[Jesuslittlegirl]

مين فيكم حس بيه .مين منكم سال عليه

مين فيكم همه الامه .مين فيكم جرحه الامه؟


واحد فيكم كان خاين..واحد منكم كان ظالم
حد فيكم حكم عليه. .يشيل صليب العار بايديه
شال عنكم ذنب منكم . شال عنكم صليب الامكم

و لسه برضه بتجرحوه ...ولسه برضه بتخونوه
لسه فيكم يهوذا تانى .بيسلم المسيح من جديد
لسه فيكم توما تانى ..بيشك فى جراح الحبيب
لسه فيكم بطرس تانى . بينكر علاقته بالصليب

يا ابن ادم توب وفوق ده انت عايش فى وهم و سراب
انت عايش طريق طويل...كل خطوة فيه عذاب
الحق ارجع للحبيب ..... بيناديلك طول الطريق
اسمع صوته بيناديلك........ بيقولك انا الحبيب
بيناديلك بصوت مسموع ....... .تعالى الى يا صديق

احنا فى ايام الحياه ..... ايام المحبه والسلام
ايام اسبوع الالام.....ايام الفرح والايمان
كل يوم من ايامه ..... فيه رسالة من كلامه
اول ايام الاسبوع....... بيكون سبت الجموع
سبت لعازر الحبيب.....الى قام على يد الحبيب

ثانى ايام الاسبوع......بيكون أحد الشعانين
حد الفرحة والسرور.....الى ملاها يسوع
يوم دخوله لاورشليم......فرحت الناس فرح عظيم
اتفرشت الارض بالثياب ...و دخل المسيح فى بها
ء
و ثالث ايام الاسبوع......بتكون شجرة التين
الى لعنها المسيح.. .وقال لها مش صحيح
مش هيكون ليكى اوراق...لغاية يوم اللقاء

و رابع ايام الاسبوع... بيوافق يوم الثلاثاء
الى اتكلم فيه يسوع....عن اسرار وحاجات للجموع
قال لهم ازاى بتكون..الطاعة و لمين بتكون
دربهم على دفع الجزية.. لالاههم وكمان لملكهم
قال لهم ان مال قيصر. لازم يكون لقيصر
و ان ما لله.... لازم يكون لله

و خامس ايام الاسبوع.....بيكون اربع ايوب
اليوم الى فيه اتخان المسيح من يهوذا عديم الايمان
يا يهوذا بسهولة قلت......عن مكان المسيح وخنت
خنت الى ادالك حنانه......خنت الى ادالك مكانه
خنت مين يا يهوذا وليه ..سبت مين ورحت لايه
سبت بيتك الكبير...ورحت للجرم الخطير
رحت واخدت الفلوس. ..علشان تبيع القدوس
سلمت المسيح بايديك و شنقت نفسك بايديك

وسادس ايام الاسبوع بيكون خميس الجموع
اليوم الى قعد فيه و اكل المسيح بيداه
كسر و شكر و اعطى التلاميذ معاه
قال لهم اسفك دمى من اجل العهد الجديد
قال لهم ابذل جسدى...من اجلكم يا اولادى
قال لهم اصنعوا هذا......لتتذكروا دمى المسفوك
و اليوم الى جاى ...بيكون يوم التسليم

يوم جمعة التسليم من ايد يهوذا المسكين
قبل يهوذا المسيح. ..علشان يكون الكلام صحيح
بقبلة يسلم ابن الانسان
و يتعذب و يتهان......من اجلى و من اجلك كمان
استحمل المسيح كتير .من الالم والجرح والاه
مين فينا ضميره مرتاح. علشان بنجرح الاله
اندفن المسيح فى القبر. و قعد فيه ثلاث ايام

وفى ليلة سبت النور...سبت الفرح والسرور
بتكون رحلة العبور..من الموت الى الحياة
بيعبر بينا المسيح..من الشمال الى اليمين
بيكسر بينا المسيح عبودية ابليس اللعين
و اليوم الى جاى ده. ..احلى ايام الاسبوع
اليوم الى مستنيه.. .رب المجد يسوع المسيح

قام المسيح من الاموات و انتصر على الالامات
وقال لنا ها انا اعطيكم حياة و امان وسلام
ادانه المسيح حياة....لما قام من الاموات
اعطانا المسيح غلبه على الموت وكسر شوكته
قال لنا يا اولادى .ها انا اعطيكم حياة جديدة

الى هيقبل و يكون معايا. ..هيكون ليه مكان فى سمايا
يلا تعالى و سيب حياتك....دا المسيح هو خلاصك
ارجع ليه يلا قوام .و قوله اقبلنى على الدوام
اوعى تقول الطريق طويل ده طريق يسوع الحنان
و قوم معايا يلا نصلى..و نطلب من الحنان
و نقوله و بكل خشوع...اقبلنى عندك يا يسوع

pray for me

المصدر: †† ارثوذكس †† - من قسم: التأملات الروحية والخواطر الفكرية

[finyara]

جميله جد جدا ا بس احنا مش بندفع لربنا جزية ولا ده علشان القافية هههههههههههههههههه
كل سنه وانت طيبة

[ابن يسوع2]

حلوة جدااااااااااااااااااااااا اااا بس كان فيه بعض الكلمات اللي كانت لو وضعت هايكون اشمل في المعني ياريت ماتزعليش من اضافتي لانه بجد عاجبني وربنا يقويكي سامحيني

[Hanyking]

حقيقى ربنا يباركك ويعوض تعبك ومجهودك كلامات جميلة جدا ومؤثرة اوى حقيقى عجبتنى جدا جدا ربنا يفرح قلبك وصلى من اجل ضعفى .
اخوكى كابوووو

[رامى حبيبى]

ربنا يباركك ويعوض تعب مجهودك وكلامات جميلة جدا ومؤثرة ربنا معاك.

[nana222]

شكرا للموضوع الجميل