[عماد حسنى]

فاكره لما كنتى تعبانه
يوميها فوقتك بلبانه
وعلى كتفى حطيتك
وقلعت الجاكت غطيتك
وفضلت أطبطب على ضهرك
وصوابعى بتعلب مع شعرك
وقعدت افتحلك فى عنيكى
وضغطك كان واطى عليكى
ولما قفلت على إيديكى
قربت وعرفت أخد نفسك ..

فاكره لما كنتى تعبانه
كنتى عمله زعلانه
مع انى ساعتها مازعلتك
أه زعقت شويه وخاصمتك
لكن فى لحظه وانا جمبك
ماهنش عليا وصالحتك
ومسكت بايديا موبايلك
أغنيلك غنوه وأهمسلك
بس اللى غنيتلى شفايفك
وسمعت حليم وسمعتك ..

حليم وأغانيه فكرانا
حبك نار مش نسيانا
أوعى تنسى ذكرانا
يوم ماكنتى تعبانه ..


__________________________________



اخر كام موضوع كانوا حزن وتعب شويه
حبيت اكتب حاجه خفيفه سريعه بعيد عن طبع كتاباتى ..
يارب تعجبكم ..
سلام المسيح معاكم

المصدر: †† ارثوذكس †† - من قسم: القسم الادبي

[nermos1982]

موضوع جميل اوى ولذيذ يا عماد بس ياريت بجد كل واحد فينا مش يزعل اللى بيحبه لانه اكيد مهما زعلنا بيبقى خايف علينا
ميرسى بجد يا عماد على الموضوع الجميل ده واوعى تزعلها تانى. ربنا يفرح قلبك ويكون معاك دايما

[عماد حسنى]

المشاركة الأصلية كتبت بواسطة nermos1982 موضوع جميل اوى ولذيذ يا عماد بس ياريت بجد كل واحد فينا مش يزعل اللى بيحبه لانه اكيد مهما زعلنا بيبقى خايف علينا ميرسى بجد يا عماد على الموضوع الجميل ده واوعى تزعلها تانى. ربنا يفرح قلبك ويكون معاك دايما

شكرا يا نرمين على حضورك وعلى النصيحه كمان عندك حق ؟
الف شكر لمشاركتك بجد
ربنا يخليكى ويفرح قلبك

[حنين سنين]

واااااااااااااو إيه المود الجديد دا يا عمده بجد فظيع أسلوبك جديد بس خفيف. ولذيذ موووووت برأفة عليك

[عماد حسنى]

المشاركة الأصلية كتبت بواسطة حنين سنين واااااااااااااو إيه المود الجديد دا يا عمده بجد فظيع أسلوبك جديد بس خفيف. ولذيذ موووووت برأفة عليك

شكرا جدا جدا يا هنا ان الاسلوب الخفيف عجبك
الف شكر لحضورك ومشاركتك
ربنا يخليكى ويفرح قلبك وحياتك

[marian magde]

حلو التجديد منك ياعماد ، انت عارف كل حاجة من حبيبك بتبقى حلو حتى لو زعلك بدون قصد وخاصة لما تشوف بعديها فى عنية حنيتوا وزعلوا من نفسوا وانوا دايما بينصفك حتى لو على نفسوا ولما تلاقى لمستوا ليك بتبقى حب وفى نفس خوف عليك واحترام ليك بس دايما كل حاجة بتبقى الاعتدال فيها احسن حاجة لان كل شئ لو زاد عن حدوا بينقلب ضدوا بمعنى ان المشاكل الكثير بتخنق كل حاجة حلوة فلو قبل اى انفعال فكرنا شوينا واتحكمنا فى نفسنا هتبقى الحياة كلها حلوة مع انها نظرة مثالية زيادة عن اللزوم منى بس كل واحد قادر ان يبتدى بنفسوا ويجعل المستحيل حقيقة ومرسى على شعرك الرومانسى الجميل

[عماد حسنى]

المشاركة الأصلية كتبت بواسطة marian magde حلو التجديد منك ياعماد ، انت عارف كل حاجة من حبيبك بتبقى حلو حتى لو زعلك بدون قصد وخاصة لما تشوف بعديها فى عنية حنيتوا وزعلوا من نفسوا وانوا دايما بينصفك حتى لو على نفسوا ولما تلاقى لمستوا ليك بتبقى حب وفى نفس خوف عليك واحترام ليك بس دايما كل حاجة بتبقى الاعتدال فيها احسن حاجة لان كل شئ لو زاد عن حدوا بينقلب ضدوا بمعنى ان المشاكل الكثير بتخنق كل حاجة حلوة فلو قبل اى انفعال فكرنا شوينا واتحكمنا فى نفسنا هتبقى الحياة كلها حلوة مع انها نظرة مثالية زيادة عن اللزوم منى بس كل واحد قادر ان يبتدى بنفسوا ويجعل المستحيل حقيقة ومرسى على شعرك الرومانسى الجميل

شكرا جدا جدا يا ماريان على مشاركتك ورأيك واضافتك
طبعا عندك حق فى كل كلمه
الف الف شكر ليكى ولمرورك
ربنا يفرح قلبك وكل حياتك ويكون معاكى

[كيرو رافت]

ههههههههههههههههههههههههه
لا حلوة يا عمده تسلم الايادى يا فنان
ايوه كدا التنويع رائع واختيارك للكلمات فى منتهى الروعه
الاسلوب اكثر من رائع
بس عجبتنى قوى اللبانه اللى بتفوق دى
يا ترى دى نوعها ايه
سمارة ولا تشيكلس
عموما اللبانه اهون من البصل

[عماد حسنى]

المشاركة الأصلية كتبت بواسطة كيرو رافت ههههههههههههههههههههههههه لا حلوة يا عمده تسلم الايادى يا فنان ايوه كدا التنويع رائع واختيارك للكلمات فى منتهى الروعه الاسلوب اكثر من رائع بس عجبتنى قوى اللبانه اللى بتفوق دى يا ترى دى نوعها ايه سمارة ولا تشيكلس عموما اللبانه اهون من البصل

شكرا جدا جدا يا رافت على حضورك بجد وعلى ردك ومشاركتك
متشكر ان الاسلوب عجبك ربنا يخليك ويفرح قلبك دايما
.........
على فكره اللبانه مش سماره ولا تشيكلتس
اللبانه كانت كلورتس اخضر
وعلى رأيك اكيد اهون من البصل

[اشرف وليم]