[Dr.PeRO]

الصورة ديه صممتها عشان تبقى حافز ليا وليكوا على مواصلة الجهاد فى الحروب الروحية دون وقوع وتقهقر، يعنى لما نشوف واحد زى قديسنا مارجرجس وكم الاغراءات والعذابات اللى امتدت لسبع سنين متواصلة، ساعتها نيجي نقارن الحرب الشرسة اللى قابلها وانتصر عليها بمعونة الروح القدس، بالحرب البسيطة اووى اللى بنقابلها احنا يومياً، هنلاقى ان تقريباً مفيش مقارنة!! الشهيد ابوسيفين كذلك .. اما الشهيد مارمينا، فده له معزة خاصة عندنا كلنا عشان هو الوحيد فى ال3 دول اللى مصري الجنسية .. بجانب انه كان يعتبر راهب بدرجة ناسك قبل بدء تعذيبه واستشهاده، لأنه قضى 5 سنين فى الصحرا لوحده بدون اي معونة، بس طبعاً الروح القدس كان معاه بيقويه ويسنده

الصورة ديه عملتها بعد احداث كنيسة القديسين، وهى بتوضح اننا علطول هنكون تحت غضب ابليس واعوانه البشريين لأننا نسلك بالروح وتحتضن اجسادنا الروح أيضاً وده بيحصل فى سر الافخارستيا .. عزانا طبعاً ان الشهداء دول فى السما دلوقتى وضمنوا الحياة الأبدية، لكن هل احنا هنكون معاهم ولا لأ؟! اعتقد إيمانا لوحده مش كفاية، لازم أعمالنا كمان

الصورة ديه بتوضح ان الحرب الفكرية الروحية شرسة جدااا لكل انسان بيجاهد وبيقاومها .. لكن الانسان اللى بيستسلملها بسهولة مش هيحس بضراوتها ولا هيحس انه تحت حرب او تجربة او فكر شرير .. بس ده هيبقى مصيره البحيرة المتقدة نار وكبريت مع ابليس اللى كان بيحاربه على الأرض ووقعه.
أحب اقول ان السلاح الوحيد اللى يناسب الحروب ديه ويقدر ينصرنا عليها هو معونة الروح القدس، عشان كده عند اى فكر للخطية أو الشعور بالميل ليها، لازم نناجى الله ونطلب قوة سمائية ونستعطف مراحم ورأفات الله.

المصدر: †† ارثوذكس †† - من قسم: تصميمات الأعضاء

[twaty]

اللة الصورة دى فى منتهى الروعة وانا بحبها اوى
ميرسى على التصميم الرائع دا وعلى الكلمات الجميل دى

لازم نناجى الله ونطلب قوة سمائية ونستعطف مراحم ورأفات الله.

ربنا يعوض تعب محبتك يارب

[Dr.PeRO]

متشكر لمرورك الجميل، والأجمل من اى صورة اننا نحس ونفهم ونعيش معناها، وإلا تبقى الصورة ملهاش قيمة، بل بالعكس هتبقى موضع دينونة لينا لأننا شوفناها ومعملناش بيها

[بنت يسوع المخلص]

جميلة اوى تصميماتك يابيتر ميرسى ليك وربنا يعوض تعب محبتك
وربنا يحافظ علينا كلنا

[Dr.PeRO]

المشاركة الأصلية كتبت بواسطة بنت يسوع المخلص جميلة اوى تصميماتك يابيتر ميرسى ليك وربنا يعوض تعب محبتك وربنا يحافظ علينا كلنا

متشكر خالص لردك الجميل، نورتى الموضوع

[اشرف وليم]

حقيقي تسلم ايدك
صور جميلة جدا
الرب يبارك حياتك

[MOSHAOK]

أيه الروعة دي بجد تصميمات في غاية الجمال ومن أفضل التصميمات الدينية اللي شفتها في المنتدى
مجهود
فكر
خدمة
بجد ربنا يعوضك ويسستحق التقييم

[نريمان]

تسلم ايديك بجد صور حلوة خالص
ربنا يعوض تعب محبتك

[يارب قف بجانبى]

بجد بجد تسلم ايديك جمال اوىىىىىىىىىىى و بجد روعة جداااااا
ميرسى كتير على تعبك

[aymonded]

أن أحب أحد الرب ينفعل به داخلياًَ بقلبه ومشاعره الصادقة
فيشعره يتخلل كل أركان قلبه ووجدانه ويظهر في كل اتجاهات حياته
فيفرح جداً ويُسَرَّ به ويحيا وصاياه ويُمجده بكل قوته ويخدمه بمواهبه التي أعطاه أياها
باركك الله ومجد ذاته في كل ما تصنع حسب مسرة مشيئته يا محبوب الله الحلو
الذي أبدع وعمل بإحساسة الصادق فأثر في كل من رأى عمله
النعمة تملأ قلبك سلام ومسرة ومعرفة حتى تنمو
في موهبتك وتستثمرها لحساب مجد رب الكل
الذي له المجد والكرامة آمبن