طلبت انبا كاراس كتير علشان يعمل معايا معجزة لامر معين معايا بطلبة كتير اوى وفى مرة مسكت كتاب معجزات للانبا كاراس الجزء الثالث وكنت حزينة اوى وقولت افتح الكتاب
بلصدفة اشوف يمكن يكلمى يقولى حاجة لقيت الكتاب اتفتح على اية (انا الرب فى وقتة اسرع بة ) قفلتة وفتحتة تانى طلعلى نفس الاية 3 مرات وانا اعمل كدة طلعت نفس الاية استريحت وحسيت انة معايا وربنا سامعنى وهيستجيب فى الوقت المناسب والافضل ليا علشان ربنا عارف مصلحتى اكتر من اى حد عدا على الكلام دة كتير يمكن اكتر من شهر
انهاردة وبتاريخ 1_9_2011 جددت نفس الكلام للانبا كاراس واتشفعت بية تانى وانا متالمة لقيت قدامى على الكومبيوتر كتاب حياة الانبا كاراس غير الكتاب الاولانى وفتحتة بلصدفة قولت يمكن يكلمنى بحاجة تبرد قلبى فتحتة باصدفة لقيت معجزتين بس مش مقاربين لطلبتى زعلت قفلت وفتحت تانى طلعوا نفس المعجزتين قولت اكيد فى حاجة اقرا كويس يبقاا ببص على اول سطر فى الصفحة لقيت نفس الاية(انا الرب فى وقتة اسرع بة ) ما تتصوروش انا فرحانة اد اية ومبسوطة واول ما شغلت الكومبيوتر قولت اكتبها علشان كل الناس تعرفها وتعرف اد اية++ الانبا كاراس++ طيب وحنين وحاسس بى ولادة وكل اللى بيطلبونة واد اية انة سريع الندهة بيهتم باولادة طوباك يا حبيب مخلصنا الصالح اذكرنا فى صلواتك دائما امام عرش النعمة