دعاء مصري مطحون
كُتب : [ 11-09-2008
- 08:25 PM
]
يارب أنقذنا من نفسية الزملاء.. وغباء الأصدقاء
يارب ارحمنا من استبياع الجيل الجديد..
وحرائق السكة الحديد
واستقصاد كل مدير.. وندالة القرايب
الصغير منهم والكبير
يارب أغثنا من كل عميل .. ومن فواتير موبينيل
يارب أرحمنا من تشريفة عربيات المسئولين ,
وزحمة الشوارع في كل حين
وسحب الرخص في كل كمين.. من الغلبان مش م المتين
يارب أهدى لنا سواقين الميكروباص
والمدير البصباص
يارب ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
يارب قنا شر الكليبات..
وشر شلل البنات.. ولؤم الستات
وغباوة الحموات
والمينيمم تشارج كافيهات..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات
يارب ارفع مستوى الزمالك ...
لمستوى انبى والحدود.. أو حتى مستوى أسمنت أسيوط
أو أرسل يارب عليهم صاعقة..
بدل ما يخلونا نموت ...
يارب سدد أقساطنا .. وضلل عنا مآمير الضرايب
يارب ارزق جيل الوسط عقود عمل في ليبيا وقطر
يارب افتح لجيلنا القديم الطريق الفسيح
حتى ننظف انتخابات البلد من لعبة المراجيح
يارب ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب
يارب ارزق كل بنت بعريس هدية..
وكل شاب بوظيفة وشقة وعربية
يارب أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في
خدمه اجتماعيه
آآآميين آآآميين
روميووووووووووووووووووووو وووو
التعديل الأخير تم بواسطة مانـــوو ; 11-09-2008 الساعة 10:07 PM
|
المواضيع المتشابهه
العرض العادي
