المصرى اليوم : يا كنايس مصر 
يا كنايس مصر دقى أجراسك.. بالحق بالخير لناسك.. بمحبة ربنا فى قداسك.. بطول بلدنا وعرضها.. وانتى فيها ومنها.. بكل ولادها وأرضها.. أهلك محبينك وحراسك.. يا كنايس قدّسى وصلى بالتلاتة.. وادعى جامد للوطن.. يشفى آهاته.. نوّرى لله شموعك.. وانعمى بأمان خشوعك.. مصر تفديك دموعك.. طول ما إنتى عايشة.. بالسلام والبساطة.. عم رأفت يا حكيم.. فاكر كلامك عن ربنا.. والدنيا والخلق والدين.. ربنا بيحب مين؟.. ربنا رب الخلايق أجمعين.. ومين هيمنع ربنا عن مين.. وكلنا بنقول يا رب.. وكل من بيقول آمين.. وهو سبحانه بذاته.. يقبل مين ويصُد مين.. وستنا مريم.. عذرا وقديسة.. عند كل المؤمنين.. يا عم رأفت وحشتنى.. بإنجيلك وكلامه المريح.. بالسلام والإخوة والمحبة.. والوصايا بالسماحة العذبة.. لما كنا نتكلم صريح.. نترحم على أبونا آدم.. نختلف، نتفق ما نتخاصم.. ربنا خلق الدنيا سلام فى سلام.. وأحنا رأينا العدوان والمظالم.. رغم أن الكون فسيح.. وكنت تقول لى كلام فصيح.. الله على العرش استوى.. وقسم لنا النور والهوا.. نفطر ونتسحر سوا.. وكلنا ولاد الوطن الجريح.. والمسيح الحى مرفوع.. ألفين سنة فى السما.. مش فى الضريح.. نور ينزل الأرض إنما.. مسبوق بريح.. يغسل نفوسنا.. ويزيل كروبنا.. وكلنا هنقيد شموعنا.. فى انتظارك يا المسيح!
خالد البدرى سيدى جابر - الإسكندرية
المصـــــــدر
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري