[emmmy]

ازيكم يا حلى اعضاء واجمل اخوات
عاوزة اتكلم معاكم فى موضوع مهم
ممكن---


فى الموضوع ده انا بتكلم عن علاقة الشباب
بالشابات وعاوز اقول حاجات مهمة فى غاية
الخطوره اللى هى
ان فيه كتير من الشباب المسيحيين بداو انهم
يتعلموا طباع اهل العالم ويبصوا للفتبات على
شيىء للمتعه والتسلية ولتمضية الوقت وكمان
الاكتر ان فيه منهم بيعملوا رهان مع بعض على
حساب مشاعر فتاة ويشوفوا مين اللى يوقعها
فى دباديبه ورمش عينيه ويقولوا ان البنات دى
حاجة يثبت بيها رجولته او مغامرة يفتخر بيها
قدام زملائه ويقول انا البنت الفلانيه وقعت فى
دباديبى وبتتمنى رضاى وانا اللى رميها زى ال
0000او ال00000 ومش عاوز اقول انا احتراما
لكرامة كل الفتيات
عزيزى الشاب
خلى بالك وخلى بالك كويس
كما تدين تدان
اوعى تفتكر ان بنات الناس لعبة تلعب بيهم
الكورة
كما تدين تدان
لانك اذا كنت انت يامسيحى بمجرد ماتعرف سر
عن بنت معينة بتفضح بيها الدنيا امال الغير
مسيحى يعمل ايه اذا كنت انت بتلعب بعواطف
البنات وتكدب عليهم وتخدعهم امال غيرنا يعمل
ايه مع بناتنا
اذا كنت انت بتحتقر بنت غلطت او ارتكبت خطية
امال غيرك يعمل ايه فيها
ان كنت انت بتذم وتقلل من كرامة بنت مسيحيه
امال المسلم يعمل ايه قوللى يعمل ايه ؟؟؟؟؟؟
هى البنت دى مش مسيحيه زيك ولا انت من
دين وهى من دين
كما تدين تدان
هناك بعض الشباب المسيحى كان السبب فى
ان هناك فتيات تركت المسيح لانه لعب بيها الكورة
ورماها رمية الكلاب فاضطرت خوفا من الفضايح انها
تسيب المسيح واهلها وتترك ايمانها والسبب ايه
السبب ايه شاب مسيحى حقيير
هو اللى وصلها للحالة دى والشاب اللى زى ده
ربنا هايحاسبه اضعاف لانه لعب ببنات الناس
الكورة ووصلهم لمرحلة الياس اللى فيها تركوا
المسيح
كما تدين تدان
لو انت مسيحى حقيقى ماتتكلمش كلمة حقيرة
او بذيئة على بنت مسيحية وماتقللش من كرامتها
انما العكس تشكر فيها ترفع من كرامتها لانك مش
انت تقول كده وانت اساسا انسان خاطى لا والف
لا انت لما بتقلل من شان بنت او امراة مسيحيه
كانك بتقلل من كرامتك انت وبتشجع اى انسان
غير مسيحى انه يتعدى عليها
كما تدين تدان
ان راحاب الزانية دخلت فى سلسلة نسب السيد
المسيح لانها امنت بخطة الله اله العبرانيين وكمان
صدقت المواعيد وكمان المراة اللى اتمسكت وهى
بتعمل اخطية المسيح دافع عنها مع انها فعلا زنت
يعنى فى حالة تلبس السامرية اللى كانت ليها
اربع ازواج والخامس عايشة معاه بالحرام المسيح
عاملها بكل محبه ماقلهاش ابعدى عنى يانجسة
او انا مش بتكلم مع زوانى بالعكس معاملته كانت
معاملته ليها فيها اقوى انواع الرحمة
يبقى ازاى انت تحاسب بنت مسيحية او امراة
نفترض انك عرفت اسرار حساسة عنها ليه هو
انت احسن من السيد المسيح علشان تحاسب
وتتكلم وهاتستفيد ايه قوللى
كما تدين تدان
ياربى يسوع المسيح خلينى انسان جديد ابعد
عنى النظرة الردية نضف قلبى من الكره والحقد
نضف عقلى من افكار اهل العالم يامدبر كل الامور
استطيع كل شيىء فى المسيح الذى يقوينى

المصدر: †† ارثوذكس †† - من قسم: الموضوعات الشبابية

[hard_age]

موضوع جميل كما تعودنا
بغض النظر عن جملة امال غيرنا هيعمل اية لكن المفروض الانسان عادة ميعملش كدا كلنا بشر خطائون فالشاب لما يحتقر بنت اخطات يعنى هو معصوم من الخطا يعنى بيعمل شيان مختلفان هو بيخطا وبيعاير او بيفضح بنت اخطات( يالا العذاب) ربنا كبير ودا موضوع مش سهل ضع الرب امامك فى كل تصرف بتعملة وهتلاقى انك تخاف او بالمعنى الاصح بتخبى سر مش من المفروض افضحة وربنا قادر انة يباركنا
وميرسى لموضوعك الجميل
واسف على التطويل

[emmmy]

المشاركة الأصلية كتبت بواسطة hard_age موضوع جميل كما تعودنا بغض النظر عن جملة امال غيرنا هيعمل اية لكن المفروض الانسان عادة ميعملش كدا كلنا بشر خطائون فالشاب لما يحتقر بنت اخطات يعنى هو معصوم من الخطا يعنى بيعمل شيان مختلفان هو بيخطا وبيعاير او بيفضح بنت اخطات( يالا العذاب) ربنا كبير ودا موضوع مش سهل ضع الرب امامك فى كل تصرف بتعملة وهتلاقى انك تخاف او بالمعنى الاصح بتخبى سر مش من المفروض افضحة وربنا قادر انة يباركنا وميرسى لموضوعك الجميل واسف على التطويل

لالالا خالص ولا تطويل ولا حاجة بالعكس انا بسمتع بالحوار معاك
وبكلامك وارشادك بس انا عايزة اقولك حاجة
انت معترض على جملة اومال غيرنا هيعمل اية هو انت طبعا عندك حق كلنا بشر وكلنا المفروض نخاف ربنا
بس الانسان المسيحى بيبقى مميز المفروض بما انة ابن الملك رب المجد يسوع
ولازم يشهد للمسيح بتصرفاتة دة ويعرف الكل اية الفرق بين شاب مسيحى وشاب غير مسيحى
بس دة كل قصدى
شكرا على مشاركتك ومحبتك الرب يباركك

[hard_age]

ولازم يشهد للمسيح بتصرفاتة دة ويعرف الكل اية الفرق بين شاب مسيحى وشاب غير مسيحى
بس دة كل قصدى
قصدك مفهوم وواضح يافندم من الاول وانا مش معترض على اى جملة بالعكس انا معجب جد بالموضوع كلة وفعلا الانسان المسيحى لابد ان يتميز( فيروا اعمالكم الصالحة فيمجدوا اباكم الذى فى السموات )
وميرسى لزوقك الجميل فى موضوعاتك المفيدة

[ريم الخوري]

اي الموضوع الناري دا يا ايمي برغم انة حال محزن ...عن جد تشكري علية
بس هل عبارة حسيتها تقيلة شوي بالموضوع رغم اهميتوا كمضمون
شاب مسيحى حقيير
لانك نفسك بتقولى لا تدين لكي لا تدان ...نحنا ميش بموقع كبشر ممكن ندين اي حد لا انا ولا انتي ولا اي حد على الاطلاق لان الكل اخطاء واعوزهم مجد الله ودا كلام الكتاب وهي كتيرة والرب نفسة ..في حالة المراة الزانيةلما رجُمت قاللهم الرب من كان منكم بلا خطيئة فليرجمها ...دا اولاً

ثانيا بالنسبة لجوهر الموضوع اختي العزيزة
الموضوع دا لية بعد تاني ابعد من روشنة شباب والشرطنة او حب اظهار الذات من الطرفين ..و..ووووالخ
* لية بعد اجتماعي بيئة منجرفة تحت اسم التحضر الانفتاح بطريقة غير سليمة ... والتقليد الاعمي .مثلا...(تلقي بدل ما يحط صورة قديس بغرفة حاطط مطرب او.. او. والامثلة كثيرة . دا بقي القدوة التي تحتذي الايام دي ...وشوفي الفرق بين الاثنين فرق السماء عن الارض
واي القيم اللى رح يتعلمها الشاب او الفتاة بالطريقة دي ......انسان فارغ من الداخل ....

*اسرة معرفيتش تربي(تسيب اسري على كل الاصعدة) اساس البناء لهذا الشاب وهذة الفتاة غير متين لذلك مع اول هبة ريح ....بتوقع
*ضعف روحي وبعد عن كنيسة وعن كلمة اللة وتعاليم السيد ودي اعظم مشكلة ممكن تسحق الشباب والفتيات الى الهاوي

وعموما الشاب او الفتاه ....ونظرتهم لترتيب اولويات امور حياتهم المادية والروحية وطريقة تفكيرهم ...بردة ليها اسباب ومعطيات وليها تاثير على نظرة الشباب لكثير من الامور بيحللوا ويحرموا على حسب هما عايزين اية ...ودا بردة يرجع للبعد عن كلمة اللة وسفينة النجاة الكنيسة
* وايضاًممكن التصرفات دي تنم عن مشكلة نفسة بين الاحساس بالنقص وبين تحقيق الذات ووو

مشكلة متجذرة ومتشعبة العمدة على الاساس الاسرة يا اختي العزيزة اللي معرفتيش تزرع كلمة الله في قلوب ابنائهم ليكون الرب هو
حجر الزاوية في بناء شخصيتهم القائمة بة وله ..والتطبيق لتعاليمة ميش بطريقة صورة بل بعمق عمل النعمة بحياتهم ...

..طولت عليكي

الرب يحفظك يا ايمي ويبارك في خدمتك

[nerooo]

مووضوع فعلا جميل ايمــــى
شكرا كتير ليكى

[emmmy]

المشاركة الأصلية كتبت بواسطة hard_age ولازم يشهد للمسيح بتصرفاتة دة ويعرف الكل اية الفرق بين شاب مسيحى وشاب غير مسيحى بس دة كل قصدى قصدك مفهوم وواضح يافندم من الاول وانا مش معترض على اى جملة بالعكس انا معجب جد بالموضوع كلة وفعلا الانسان المسيحى لابد ان يتميز( فيروا اعمالكم الصالحة فيمجدوا اباكم الذى فى السموات ) وميرسى لزوقك الجميل فى موضوعاتك المفيدة

مممممم
طيب كويس يبقى مش مختلفين ومتفقين
يا استاذى ومرسى للكلمات الجميلة
والتشجيع الحلو -- الرب يباركك

[emmmy]

المشاركة الأصلية كتبت بواسطة ريم الخوري اي الموضوع الناري دا يا ايمي برغم انة حال محزن ...عن جد تشكري علية بس هل عبارة حسيتها تقيلة شوي بالموضوع رغم اهميتوا كمضمون شاب مسيحى حقيير لانك نفسك بتقولى لا تدين لكي لا تدان ...نحنا ميش بموقع كبشر ممكن ندين اي حد لا انا ولا انتي ولا اي حد على الاطلاق لان الكل اخطاء واعوزهم مجد الله ودا كلام الكتاب وهي كتيرة والرب نفسة ..في حالة المراة الزانيةلما رجُمت قاللهم الرب من كان منكم بلا خطيئة فليرجمها ...دا اولاً ثانيا بالنسبة لجوهر الموضوع اختي العزيزة الموضوع دا لية بعد تاني ابعد من روشنة شباب والشرطنة او حب اظهار الذات من الطرفين ..و..ووووالخ * لية بعد اجتماعي بيئة منجرفة تحت اسم التحضر الانفتاح بطريقة غير سليمة ... والتقليد الاعمي .مثلا...(تلقي بدل ما يحط صورة قديس بغرفة حاطط مطرب او.. او. والامثلة كثيرة . دا بقي القدوة التي تحتذي الايام دي ...وشوفي الفرق بين الاثنين فرق السماء عن الارض واي القيم اللى رح يتعلمها الشاب او الفتاة بالطريقة دي ......انسان فارغ من الداخل .... *اسرة معرفيتش تربي(تسيب اسري على كل الاصعدة) اساس البناء لهذا الشاب وهذة الفتاة غير متين لذلك مع اول هبة ريح ....بتوقع *ضعف روحي وبعد عن كنيسة وعن كلمة اللة وتعاليم السيد ودي اعظم مشكلة ممكن تسحق الشباب والفتيات الى الهاوي وعموما الشاب او الفتاه ....ونظرتهم لترتيب اولويات امور حياتهم المادية والروحية وطريقة تفكيرهم ...بردة ليها اسباب ومعطيات وليها تاثير على نظرة الشباب لكثير من الامور بيحللوا ويحرموا على حسب هما عايزين اية ...ودا بردة يرجع للبعد عن كلمة اللة وسفينة النجاة الكنيسة * وايضاًممكن التصرفات دي تنم عن مشكلة نفسة بين الاحساس بالنقص وبين تحقيق الذات ووو مشكلة متجذرة ومتشعبة العمدة على الاساس الاسرة يا اختي العزيزة اللي معرفتيش تزرع كلمة الله في قلوب ابنائهم ليكون الرب هو حجر الزاوية في بناء شخصيتهم القائمة بة وله ..والتطبيق لتعاليمة ميش بطريقة صورة بل بعمق عمل النعمة بحياتهم ... ..طولت عليكي الرب يحفظك يا ايمي ويبارك في خدمتك

عزيزتى ريم اد اية وحشتنى المناقشة معاكى وكلامك الرائع
ومشاركتك المميزة -----

كل كلامك صح وجميل انتى اتكلمتى عن امور اعمق كمان من مجرد الروشنة
بس انتى معترضة على لفظ شاب مسيحى حقير
انا مش بدين حد يا ريم لانى مش بتكلم عن حد بصفة خاصة انا بتكلم بصفة عامة
ولما بيكون فية شاب بالموصفات دى بيتقالة فعلا هذا اللفظ دى اقل حاجة وابسط تعبير يعبر عن موقفة

عموما يا حبيبة قلبى سورى اذا كان اللفظ ضايقك
ومرسى على مشاركتك الجميلة
الرب يباركك

[emmmy]

المشاركة الأصلية كتبت بواسطة nerooo مووضوع فعلا جميل ايمــــى شكرا كتير ليكى

شكرا يا نيرو على مرورك الجميل
الرب يباركك

[aymonded]

حينما يتخبط الإنسان وينحصر في حالة مراهقة الفكر وفراغ العقل وانعدام الملئ العاطفي الأسري والبعد عن الله الذي لم يتربى عنده كابن حقيقي استلم التعليم من الأهل والكنيسة بقلب منفتح تعلم الصلاه منذ الصغر ، لا نتعجب من أن يخرج من قلبه كل ما هو فاسد ومُشين ...

فالطفل الذي يتربى وسط الأدغال والحيوانات الموحشه يعيش بقانونهم الذي تربى في وجدانه والتصق بمخيلته ، حتى أنه صدق أن هذا هو الطبع الصحيح ، ويحيا معجباًُ بنفسه صانعاً حماقات يظن أنها التعقل ويفخر بذاته مع أنه يطعن نفسه بالأوجاع وينتحر !!!
وفي الحقيقة حينما يتوه الشباب عن مسيرتهم ويعرفوا ذاتهم في حقيقة جوهرها يختفي حل مشكلتهم لأن سر حياتهم الحقيقي لم يظهر أمام عيونهم ويحتاجون لوقفه مع النفس لن تتم إلا بسماع صوت قوي ذات سلطان المحبة يدوي في آذانهم !!!

ومن أين يأتي هذا الصوت أن كانت الآذان اليوم أُغلقت بسبب الإهمال الأسري وغياب روح المسيح عن الخدام الذين لا يقدمون العلاج بسيرتهم المقدسة في النور بمحبة عميقة على مستوى البذل والعطاء للنفس الأخير ، فالشباب اليوم يحتاج لسير مكرسة تحمل روح التقوى ومحبة الله الشديدة ولهم ركب منحنيه للصلاة مع الصوم ليمد الله يده بالشفاء العاجل لكل نفس جرحها الشيطان بخداعها بحياة الغاب التي ليست من طبع الإنسان السوي ...

فلإنسان كي يكون مسيحياً لا تكفي البطاقة بل هو عمل الروح القدس في القلب الذي يعمل وسيظل يعمل دائماً للتغيير والتجديد ليُنشأ إنسان صالح لمجد حياة الأبد مع الله في شركة القديسين في النور ...

وليس لنا اليوم إلا أن نرفع الصلوات قبل الكلمات والمواجهة ، لأن أي مواجهة بدون ربنا يسوع فستفشل حتماً لأنها ستتحول لنظريات وأفكار مقدمة بلا روح ، لأن ناموس روح الحياة في المسيح يسوع يعتق النفس من ظلمة روح الشر والفساد الذي تعمل بقوة وسلطان في القلوب اليوم ...

أشكرك حقيقي يا محبوبة الله الحلوة على إثارة موضوع هام للغاية طالبين من الله أن يعطي يقظة روحية ولاهوتية للجميع حتى نحيا جميعاً لله محيي النفس ، ونقدمه للجميع لا كنظرية بل قوة تشد الكل بالنعمة إلى فوق ، فلنصلي معاً أن يرحمنا الله ويغيرنا إليه ويخط فينا قوة حياته لنسير وفق مشيئته وليتمجد اسمه كل حين الآن وكل أوان وإلى الأبد آمين