[بنت الراعي]

سلام المسيح لاجمل اعضاء واخوان في اجمل منتدي
كنت عايزه اعرف ايه رأيكم في موضوع الاكل الصيامي زي الجبنه الصيامي واللانشن الصيامي
والشيبسي اللي بطعم كذا وكذا وطبعا حاجات تاني كتير مكتوب عليها
من مكونات نباتيه ميه في الميه
وهل انت او انتي بتاكل\ي الحاجات دي في الصيام
بقي خصوصا الصيام الكبير (الاربعيني) لانه مش بيتاكل فيه السمك
مستنيه ردودكم ومعلش طولت عليكم

المصدر: †† ارثوذكس †† - من قسم: صندوق مناقشات الاعضاء

[aymonded]

بنت راعينا العظيم محبوبة ربنا يسوع والقديسين
لنصغي لكلمة الله الحية ونحيا بها بتدقيق :

* لذلك أقول لكم لا تهتموا لحياتكم بما تأكلون و بما تشربون و لا لأجسادكم بما تلبسون أليست الحياة أفضل من الطعام و الجسد أفضل من اللباس (مت 6 : 25)

+ فلا تهتموا قائلين ماذا نأكل أو ماذا نشرب أو ماذا نلبس (مت 6 : 31)

+ فلا تطلبوا انتم ما تأكلون و ما تشربون (لو 12 : 29)

+ + + لان ليس ملكوت الله اكلأ و شربا بل هو بر و سلام و فرح في الروح القدس (رو 14 : 17)

+ + + حسن أن لا تأكل لحما و لا تشرب خمرا و لا شيئا يصطدم به أخوك أو يعثر أو يضعف (رو 14 : 21)

+ + + فإذا كنتم تأكلون أو تشربون أو تفعلون شيئا فافعلوا كل شيء لمجد الله (1كو 10 : 31)

+ + + فلا يحكم عليكم احد في أكل أو شرب أو من جهة عيد أو هلال أو سبت (كو 2 : 16)

النعمة معك

[M@@@NOOOO]

اعتقد مفيش رد بعد رد استاذ ايمن
ميرسى لكلامك الجميل والمفيد يا استاذى
وشكرا جدا جدا ليكى ياحنان على الموضوع الجامد ده

[MICKEY]

كلام استاذ ايمن جميل
وموضوعك كمان جميل جدا يابنت الراعي وجه في وقته

انا عن نفسي للأسف واقع في الخطية الكبيرة دي
وبطلب منكم تصلولي

انا للأسف بشرب الصبح شاي باللبن الصيامي
وبفطر جبنه صيامي

وفي الغدا باكل مع الاكل الماشرووم اللي بيقولوا بيحل محل اللحمة

وفي العشة ممكن اشتري شيكولاته صيامي

بس طبعا كل ده مش مخصووووص
ومش بعملها بغرض محسسش اني في الصيام
لا هي بتيجي بظروها

لكن انا من جوايا مقتنع انها غلط
لأسباب كتير
وربنا يسامحني وهحاول ابطل بجد
صلولي

[بنت الراعي]

شكرا
استاذ ايمن بجد ميرسي اوي
رد حضرتك عجبني اوي ومقنع جدا لانه كله من
كلام الكتاب المقدس شكرا لتعبك


ميرسي يا مانو علي مرورك الحلو ده بس انا بنت الراعي مش حنان بس مفيش مشكله
عادي يعني
ربنا يعوضكم ويبارككم

[بنت الراعي]

ههههههههههههه
ايه يا ميكي كل ده
مش كده ارحم نفسك شويه

عارف فين المشكله صدقني مش في الاكل بقدر ماانها في راحة ضميرك عارف انا اخواتي بياكلوا الحاجات دي عادي بس انا ماقدرتش هما مش حاسين انهم عاملين حاجه غلط وعادي وضميرهم مرتاح بس انا مره جربت ضميري تعبني اوي ومعملتهاش تاني
فلو ده تاعب ضميرك تبقي حاجه مش صح يارب تقدر تتخلص منها
وصلي كتير واطلب من ربنا يساعدك لانك لو حاولت بمجهودك البشري الخاص هاتتعب اوي ومش هاتقدر اطلب منه مع شوية اراده منك وكله يبقي تمام
ربنا معاك وميرسي علي مرورك وربنا يعوضك ويبارك حياتك

[tito_t]

سلام المسيح
اولا احنا مش عيزين ننسي ان الصيام مش اكل بسي
ان مش ده معنى الصيام الحقيقى اكيد انتو مش محتجين انى ااولكو معنى الصيام اما بلنسبه للاكل
انا رايى المتواضع ان الموضوع كله وجهات نظر من واحد يرفض واخر يوافق
المفروض فى العادى ان احنا ما بنكلش الجبنه والخ فى الصيام
فا معنى انو يكون موجود بشكل تانى صيامى وناكله يبا احنا بيتهيالى بنغير على الاقل الشكل العام للصيام
انا عن نفسي ما بكلش الحجات لكن فى البيت عندى بيجبوها واخواتى بيكلوها لكن انا ما بحبهاش انا شايف ان كدا احسن

[ظريف]

موضوع جوهرى وحساس ومهم يا بنت الراعى الهدف من الصيام أنتعاش للروح والروح والجسد متناقدين الروح تسمو إلى السماء والجسد يجزبها نحو الأرض والطعام من أهتمامات الجسد لو أهتمينا بيها جذبنا الروح إلى اسفل ولو أهملنا غذاء الجسد أرتقت الروح إلى أعلى مثل الطائر الحر الطليق وليس عبد مربوط لايستطيع الطير فالطعام هو الحبل اللى بيربط الروح ويحول حركتها

[بنت الراعي]

ميرسي اوي استاذ ظريف علي الرد
فعلا احنا المفروض مانهتمش بالجسد علشان نسمو بالروح
ومش كل حاجه يطلبها بقي ننفذها له لازم يبقي في قمع للشهوات و
وخصوصا شهوة الاكل لانها ممكن تقود لحاجات تاني ميرسي استاذ ظريف
ربنا يعوضك ويبارك حياتك

[b o b b a]

انا راي الوحيد اني لو حتي اكلت الاكل الصيامي بشهوه واشتهيت الاكل ده ابقي فاطر لان الصيام هو السيطره علي الشهوات والتغلب عليها مش الف وادور واقول الجبنه دي صيامي واللحمه دي صيامي مينفعش