[i+love+jusus]

يه لما نيجى نمشى في المطر لظروف استثنائية بنروح رافعين أكتافنا لفوق


ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة


ليه لما بتكون بطارية الريموت شبه فاضية ، بنضغط على الزراير جامد


ليه لما حد بيهادينا قلم جديد .. أول

حاجة وإحنا بنجربه بنكتب اسمنا


ليه بنقول هدية مجانية مش المفروض إن الهدية تكون مجانية
ليه لما نكون جوه المنزل والسماء بتمطر بنسأل هو الجو بيمطر بره هي عمرها مطرت جوه


ليه لما واحد يقولنا خلى بالك الحائط لسة الطلاء ما نشفش ما نصدقوش ونمد صباعنا نتأكد


ليه الخدمة بتكون سريعة لما المطعم يكون مزدحم أكتر من لما يكون نص نص


ليه لما الواحد بيركن السيارة في موقف فاضي اللي جاي وراك بيركن جنبك


ليه دايما لما حد بيجري يلحق الأتوبيس تلاقيه مبتسم أو بيضحك


ليه بنفتكر إن لما ندوس على زرار الأسانسير كتير هاييجى بسرعة أو مثلا ليه لو واحد جه بعدك وأنت مستني الأسانسير بيدوس على زرار الأسانسير ولا كأنك موجود


ليه وإحنا بناكل الطفل الصغيرفي فمه بالملعقة بنفتح فمنا


ليه دايما عندنا استعداد تام إننا نصدق أي حد بيكلمنا في ودانا ..بيوشوشنا


ليه لما بنتصل بالتليفون .. دايما النمر الغلط مابتكونش مشغولة


وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكي بورد



وبمناسبة التليفون ليه لما واحد يعطيك رقم تليفونه بيقوله بسرعة



ليه عمرنا ما استمتعنا بالموسيقى في التليفون لما نكون على الانتظار


ليه لما بنصحى من النوم دايما بنحس إن كمية النوم ناقصها عشر دقايق


ليه الشخص اللي بيشخر وهو نايم دايما بينام الأول

المصدر: †† ارثوذكس †† - من قسم: الضحك والفرفشة