نصائح للبنات

cat girl · كُتب : [ 05-30-2008 - 07:30 PM ]

انسى العزيزه..لو ربنا فك عقدتك واتخطبتى..فاليك نصائحى حتى تاخدى بخطيبك من مركب الخطوبه الى محدش عارف هترسى على ايه .الى متواااااااااااااه الاخير فى قفص النسانيس .قصدى قفص الزوجيه السعيد
اجمل ما فى الخطوبه العزومات الرومانسيه على احلى محلات اكل ف البلد واللى عمرك مانتى شيفاها بعد الجواز
المهم نصائحى اليك مع خطيبك ف العزومه
الرقه
الاول لازم تعرفى ان الشوكه والسكينه بيتمسكو من ايديهم من الطرف يعنى مش من الوسط

العيش اوعى تفضحينا وتقطعيه بسنانك ولا الرغيف نصين بايدك وكل نص لقمه وتحشرى اوعى.. العيش بيتقطع بالسكينه ف الطبق وبعدين تاخدى لقمه لقمه بالعافيه قال يعنى نفسك مسدوده.. اضغطى على اعصابك جدا وبعدين لما تروحى ابقى احشرى زى مانتى عايزه

الشوربه ابوس رجلك الشوربه دى مهمه جدا .. الشوربه تتشرب من غير صوت خالص .. ومن غير ما تقعدى تنفخى فيها..زى القهوجى اللى بينفع ف الحجر للزبون..وطبعا تنسى السلطانيه اللى بتدلقيها على بقك ف البيت

الرز يتاكل بالشوكه ومن غير المعلقه اوعى تفضحينا كلى الرز كانك بتبوسيه مش بتاكليه

المكرونه الاسباكتى تتاكل بالشوكه مش تشفطيها عود ورا التانى

البطاطس اوعى تهرسيها على طبق الرز وتديها لالالا بالراحه حته حته كانك مش عايزه تاكليها

لما تخلصى اكل تحطى ايدك على بطنك اللى عصافيرها بتصوصو من العينات اللى كلتيها وتقوليله مش ممكن انا عمرى ما كلت واتفجعت اوى كده وبعدين تمسكى الفوطه اللى علطول موجوده على الطرابيزه من غير لازمه وتبوسيها قال يعنى بتمسكى بقك

وبعدين تستاذنى منه لدخول التواليت لاصلاح مكياجك
وتخشى التواليت

وتطلعى من شنطتك لفه الفول والطعميه اللى جيباها معاكى

وبالهنا والشفااااااا

ملحوظه
بعد الجواز ابقى اعملى اللى انتى عيزاه

المصدر: †† ارثوذكس †† - من قسم: الضحك والفرفشة

bolalover · كُتب : [ 05-30-2008 - 07:57 PM ]

ههههههههههههههههههههههه
اتاري الرجالة بتنخدع في البنات قبل الجواز
و بعد الجواز بيظهروا علي حقيقتهم
هههههههههههههههههههههه
جامد اوي الموضوع الجميل ده يا كات جيرل
شكرررا كتير

M@@@NOOOO · كُتب : [ 05-30-2008 - 08:05 PM ]

ههههههههههههههههههههههه
موضوع جميل فعلا
ميرسى كتير اوى اوى
ياكات جيرل
على الموضوع الجميل ده
ربنا يبارك حياتك

cat girl · كُتب : [ 05-30-2008 - 08:16 PM ]

ميرسى بولا ومانو على مروركم الجميل

SAMOOOOO · كُتب : [ 05-31-2008 - 12:22 PM ]

ههههههههههههههههههههههههه
معاكى حق يا كات جيرل

الموضوع عجبنى بصراحه
ومتقلقيش انا جاى على الولاد شويه كمان

وكنت نزلت موضوع عن الفرق بين اكل الولد والبنت
وبصراحه جيت على الولاد اوى
هههههههههه
بس كويس اهو انتى ابتديتى تعملى مساواه

منتظر منك كده

cat girl · كُتب : [ 05-31-2008 - 01:01 PM ]

طبعا يا سامو لازم يبقى فيه مساواه وديمقراطيه تعالى ف صفنا وانت تكسب ههههههههه

keroo82 · كُتب : [ 05-31-2008 - 04:05 PM ]

يا حلاوة ياولاد دة ولا فى الافلام
كتر خير الرجالة مساكين يا عينى
ههههههههههههههههههه
ميرسى ليكى يا كاتى على الموضوع الجميل دة
ربنا يباركك

cat girl · كُتب : [ 06-01-2008 - 11:43 AM ]

ميرسى كيروو اهو كل يوم من ده انا شيفاكو الحمدلله يعنى فرحانين اوى اوى هههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصائح لاول مقابله نصائح للعريس ونصائح للعروس	اشرف وليم	الاسرة والطفل	3	04-19-2013 06:13 PM
نصائح للبنات فقط	نسمه الحياه	الموضوعات الشبابية	16	09-23-2010 10:15 PM
نصائح للاكل بعد فترة الخطوبة طبعا للبنات ..والشباب يدخل يضحك	الماكس مايكل	الضحك والفرفشة	24	09-02-2009 02:04 AM
نصائح هامة للبنات	zaza2006	قسم الجمال والمكياج	18	07-21-2009 11:27 AM
10 نصائح للبنات فى فترة الخطوبة....	Hanyking	الضحك والفرفشة	7	03-28-2009 12:01 AM

		†† ارثوذكس †† > كل منتدايات الموقع > المنتدى الترفيهى > الضحك والفرفشة
نصائح للبنات

	تذكرنــي