[عماد حسنى]

فاكره لما كنتى تعبانه
يوميها فوقتك بلبانه
وعلى كتفى حطيتك
وقلعت الجاكت غطيتك
وفضلت أطبطب على ضهرك
وصوابعى بتعلب مع شعرك
وقعدت افتحلك فى عنيكى
وضغطك كان واطى عليكى
ولما قفلت على إيديكى
قربت وعرفت أخد نفسك ..

فاكره لما كنتى تعبانه
كنتى عمله زعلانه
مع انى ساعتها مازعلتك
أه زعقت شويه وخاصمتك
لكن فى لحظه وانا جمبك
ماهنش عليا وصالحتك
ومسكت بايديا موبايلك
أغنيلك غنوه وأهمسلك
بس اللى غنيتلى شفايفك
وسمعت حليم وسمعتك ..

حليم وأغانيه فكرانا
حبك نار مش نسيانا
أوعى تنسى ذكرانا
يوم ماكنتى تعبانه ..


__________________________________



اخر كام موضوع كانوا حزن وتعب شويه
حبيت اكتب حاجه خفيفه سريعه بعيد عن طبع كتاباتى ..
يارب تعجبكم ..
سلام المسيح معاكم

المصدر: †† ارثوذكس †† - من قسم: القسم الادبي

[nermos1982]

موضوع جميل اوى ولذيذ يا عماد بس ياريت بجد كل واحد فينا مش يزعل اللى بيحبه لانه اكيد مهما زعلنا بيبقى خايف علينا
ميرسى بجد يا عماد على الموضوع الجميل ده واوعى تزعلها تانى. ربنا يفرح قلبك ويكون معاك دايما

[حنين سنين]

واااااااااااااو إيه المود الجديد دا يا عمده بجد فظيع أسلوبك جديد بس خفيف. ولذيذ موووووت برأفة عليك

[marian magde]

حلو التجديد منك ياعماد ، انت عارف كل حاجة من حبيبك بتبقى حلو حتى لو زعلك بدون قصد وخاصة لما تشوف بعديها فى عنية حنيتوا وزعلوا من نفسوا وانوا دايما بينصفك حتى لو على نفسوا ولما تلاقى لمستوا ليك بتبقى حب وفى نفس خوف عليك واحترام ليك بس دايما كل حاجة بتبقى الاعتدال فيها احسن حاجة لان كل شئ لو زاد عن حدوا بينقلب ضدوا بمعنى ان المشاكل الكثير بتخنق كل حاجة حلوة فلو قبل اى انفعال فكرنا شوينا واتحكمنا فى نفسنا هتبقى الحياة كلها حلوة مع انها نظرة مثالية زيادة عن اللزوم منى بس كل واحد قادر ان يبتدى بنفسوا ويجعل المستحيل حقيقة ومرسى على شعرك الرومانسى الجميل

[كيرو رافت]

ههههههههههههههههههههههههه
لا حلوة يا عمده تسلم الايادى يا فنان
ايوه كدا التنويع رائع واختيارك للكلمات فى منتهى الروعه
الاسلوب اكثر من رائع
بس عجبتنى قوى اللبانه اللى بتفوق دى
يا ترى دى نوعها ايه
سمارة ولا تشيكلس
عموما اللبانه اهون من البصل

[اشرف وليم]

[جاسيكا]

جميلة
ربنا يفرحك ياشاعرنا
وتكتب كلام للفرح من قلبك

[zaza2006]

كلمات خفيفة وجميلة يا عماد
تعيش وتكتب

[miso]

ههههههههههههههههههههههه بجد وانا بقراها كنت متوقعة تقول انها منقولة من حد
بس لذيذة

[dodielpop]

ربنا يعوض تعب محبتك وبجد موضوع جميل