[جاسيكا]

سخافات معاكسة الشباب للبنات

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصوير البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان


* رأي البنات
بنكره المعاكسات موت وبنكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
وكمان مرتباتنا بنصرفها في تاكسيات المخصوص
علشان نرحم نفسينا من شباب النواصي وبعدين احنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .



* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
الحوار
طبعا ملبس البنت يستفزنا
قلتله الملبس ده حرية شخصية
قال : لا البنات اللي بتلبس ملبس خارج عايزة تتعاكس فخلاص خليها تتعاكس .


أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إنه تعد على حرية الآخرين

ياريت كل الشباب يدخلوا ويقوله رايهم ؟ وليه بيعاكسوا بس بصراحه

المصدر: †† ارثوذكس †† - من قسم: الموضوعات الشبابية

[hana montana 2010]

جاسيكا انا معاكى اوى فى الكلام ده
وخصوصا
اللى يحرق الدم اكتر انك تتعاكسى من واحد كبير اد باباكى
اقوللى مش ده يحرق الدم برضه
الناس فاضيه مش لاقيه حاجه تعملها
وكمان ممكن تلاقى بنات تانيه(بيئه)يعاكسوا ويعلقوا
المشكله فى ان ده بيجرح اوى

[ماريان سعد]

عندك حق فعلا دا أنا بخاف أمشى فى الشارع لوحدى وبخلى حد يوصلنى وانا رايحة الشغل وكمان وانا راجعة بسبب المعاكسات

[love_lorn199]

انا معاكى ان البيعاكس دا يرحع لحاجات كتير زى الفراغ (معندوش حاجة يعملها) او ممكن نقص فى الشخصية او ممكن يكون عاوز يستعبط مع اصحابو
بس الانسان البيعاكس دا انا بعتبرو انسان تافه بجميع المقاييس
والبنت التستجيب للمعاكسات دى بنت مش مؤدبة اصلا

[magdy totti]

بجد الموضوع مثير للجدل وميرسى على الموضوع الجامد
بس انا من وجهة نظرى
ان المجتمع والعصر اللى احنا فيه بقى فية كل حاجة مش محترمة
بس تبرير الشباب للمعاكسة
طبعا ملبس البنت يستفزنا
قلتله الملبس ده حرية شخصية
قال : لا البنات اللي بتلبس ملبس خارج عايزة تتعاكس فخلاص خليها تتعاكس .
ده مش تبرير
دى الحقيقة لبس البنت يلقيت النظر
يبقى تستحمل اللى يجره انا مش ضد الحرية ولا ضد اللبس
بس كل شى فى حدود لو البنت لبسه لبس مش ملفيت
اية اللى يخلى الشباب يعملوه كده
وكمان لما الشباب بيعاكسوه
ممكن يبقى فى رد من البنت الشباب فبيسقوه فيها
فى النهاية اى شى يزيد عن حده ينقلب ضده
الموضوع يا جماعة هل يليق ام لا يليق
سواء من الشباب او البنات
ممكن تدخل وتقول وتقولى رايك فى اللى بيحصل
مش ينفغ اخل واتناول وانا على وشى المكياج
دى مش حرية شخصية
مش كل حاجة نقول حرية شحصية
اللى عايز الحرية يستحمل اللى يجرلوه

هل يليق ام لالالالالالالالالالالالال الالالالا

انا اسف عى التطويل بس يا جماعة الموضوع اكبر من كده الموضوع بقيت ناس تاكل بعضها
اية لبقى حلو فى حيا تنا اساسا

[ميرا الامورة]

الكلام صحيح
وانا شايفة الشب والبنت
الهم دور في المعاكسة
الشب بدو يعاكس لانو هيدا شي طبيعي في اي شب
والبنت ممكن تعمل اشياء تلفت النظر

وفي انواع من الشباب ممكن يعاكس اي حد ان شالله عجوزة وغيرها
من شخص لشخص بيفرق

بس عن نفسي بكره المعاكسات
وبخاف امشي لحالي في الشارع

ميرسي يا سكر

[جاسيكا]

المشاركة الأصلية كتبت بواسطة hana montana 2010 جاسيكا انا معاكى اوى فى الكلام ده وخصوصا اللى يحرق الدم اكتر انك تتعاكسى من واحد كبير اد باباكى اقوللى مش ده يحرق الدم برضه الناس فاضيه مش لاقيه حاجه تعملها وكمان ممكن تلاقى بنات تانيه(بيئه)يعاكسوا ويعلقوا المشكله فى ان ده بيجرح اوى

ميرسى ردك حلو وفعلاً الكبير اللى المفروض يبقى قدوة بيعاكس الصغير يعمل اية ؟؟؟؟!!!!!!!

المشاركة الأصلية كتبت بواسطة ماريان سعد عندك حق فعلا دا أنا بخاف أمشى فى الشارع لوحدى وبخلى حد يوصلنى وانا رايحة الشغل وكمان وانا راجعة بسبب المعاكسات

ربنا معاكى
ميرسى لردك

المشاركة الأصلية كتبت بواسطة love_lorn199 انا معاكى ان البيعاكس دا يرحع لحاجات كتير زى الفراغ (معندوش حاجة يعملها) او ممكن نقص فى الشخصية او ممكن يكون عاوز يستعبط مع اصحابو بس الانسان البيعاكس دا انا بعتبرو انسان تافه بجميع المقاييس والبنت التستجيب للمعاكسات دى بنت مش مؤدبة اصلا

ردك كمان حلو
وانا معاكى فية ميرسى ليكى

المشاركة الأصلية كتبت بواسطة totit بجد الموضوع مثير للجدل وميرسى على الموضوع الجامد بس انا من وجهة نظرى ان المجتمع والعصر اللى احنا فيه بقى فية كل حاجة مش محترمة بس تبرير الشباب للمعاكسة طبعا ملبس البنت يستفزنا قلتله الملبس ده حرية شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس . ده مش تبرير دى الحقيقة لبس البنت يلقيت النظر يبقى تستحمل اللى يجره انا مش ضد الحرية ولا ضد اللبس بس كل شى فى حدود لو البنت لبسه لبس مش ملفيت اية اللى يخلى الشباب يعملوه كده وكمان لما الشباب بيعاكسوه ممكن يبقى فى رد من البنت الشباب فبيسقوه فيها فى النهاية اى شى يزيد عن حده ينقلب ضده الموضوع يا جماعة هل يليق ام لا يليق سواء من الشباب او البنات ممكن تدخل وتقول وتقولى رايك فى اللى بيحصل مش ينفغ اخل واتناول وانا على وشى المكياج دى مش حرية شخصية مش كل حاجة نقول حرية شحصية اللى عايز الحرية يستحمل اللى يجرلوه هل يليق ام لالالالالالالالالالالالال الالالالا انا اسف عى التطويل بس يا جماعة الموضوع اكبر من كده الموضوع بقيت ناس تاكل بعضها اية لبقى حلو فى حيا تنا اساسا

توتى معترضة على ردك بس فى حاجات صح لكن فى حاجات بعترض عليها لان صدقنى بيبقو لابسين طويل ومش ملفت وبيتعاكسو وقولو لابسين لبس يخليهم يتعاكسو دا نقص فى الشخصية صدقنى شباب تافة بيعلق على اللبس علشان هو الشماعة اللى بيتدارى وراها

المشاركة الأصلية كتبت بواسطة ميرا الامورة الكلام صحيح وانا شايفة الشب والبنت الهم دور في المعاكسة الشب بدو يعاكس لانو هيدا شي طبيعي في اي شب والبنت ممكن تعمل اشياء تلفت النظر وفي انواع من الشباب ممكن يعاكس اي حد ان شالله عجوزة وغيرها من شخص لشخص بيفرق بس عن نفسي بكره المعاكسات وبخاف امشي لحالي في الشارع ميرسي يا سكر

ميرسى لردك انتى ميرا

[ELMAGEK]

انا واحد يا جاسى لو عدت جنبى ملكة جمال مش هقولك
مش هبوصلها ابقى بضحك عليكى وعليا انا ممكن ابص عليها
لاكن موضوع المعاكسة دا لا طبعا لان ليا اخت بنت وعايز
احافظ عليها وبعدين زى ما فى شباب وحشين
بيبقى فى شباب كويسين ومودبين ودول الاكتر على فكرة
وشكرا على الموضوع
بس بصراحة انا شايف انك متحاملة علينا اوى يا جاسى

[ماندى1]

ميرسى ليكى جدا على الموضوع

بس انا بعترض على رائ الشباب
ان البنت لبسها مش محترم ده مش صح خالص لان زمان كانوا البنات بيلبسوا لبس ملفت جدا جدا للنظر واللى فيكم اتفرج على فيلم الحفيد
هيشوف البس كان ايه زمان صدقونى مش بلبس خالص ده شماعه بيعلقوا عليها غلطهم علشان مش يبانوا انهم غلطنين

ياريت تبقوا صرح شويه

[اسامه سمسم]

الموضوع كبير يا جماعه
بجد انا عن نفسى مش بعاكس لعددت اسباب
اولا لانى اهىء اهىء متجوز
ثانيا علشان طبيعة شغلى تمنعنى
هههههههههههههههههههههه
لا بجد انا معاكم ان لبس البنت مش شماعه بس يا ريت يبقى على حسب المنطقه اللى بتمشى فيها او السكن بتاعه
وبعدين يا ريت تخلو بالكم من نفسكم انا معايا خوات بنات وبخاف عليهم وزى ما بخاف عليهم
خايف على اى بنت مسيحيه
ربنا يحافظ عليكم ويبعد عنكم اى شر
ميرسى يا جاسيكا موضوع فعلا محتاج اهتمام اكتر من كدا
ربنا يعوضك خير