بمناسبه دخول موسم الأمتحانات عند كل الفرق أبتدائى وأعدادى وثانوى والكليات كمان حبيت اقولكم ازاي تخنق المراقب وممكن رئيس اللجنه نفسو..جاهزين..
ركزو معايا..
أولا..
أول ماتدخل اللجنه وتقعد فى مكانك لجنه20 تقوم تنده المراقب وتقوله مش دى لجنه 15 هيقولك بصوت عالى لا دى لجنه 20 هتقوله ببرود منا عارف أصل زميلى كان تايه وبيدور على لجنه 17 وقولتله دى بعد لجنه 15 بلجنتين..وقبل مينطق كلمه قوله هو الساعه كام دلوقتى..معا العلم أنك معاك ساعه ولو سألك قوله معلش أصلها بتخرف..وقبل مينطق كلمه قوله ميرسى قوى..
فاضل اد ايه علي نهايه الامتحان .... مع انوا لسه موزعوش ورق الاجابه
ثانيا..
أعمل قلق فى اللجنه..يعنى مثلا أعطس على الفاضى والمليان بطريق مستفزه وبعد كل مره متنساش تقول لا مؤاخذه أصلى عندى برد..ومفيش مانع تتطلع المنديل ..وتفضل تنق بصوت عالى يخلى كل الى حواليك يرجعو يجيبوا كل الى فى بطنهم..
ثالثا..
أقعد أنده فى المراقب على الفاضى والمليان يعنى مره تقوله ممكن أروح دوره المياه تانى مره تقوله على فكره الأمتحان سهل جدا بس طويل..ومره تانيه تقوله مش عارف أكتب من الحر كل شويه الهوا يطير الورقه..مره تانى تقوله ممكن تسكت الطلبه الى حواليا مش عارف أركز..فى عز الهدوء..مع العلم لما تنده عليه يستحسن أنك تبقى فى أول اللجنه وهو فى أخر اللجنه..أخر حاجه لو خلصت بدرى ..تقوله أنا خلصت هيقولك متسلم الورقه قوله معلش أصلى براجع..وأقفل الورقه ونام عليها..وأستنى عند لم الورق فى الأخر وهو بياخد الورقه منك قوله معلش ممك أسطر الورقه..
ملحوظه..
كل الطرق الى فاتو مبياخدوش وقت خالص ويستحسن مترخمش غير على المراقب الخنيق بس..لمجرد أنك تحرق دمه وعلى فكره هتحس بمتعه غريبه وأنتا بتحرق دمه..
ولما تقرو الرساله وتنفذوا الى فيها
أبقو رنولى علي اربع طمطمات خيارتين ورده