totit: صباح الفل يا نهي صباح الجمال على احلى اعضاء فى احلى منتدى
zaza: صباح النور يا مجدى صباح الفل على اعضائنا منورين برنامجنا الوجه الاخر بنعتذر عن تاخر نزول الحلقات النهاردة ميعادنا مع اللقاء العشرين لبرنامج الوجه الاخر
totit: عضوة حلقتنا النهاردة سجلت فالمنتدى يوم
20/10/2008
zaza: عضوة النهاردة عدد مواضيعها 101 موضوع عدد اصدقائها 104 اغلبية مواضيعها فى القسم الادبي
totit: عضوة النهاردة شاعرة جميلة ورقيقه وعضوة محبوبة وهادية
zaza: حلقتنا شاملة كل حاجة عن العضوة حياتها الشخصية خدمتها هواياتها حياتها العاطفية مش هنطول على اعضائنا ونشوف لقاء حلقتنا التاسع عشر مع العضوة .........
عضوتناا النهارده
هي
حنين سنين
اهلا وسهلا بيكي يا هنا نورتى برنامجنا
Zaza : فالبداية نحب نتعرف عليكي؟
اسمك؟
سنك؟
مؤهلك؟
كنيستك؟
هنا: اسمي: هنا
سني: 30 سنة
المؤهل: بكالوريوس خدمة اجتماعية
كنيستى: القديسة بربارة مصر القديمة
totit: هنا ايه هى هوايتك؟
هنا: هوايتى كتابه الخواطر وكنت بحب اقرأ كتير بس دلوقتى مفيش وقت
Zaza : هنا ممكن نعرف ايه هى طموحاتك فالحياة؟
هنا: طموحاتى انجح فى حياتى الزوجيه وانجح فى شغلى
وربنا يدينى بنوته صغننه
totit: هل فى فرق ما بين الهدف والطموح ولا مفيش ؟
هنا: فى طبعا احيانا بتبقى طموحاتى بعيده اوى او بمعنى ادق بتبعد عن الهدف وتظل امنيات بتمنى تحقيقها لكن اللى عايزة اقوله انسان بلا طموح وبلا اهداف انسان ميت
Zaza : عايزين قبل ما نتكلم ونتحاور نطلب منك كلمة لربنا؟
هنا: عايزة اقول لربنا يا رب ماتعاملنيش بحسب قصيرى ولا خطاياى لكن عاملنى يا رب بحسب رحمتك وازرع فيا محبتك ودايما تكون انت يا رب فى اول اهتماماتى
totit: نتكلم شوية عن حياتك الشخصية شوية
فى الاول عايزين نعرف اية معنى الوجه الاخر با النسبة ليكى
هنا: الانسان اللى عنده القدره على التكيف مابين شخصيتين او صفات متناقده
دا يبقى صاحب الوجه الاخر
Zaza : تفتكرى انتى ليك وجه اخر؟
هنا: لاسف بالنسبالى كنت اتمنى يبقى ليا وجه اخر اقدر اتعامل بيه مع ناس معينه
لكن صراحتى بتزعل منى ناس اكتر لكن دى طبيعتى
totit: هنا هل ليكى اصدقاء من الطرفين ؟
هنا: طبعا
Zaza : هنا ايه رايك فى الصداقة بين البنت والولد؟
هنا: الصداقه معنى كبير اوى فى ناس كتير مش بتقدره وعشان كدا مش اى حد نقول عليه صديق سوا ولد او بنت
totit: طيب من وجهه نظرك ايه هى حدود الصداقة بين البنت والولد ؟
هنا: حدود الصداقه هى الاحترام والالتزام
Zaza : هنا ايه رايك فى الصداقة عن طريق النت؟
هنا: انا من راى الصداقه عن طريق النت او اى مكان واحد لانى انا اللى بحط حدود فى علاقتى بالناس
وبجبرهم على الطريقه اللى اتعامل بيها
وانا برضو اللى بسمح ان صديق يهينى اويجرحنى
totit: ااية اكتر حاجه تزعلك من اصدقائك ؟
هنا: الخيانه وعدم الصراحه
وعدم تقدير الحب
Zaza : يعنى اية صديق وفى بالنسبة ليكى ؟
هنا: الصديق الوافى بجد اللى بيبان وقت الشده ويفضل معايا على الحلوه والمره ويستحملنى
totit: وهل فى صديق وافى اساسا فى الزمن ده؟
هنا: طبعا فى واحد فى الميه هههههههههه يعنى كويس انه موجود
Zaza : نبعد شوبةعن الصداقة ونتكلم عن حاجه تانية عن حياتك
انتى متكبره / ولا متعصبه / طيبة ؟
هنا: انا مش متكبره بشهاده اصحابى
عادى بكون عصبيه مع الحق وبكون طيبه مع الطيبه وبكون مليش وجود وقت الغموض
totit: برجك اية ؟ وهل تومنى بالابراج ؟
هنا: برجى العقرب
Zaza : اية الحاجه اللى تخلي اى حد ممكن يزعل منك ؟
هنا: انى ازعل انا الاول منهم ومايكونوش واخدين بالهم غير من زعلهم وبس
totit: ايه رايك فى الحب؟
هنا: الحب اسمى معانى الحياه او بمعنى اصح الحب يعنى رافت جوزى اجمل رمزللحب
وبيكون ناجح لما يكون مبنى على العطاء بس العطاء وليس الاخذ
اللى بيعطى يبقى بيحب واللى بياخد وبس يبقى بيقتل اى حب
ربنا يسوع علمنا كده
Zaza : هنا ايه رايك فى الخلافات بين الطرفين؟
هنا: الخلافات سببها عدم الفهم او الصراحه وحب الذات
totit: احنا بنسمع انها هى توابل وكلام غريب كده اية رايك فى الكلام ده ؟
هنا: معرفش
بس انا عن تجربه
بجد
حقيقيه الخلافات ملهاش وجود مع التفاهم والطمائنينه
والحب اللى بجد مش مجرد كلام
Zaza : هل الحب فى سن المراهقة نقدر نقول علية حب ولا لعب عيال ؟
هنا: فى حب ابتدى من سن المراهقه ولسه عايش لحد النهاره
وبقوه كمان صدقنى دا على حسب الشخصيه مش السن
فى شخص بيبقى عارف انه فى الفتره دى لازم يعرف بنات بالتالى بيلعب وبيبقى مستهتر والبنت بتبقى فى الفتره دى اول مشاعر فى حياتها بتحب بجد اوى
من هنا بدات المراهقه تبقى سبب قلق وتفشل القصص
totit:اية موصفات شريك حياتك ؟
هنا: مواصفات شريك حياتى هى صفات وطباع رافت بجد عشان كدا حسيت وعرفت ان ربنا بيحبنى اوى
Zaza : تقبلى ان شريك حياتك يكون اقل منك فى المستوى الفكرى والمادى ؟
هنا: الفكرى لا المادى ممكن المادى يتقدر عليه واحنا سوا
لكن الفكرى لا مقدرش
totit: لو لية ماضى وماضى اليم تساعديه انه ينسى الماضى ده ولا مش ها تقبلى اساسا انك ترتبطى بيه ؟
هنا: اكيد لو بحبه هرتبط بيه
لو هو موافق انى اساعده من جواه وعنده اراده
Zaza : تقول اية للبنات اللى فشلت فى اول قصه حب ؟
هنا: يووووووووووووووووو مش اول حب ولا اخر حب اللى ربنا بيختاره احلى بكتييييييييييييييييييييير
totit: بتمر بقصة حب ازى تحافظ ع الحب ده ؟
هنا: بمر بقصه حب
اما عن ازاى احافظ عليه فدا مش من طرف واحد لولا ان الطرف التانى متفهم دا مكنتش قدرت احافظ على اى شى وحدى
Zaza : كفاية كلام فى الحب ونروح لبيتك التاني ارثوذكس ازاى عرفتى ارثوذكس؟
هنا: عرفت ارثوذكس من صديق ليا
totit: وايه اللى شدك فيه؟
هنا: القسم الادبي لانى بحب الشعر جدااااااااااااااا
Zaza : ايه اللى استفديته منه؟
هنا: استفدت منه كتييييييييييييييييييير اولهم زوجى احنا اتعرفنا عن طريق ارثوزكس
واصحابى اللى بجد
بجد بعتز بيهم
والموضوعات المفيده جدا
اما عن سلبيات المنتدى
هدوئه احيانا مميت
من ايجابياته وجوده
وموضوعاته المميزه واعضاءه اللى بجد بفخر انى وسطهم
totit: اية اللى نفسك يكون موجود فى المنتدى فى الفترة الجاية ؟
هنا: المحبه والفهم والتقدير من الاعضاء
Zaza : لو اتعرض عليكى تكونى مشرفة فى احد الاقسام اى قسم تحبى تكون مشرفه فيه وليه؟
هنا: الادبى والعام مع انى مشرفه فيه حاليا الادبى عشان بحب الشعر
totit: ايه الافكار اللى هتعمليها؟
هنا:انا بحاول على قد ما اقدر اتواجد واعمل مواضيع يكون فيها
حوارات ومناقشات
Zaza : وايه اول حاجة هتغيريها؟
هنا: الموضوعات التى لا تفيد وليس لها اى اهميه
totit:مين اقرب الاعضاء ليكى ؟
هنا: - عماد مايكل- تويتى -
Zaza : مين اكتر الشخصيات اللى تحبى تتباعى مواضيع ليها ؟
هنا: استاذ ايمن - عماد حسنى - تويتى
totit: اية اكتر موضوع شدك فى الفترة الاخيرة ؟
هنا:موضوع لاستاذ ايمن فى قسم المشرفين
عن حوار من الاعماق
Zaza : الكلمات دى تقوليها لمين
وحشتنى
بحبك
بكرهك
كفاية عليك كده
صريح
كدب
مقدرش استغنى عنك ابدا
هنا:
وحشتنى
لبابا وحشنى جدااااااااااااا
- كفاية عليك كده
واحده صحبتى
كدب
مش بحب الكدب ولا الكدابين
مقدرش استغنى عنك ابدا
ماما
totit: تقولي لمين من المنتدى الكلمات دى
متحمس
غيور
فنان
محبوب
صاحب مبدء
رخم
بحالات
هنا:
متحمس
استاذ ايمن
غيور
اكتر واحد غيور على المنتدى بقلب استاذ ايمن
- محبوب -
ملك الكوميديا
مايكل (ميكى)
- رخم
ما بحبش الانواع دى من البشر
Zaza : هنا قوليلنا كلمه لمديرالمنتدى ؟ وكلمه لكل الاعضاء؟
هنا: مدير المنتدى هيما بجد ربنا يعوضك على مجهودك الكبير ويوفقك يارب
كلمه للاعضاء بجد انا مبسوطه انى وسطكم وبحبكم كلكم
totit: كلمة لبرنامجنا؟
هنا: بجد برنامج جميل وعرفنى بناس كتيييييييييييير
يارب دايما تقدموا المزيد
نورتى برنامجنا ياهنا كنا مبسوطين جدا بوجودك معانا
نتمنى لك حياة سعيدة وتحققي كل طموحك واحلامك
انتظرونا فى حلقة جديدة وعضو جديد هاا نعرف عنه كل حااجه عاايزين اسئلة كتير لاننا ببساطة فتحنا الباب ليكم ومش ينفع اننا نسال فى كل حااجه
انتظرونا الحلقة القادمة مع عضو جديد وحلقة جديدة من حلقات برنامج الوجه الاخر
اميل البرنامج
مع تحيات