[روفــــا]

مع حلقة جديدة من مسلسل "حبايبنا شباب اليومين دول " ويارب صدركم يتسع لهذا الاسلوب الساخر في الكتابة ولكن هي من اجل المنفعة فقط وليس الانتقاد

حبيايبنا شباب اليومين دول .. اسم الصليب عليهم ما يفارقوش الكنيسة ابدا لا صبح ولا ليل . ولما الواد من دول ابوه يسأله انت رايح فين يقوله: الكنيسة يا بابا

ولا انتي جاية منين يا بنتي تقوله : من الكنيسة طبعا يا بابا .. ما انت عارف.

آه بابا عارف ان ولاده اسم الصليب عليهم ما يفوتوش اجتماع لكن آه آه لو يعرف انهم بيحضروا الاجتماع في الحوش ..

حبيايبنا شباب اليومين دول يبقى الاجتماع شغال جوة وهم واقفين بره زي ما يكون الدخول بفلوس.

حبيايبنا شباب اليومين دول نزلوا من بيوتهم واستقطعوا من وقتهم الثمين " الله يكون في عونهم " استقطعوا وقت ينزلوا فيه الكنيسة وبذلوا مجهود في اختيار انسب لبس وحتط انسب ( ميك اب ) ودفعوا اجرة تاكسي رايح وتاكسي جاي .. ولما دخلوا الكنيسة مش هاين عليهم يدخلوا يسلموا على صاحب البيت وكأن رجليهم مش جايباهم يخشوا جوة .

حبيايبنا شباب اليومين دول لما يتعزموا في عيد ميلاد حد من اصحابهم بيتشيكوا ويتسابقوا انهم يأخذوا احسن هدية معاهم وهم رايحيين ويتسابقوا انهم يوصلوا بدري علشان يهنوا صاحبهم بعيد ميلاده ولما يوصلوا يقعدوا جنبه وهم يقدمولوا اجمل عبارات التهاني وهو يقدملهم حفلة جميلة وعشاء يليق بيهم ..

لكن لما الرب يسوع نفسه بيعزمهم في بيته كل اسبوع في حفلة اسمهة ( القداس ) مش بيهتموا انهم يحضروا بدري ولو جائوا بيبقوا باين عليهم النوم والنعاس غالبهم
ولما يقولهم اتفضلوا خشوا الحفلة جوة الكنيسة مش في الحوش يتلكعوا في الدخول .

والادهى من كده ان فيه ناس بتيجي على الاكل علطول ( التناول ) بدون ان يهتموا بصاحب العزومة ولا يعيروه اهتمام ولا يهتموا بمشاعره الرقيقة التي نجرحها كثيرا ..

حبيايبنا شباب اليومين دول فرحان انه بيروح الكنيسة واللي يسأله انت ما جتش ليه يقوله لأ انا جيت .. وهو للأسف جاء وكأنه ما جاش

حبيايبنا شباب اليومين دول لو حسبها هايقول كلمة ابرك من عشرة وساعة ابرك من اسبوع يعني يروح الكنيسة وهو عارف هدفه ومحدده بدون ان يضيع وقت ويروح بعدها علطول منغير ما يضيع وقته

ولو حسبها صح هايقول : آجي الكنيسة ساعة لكن استفيد احسن ما اقعد اليوم كله في حوش الكنيسة بدون اي فايدة .

وحدث ولا حرج عن خدام كنيستنا الحلوين اللي هم المفروض يكونوا قدوة تلاقيهم برده بره الاجتماع وبره القداس .

آه يا رب
آه لو نعرف ان اللي بيجي الكنيسة دقيقة واحدة ويسمع فيها صوتك وتعمل بروحك في قلبه هايكون مقبول أكتر من واحد تاني قاعد ليل ونهار في بيتك لكن عمره ما قعد مع صاحب البيبت
آه يا رب لو نعرف ان احنا بنخدم بيتك كتير وبنشغل نفسنا بهموم بيتك وكنيستك ولكن عمرنا ما خدمنا رب البيت ولا شغلنا نفسنا بيك

آه يا رب لو نعرف ان دينونتنا هاتكون اكتر واعظم من دينونة اللي ما جاش خالص

لأن هو ما جاش اصلا ايا كان السبب لكن احنا جينا لغاية عندك ومدخلناش

حبيايبنا شباب اليومين دول لو حسبوها صح هايلاقوا الفرق عدة امتار ما بين الداخل والخارج ..لكن في الحقيقة انها عدة اميال ما بينهم وما بين من هم بالداخل يسمعون كلام الله ويكلمونه

(لان مجد الرب ملا بيت الرب 1مل 8: 11)
لاحظ انه لم يقل حوش بيت الرب


اذكروني في الصلاة
القس متى اسعد

على نفس الكلام اللى عايز اقوله فى الاخر فى الموضوع اللى قات بيتاع القس متى اسعد بس محبتش اقوله تانى علشان الاطالة
وصـــــــــلـــولــى

المصدر: †† ارثوذكس †† - من قسم: الموضوعات الشبابية

[melanora]

ههههههههههههههههههههههه
ربنا يهدي الجميع
وميرسي يا روفا لمواضيعك الجميلة دي

[minabobos]

ربـــــــــــــــــــــنـ ـــــــــــــــــــــــــ ـا موجود
وبجد كل ده بيحصل فعلا
اشكرك ع الاهتمام
وياريت الكل يهتم ب صحاب البيت مش بحاجه تانى

تكون بركه

[thered flower]

بجد كلام حلو اوى وفعلا بيحصل وبشوفه كتييييييييير فى الكنيسة ولما ابونا يتكلم معاهم يروحو يقولو ازاى يعاملنا كده هو مش عايزنا نروح الكنيسة تانى ويبداوا يدورو على كنيسة تانيه فيها اب احسن من دى بصراحة دى نماذج حصلت قدامى ميرسي جدا على الموضوع الجميل ده وربنا يعوض تعب محبتك وتكون رسالتك وصلت للى بيعملو كده

[elphilasouf]

اه موضعك جميل اوي يا روفا..مستنين باقى الاجزاء
بس اغزرنى لو الكلام ده من اجل المتعه بس فمفيش فيده منه
لكن لو من اجل الانتقاد فأكيد ليه فيده
عشان احنا فى المنتدي ده مش عشان هدفنا الاساسى نستمتع
لكم هو التقرب من صاحب الببت ولا ايه ..؟؟

[روفــــا]

المشاركة الأصلية كتبت بواسطة elphilasouf اه موضعك جميل اوي يا روفا..مستنين باقى الاجزاء بس اغزرنى لو الكلام ده من اجل المتعه بس فمفيش فيده منه لكن لو من اجل الانتقاد فأكيد ليه فيده عشان احنا فى المنتدي ده مش عشان هدفنا الاساسى نستمتع لكم هو التقرب من صاحب الببت ولا ايه ..؟؟

اولا شكرا جدا جدا على مرورك وكلامك الجميل
ثانيا انا نقلت الموضوع باسم صاحب الموضوع موش علشان نستمتع بيه وخلاص علشان يفيدنا ولو انا عملت الموضوع علشان الاستمتاع يبقى مكنتش حطيط اسم صاحب الموضوع ممكن اكتب منقول وممكن اكتبه باسمى علشان كدة انا حبيت احط اسم صاحب الموضوع