خلال صوتك تقبل اى مرشح مجلش شعب وكمان رئيس
مرشح مجلس الشعب واللى بتلاقى فى بعض الاحوال فى قراراته انه جاى على الاقباط وكلنا بنشكى من البعض وليس الكل

لما تعرف انك ممكن ترفضه وتمنعه من وجود عضو مجلس شعب ممكن يضطهدك
اكيد هاتروح تطلع بطاقة انتخابية

لما تحس انك مالكش لازمة وصوتك مش مسموع ( مع اعتذارى فى اللفظ )
يبقى اكيد انت هاتروح تطلع بطاقة انتخابية

اذن لما يحس ان المرشح ان فيه نسبة من الاقباط فى دايرته كتير ولهم قوة ضغط
اكيد هيفكر كتير لو اضطهد مسيحى فى قرار له فى الدايرة التابع ليها

الموضوع مش مكلف
اللى مالوش بطاقة يطلع بطاقة
واللى مطلع بطاقة ياريت يهتم فى يوم الانتخابات
كفاية سلبية
وماتقولش كيت وكيت وكلام فاضى

وعلى رأى اللى قال
احسبها صح..تعيشها صح
على فكرة الفترة القانونية المسمح فيها باستخراج بطاقة انتخابية

سارية الان وحتى نهاية الشهر 30|1|2010

منقووووول

المصدر: †† ارثوذكس †† - من قسم: كلام فى الممنوع

[elphilasouf]

المشاركه السياسيه مهمه جدا
وواجب ع كل مصر

ومهم ان يكون في رأي ورأي ناضج لكل المصرين مش الاقباط بس

اشكرك ع موضوعك الحلو

[marian magde]

موضوع حلو وجديد وخاصة ان احنا بقينا سورى يعنى فينا نوع من السلبية او الامبالاة او الخوف .... اللة واعلم بس فعلا ياريت نتغير مش عيب لما نعرف عيبنا ونعالجوا ومرسى تانى على الموضوع السياسى الجميل دة

[youssef_fawzy2001]

ميرسى خالص على الردود ................وياريت نكون اجابين صوتك هينفع ...........والحر لية صوت

[الآمل]

يارب سلام
شكرا كتير علي الموضوع
بس راي
مفيش فايده
والدوله بتعين اللي عاوزينه والصوت ملهوش لازمه
دا كله اجراءت روتينيه
شكرا مره تاني
بس ده راي ياريت مايديقش حد

[youssef_fawzy2001]

معلش ممكن فى مرة يؤثر

[الآمل]

المشاركة الأصلية كتبت بواسطة youssef_fawzy2001 معلش ممكن فى مرة يؤثر

يارب سلام
ربنا كبير
سامحني انا عند راي
واكبر دليل اللي بيحصل الايام دي
ربنا يرحم

[youssef_fawzy2001]

اكيد حبيبى بس المسيح طلب مننا نعمل اللى علينا ...........فاكر معجزة اقامة لعازر كان ممكن المسيح لة المجد يرفع الحجر بكلمة منة .........لكنة طلب من الشباب انهم يرفعوا الحجر ..............اكيد علشان يعرفنا ان نعمل الللى علينا وهوة يتصرف فى الباقى ..........ميرسى خالص وشكرا على مرورك

[emmmy]

يوسف انت بتطالب بحرية الراى ودمقراطية يا سلام
ومين سمعك --- ااااااة ما هو دة اللى بيحصل بدليل
الشعب فى نجع حمادى رفض انتخاب عبد الرحيم الغول
وكانت النتيجة اية عينك ما تشوف الا النور اضطهاد ودمار وقتل سبابنا واولادنا
وتحويل يوم العيد لبحر دم وصرخات ام واب واخ واخت فى اكتر من كدة حرية وسلام
انا بحييك على موضعك بس اسفة اقولك احلم على قدك يا يوسف علشان تحقق حلمك

[fady emil]

اكيد كلامك صح ...تخيلوا ان مرشح مجلس شعب كل مره بيكسب بالتظبيط والناس كلها بتاعة دايرته مش بتحبه الا القليل من مؤيديه _الرجاله بتاعته يعني_كل الناس بتنتخب اي مرشح تاني غيره والرجاله بتاعته بس هيه اللي بتنتخبه ورغم كده كل مره بيظبط حاله وبيكسب...لغاية ما الناس زهقوا وبطلوا يروحوا ينتخبوا حد خالص ....وبتاع مجلس الشعب بيظبط وبيكسب ...لغاية ما في مره معرفش يظبط اي حاجه ..الناس اللي بيظبطوه اختلفوا معاه وخلاص مش هيظبطوه ...يأس المرشح وخلاص هيخسر مهو اهل دايرته مش بيحبوه خالص و الناس اللي بتظبطه راحوا مبقاش فاضل غير رجالته بس اللي هيدوله صوتهم ودول قليلين جدا ده كمان المرشح اللي قدامه كويس والناس بتحبه...بعد الانتخابات ...فاز نفس المرشح برضوا وبنسبه كبيره...السبب كان ان الناس اللي بتحب المرشح الكويس بتحبوا اه بس مرحتش اصلا تنتخب اي حد لانهم كانوا يأسين...على فكره انا قدمت بالفعل على بطاقه انتخابيه...ابسط حاجه لو شايف ان الموجود وحش هقول مش عايزه او ان فيه واحد حلو اوي هاقول عايزه وبس ..جت ماشي مجتش اهه حاولنا وخلاص...موضوع هايل جدا يا يوسف واسف طولت عليكوا...