[kokodody66]

التاريخ: يوم اسود مش فايت
المكان: مكتب نبيل شكل المحامي

بند تمهيدي: يقر الطرفان أنهما في غير وعيهما وأنهما واقعان تحت سيطرة كلام العيال أصحابهم وأنهما غير واثقين في صحة قواهما العقلية، يعني من الآخر في الضياع ومش فارقة معاهم.

بند1: يعتبر هذا العقد بمثابة ورقة لا أهمية لها إطلاقا لأنها كتبت من الأساس على سبيل "الاشتغاله" ومن باب الضحك على الدقون ومن منطلق "عديها الناس لبعضيها".

بند2: مصير هذه الورقة هو التمزيق حيث أنه من المرجح أن يتشاجر الطرفين قريبا جدا وسوف يتنازعان أمام المحكمة قريبا جدا على وجود هذه الورقة من الأساس.

الطرف الأول
بنوتة أمورة مضحوك عليها شاب طيب خالص بيحب يتسلى
أو مبسوطة من الضحك عليها ويلعب ببنات الناس

الطرف الثاني "الشاب الطيب".
اتفق الطرف الأول "البنوتة الأمورة" على أن تعيش مع الطرف الثاني "الشاب الطيب". ولو مفيش شقة مع الطرف الثاني وفلوسه مقصره حبتين ولم يجد شقة مناسبة، هتبقى ساعتين كل ما الظروف تسمح، وهي اتفقت على ذلك وهي سرحانة في كلام الحب والوعود ولا تدري الفرق بين الليل والنهار، وواثقة 24 قيراط في الطرف الثاني "أيوه طبعا واثقة في الشاب الطيب اللي بيلعب ببنات الناس"
والطرف الثاني اشترى خاتم دهب بتحويشة العمر التي كان يدخرها من المصروف اليومي الذي يتقاضاه من بابا نظير إقامته في منزل بابا ونظير أنه ابنه.
بعد أن وافق الطرفين قام الأصدقاء بعمل زفة محترمة للطرفين اسكندراني على البحر لما كانوا في رحلة الكلية من باب الإشهار برضه..
واتفق الطرفان على أنهما لن يلجأ أياً منهما للمحكمة في حال أنهما اتخنقوا من العلاقة والعيشة اللي بقت زفت، بل سيخرجان بالعرفي مثلما دخلوا بالعرفي.__((يع يع يع )) مش بتوع الحاجات دى اكيد
وقد تعهد الشاب الطيب أمام الشهود أن دفنة الطرف الأول وخرجته على نفقته الخاصة وسوف تليق بها، وذلك عندما يعلم أهلها بأمر هذا العقد ويتولى أبوها بالسكينة الحامية، أو تبقى زي "هنادي" وياخدها الوبا او تناديها النداها نياهاهاها. وبالطبع فإن الطرفين متفقين على أن نتاج هذه العلاقة مصيرها الإجهاض السريع ومش طالبة صداع، ولو مالحقوش يبقى هيترمي في الشارع أمام أي ملجاء عادى جدا "زي فيلم فيروز وأنور وجدي".
وتعهد الطرف الثاني أنه يسلم مصروفه كاملا للطرف الأول دون أن يخصم مليما واحدا منه، وتعهد بأنه سوف يتحايل على بابا حتى يزود المصروف بحجة أنه هياخد كورسات "كدبه بيضا".


*شاهد أول:
كوكو مزجنجي
وقعت على العقد وانا عامل دماغ


*شاهد ثان:
بولا المتولي
وماله يا عم بكره يشهدولي على عقدي


*الطرف الأول:
واحد اهبل.. ((اى حد متخلف ))

*الطرف التاني:
واحده اهبل منه..((اى حد متخلف تانى بس غير الاولانى كركركر))

ملحوظة :
شرط جزائى : أذا تم ولم تنفذ البنود المذكورة اعلاه ( بند 1 , بند 2 )( وذلك شئ لبد منة ) يكون العقد باطلا ولا اساس لة من الصحة وسوف يتم انكار العلاقة من جهة الطرف الاول مع دفع التعوضات لة نظير ما اصابه من اضار نفسية وجسدية وعلى الطرف الثانى اللجوء للمحاكم ( ويحى العدل )

والله الموفق........... وبالرفاق من غير بنين ولابنات

حد ناوي

المصدر: †† ارثوذكس †† - من قسم: الضحك والفرفشة

[bolalover]

ههههههههههههههههههههههههه ههه
اشوف فيك يوم يا فخري
ههههههههههههههههههههههههه ه
تصدق يااااض يا كوكو لو الجواز كله بقا كده تبقا مصلحة تمام اوي
ربنا يكتر من امثلهم يا خويا
موضوع جامد يا ريس تسلم ايدك و رجلك و قفاك و دماغك
سنكس كوكو

[روفــــا]

ههههههههههههههههههههههههه ههههههههههههههههه
بجد يا كوكو لو المضوع كدة يبقى انت اول واحد يشهد على عقود الشباب كلها
بجد عقد موفق بلا ولاد ولا بنات
ههههههههههههههههههههههههه هههه
موضوع جميل ي كوكو بجد انا موش عرف اقولك اية بجد انت بجد تحفة ورائع

[kokodody66]

شكرا يا بوب انت و روفا ان انتو مريتو على الموضوع و شكرا على ردودكم