[مينا كوتة]

أمنتك حبيبي أمانه
ترجع من تاني لايام عشقنا وهوانا
لنا ولا قلبي مصدقين أنك خلاص بعدت وهتنسانا

قلبي يا غالي مكدبني لما بقوله انك هتبعد وتنساني
بيقولي ده ميقدرش ينسي كل اللي وهبتهوله
وبسهوله يتخلي عن حناني
بيقولي اللي دخلتيه لعندي وعرفتيني بيه
مستحيل يطلع اناني

طب ازاى وانا بديته عن كل البشر
معقول بعد ده كله يعذبني
وبنفس جرح اللي قبله يألمني ويتعبني
الاقي فين فيك يا زمن بس الحنية
وانت كل شبر فيك الخيانة والقسوه مدارية
بهرب علي قد مهرب وفجأه الاقيها بتواجهني
وكأن عينيها في عينيا

آه من ظلم الايام
كله فيها بقي اوهام
أسمعني حبيبي لو لمرة
الحياه من غيرك صعبه مره
بعدك مش قادره أكمل
حاول تخلي جواك قلب يحس بيا
ويقدر احساسي وبالمسئوليه ناحيته يتحمل

منك حرمتني..هدمتني..توهتني
ولا مره في بعدك لجأتلي
وبالامل لرجوعك طمنتني

كنت من بعيد اشوفك أقول ده خلاص حس بقلبي ورجع
بس كان منك جرحي كل مرجع يزيد المه ويتوجع

ارجع وامحي من جوايا اي خوف
ارجع ومتحكيش عن اي ظروف
أمنتك حبيبي امانه
من تاني تحضن وتدفي حوالينا هوانا
๑ღ๑ღ๑ღ๑ღ
حاله عجبتني وقلت اكتب عنها
يارب كلماتي تكون عجبتكم يا ارق اخوات
في امان الله

المصدر: †† ارثوذكس †† - من قسم: القسم الادبي

[عماد حسنى]

جميله اوى اوى يا مينا
كلماتك حقيقى ممتازه
وموهبتك رائعه
ربنا يكملك موهبتك ونشوف منك احلى الاشعار

[nermos1982]

أمنتك حبيبي أمانه
ترجع من تاني لايام عشقنا وهوانا
لنا ولا قلبي مصدقين أنك خلاص بعدت وهتنسانا

قلبي يا غالي مكدبني لما بقوله انك هتبعد وتنساني
بيقولي ده ميقدرش ينسي كل اللي وهبتهوله
وبسهوله يتخلي عن حناني
بيقولي اللي دخلتيه لعندي وعرفتيني بيه
مستحيل يطلع اناني

كلمات جميييييييييييييييييييلة اوى يا مينا . ربنا يباركك ويكون معاك

[وردة حزينة]

أسمعني حبيبي لو لمرة
الحياه من غيرك صعبه مره
بعدك مش قادره أكمل
حاول تخلي جواك قلب يحس بيا
ويقدر احساسي وبالمسئوليه ناحيته يتحمل

الله يامينا باامانه كلماتك جميله اوى اوى
ربنا معاك ويفرحك

[مينا كوتة]

ميرسي لمروركو
تحياتي لكم

[المحامي / شيرين شوقى]

الحياه من غيرك صعبه مره
بعدك مش قادره أكمل

زجل جميل وكلمات تنطق بالإحساس
ولكن يا مينا هنا تتحدث بصوت الحبيبة وليس الحبيب أليس كذلك
ربنا يفرح قلبك ويبارك حياتك