ساعات فى لحظات صدق
فى لحظات ضعف
فى لحظات احتياجك
بنكلم ربنا
بنكشف نفسنا
بنعلم ضعفنا
ويبقى حلمنا
نلملم جرحنا
ونلقى قلب يضمنا
وساعتها نمجد ربنا
نطلب وقفة بجد مع نفسنا
بس انا مش سامع
يا رب مش سامع صوتك
ده صوتك ولا صوت العالم
حياتى كلها مدربكة
ده انا يارب ما بقش فاهم
يمكن اكون ضلت الطريق
كنت فاكر انى صح كنت واهم
ما فيش بشر ما بيغلطش
انت اله عادل مش ظالم
بقول انى ضعيف مش قادر
شوف جرحى انت العالم
هعمل زى الست نازفة الدم
مش هسيبك وراك مع الناس هزاحم
انت يا ربى اللى قلت تعالى
عارف انى عنك لجرحى مراهم
ضمنى يا ربى لصدرك
ارمنى فى بحر المراحم