[اشرف وليم]

طفل بيكلم ماما العذراء من وراء بابا يسوع - تعالو نشوف قالها ايـــة !!!

إزيك ياماما العزراء عامله ايه دلوقتي
بقولك ايه انا كنت عاوزك في موضوع بس مش عاوز... بابا يسوع يعرف
حاولي تقومي من جنبه كده او تتكلمي بصوت واطي ماشي
بصي ياماما العذراء
عيد ميلاد بابا يسوع قرب وانا نفسي اجبله هديه
بس مش عارف هو نفسه في ايه
انتي مامته واكيد عارفه هو محتاج ايه
بصي ياماما العذراء
حاولي تعرفي منه هو نفسه في ايه في عيد ميلاده
بس من غير مايعرف ان انا قلتلك حاجه
علشان عاوزها تكون مفاجاه
هو علي طول بيجبلي حاجات كتير قوي
ومن غير مااطلبها كمان ولما بسال ماما وبابا
بيقولولي هو سالنا واحنا قلناله انت كان نفسك في ايه
فانا قلت اسالك انتي علشان انتي مامته واكيد عارفه هو عاوز ايه
بس اعرفي بسرعه علشان الحق اشتري الهديه
انا كل يوم كنت بحط في الحصاله نص جنيه
من مصروفي علشان احوش تمن الهديه
ماتنسيش ياماما العزراء علشان خاطري
باااااي بقي دلوقتي علشان ماما بتنده عليااا ماشي

المصدر: †† ارثوذكس †† - من قسم: التأملات الروحية والخواطر الفكرية