[nermos1982]

صعبان اوى يا قلبى عليا

حبيبك اهو قصاد عينيك ومش قادر حتى تسلم عليه

رجع تانى بس مش قادر حتى تلمس ايديه

ولا حتى نظرة من عينيه

معلش ياقلبى ماهو قدرك

تحب وتتعذب وحبيبك بعيد عنك

ولما تيجى لحظة اللقا تلقاه بعيد عنك

تحس انه بيتهرب منك

حبيبك جنبك ياقلبى بس قلبه بعيد

حبيبك جنبك يا قلبى بس قلبه عنيد

هاتموت وتشوفه انا عارفة

ده انت ميت من غيره ومستنيه يحييك

بس نعمل ايه ياقلبى فى حبيب مش حاسس بيك

هو ده ذنبك يا قلبى

وادى النتيجة

حبيبك قصاد عينيك ومش قادر حتى تسلم عليه

المصدر: †† ارثوذكس †† - من قسم: القسم الادبي

[nermos1982]

انا عارفة انه مش حلو بس برضه مستنية اراءكم

[مينا الحديدى]

المشاركة الأصلية كتبت بواسطة nermos1982 انا عارفة انه مش حلو بس برضه مستنية اراءكم

دى كلمات فلة يا بت
وان شاء هيحس بيكى
بس بلاش استعجال
وانتى برضة حاولى تلفتى نظرة

[امل بنت الرب]

حبيبك اهو قصاد عينيك ومش قادر حتى تسلم عليه الى يقول مش حلو يبقى مبيفهمش كفاية احساسة واكتر من رائع ربنا يعوض تعبك

[اسامه سمسم]

الله على قوة تعبيرك يا نانا
بجد احساسك جااااااااااااامد اوى
ربنا يعوضك خير
وتسلم ايدك

[مانـــوو]

وادى النتيجة




حبيبك قصاد عينيك ومش قادر حتى تسلم عليه

راائع يا نرموووووووووووووووووووو

تعيشى وتكتبى

[menalouka]

مش حلو إيه يابنتى بس
دا رائع بجد رائع جداً إحساسك جميل أوى يا نرمين ..
ومنتظرين المزيد طبعاً متحرميناش من باقى كلماتك الجميلة

[marooooo]

ازاي بتقولي انه مش حلو بجد انا بتعجبني كل كتاباتك اووي عارفه يا نرمين بجد المشكله ان صعب حد يلاقي انسان بيحبه اووي كده واللي بيلاقيه بيضيعه من بين ايديه بس صدقيني بيندم اوووي بعد كده ربنا معاكي يا قمر

[ميلاد صدقى]

حبيبك قصاد عينيك ومش قادر حتى تسلم عليه

كلمات ممتازة يا نانا ومتركبة صح واحساس ملهوف على حبيبة
وبعدين لية مش قادر تسلم علية روحى سلمى وهو هايفتكرك يا قلبى
وان ما افتكرش انا بهمسى افكرة وبنظرة اعرفة ويرجع الحب من تانى
ربنا يباركك ويكون معاكى ويرعاكى دايما

[جانيت سمير]

جميل جدا واحساسك جميل جدااااااااا