[twaty]

أصل أتعودت جرحك
وأنتى أتعودتى تموتينى
اللة بجد كلمات كتيرررر حلوة اوووووى واحساس
رائع ومؤلم ومؤثر
تسلم ايدك وتعيش وتكتب وربنا معاك

[عماد حسنى]

المشاركة الأصلية كتبت بواسطة ادروسيس بس ياريت تخلينى أنسى جرحك زى مانستينى ملهاش حل خرافة خرافة باامانة تعيش وتكتب بلاش تحرمنا منك كتير ياعماد

متشكر جدا جدا يا ادروسيس بجد على محبتك وتشجيعك وحضورك الكبير جدا ده .. وانشاء الله اكون موجود معاكوا

بجد الف شكر يا ادروسيس

[عماد حسنى]

المشاركة الأصلية كتبت بواسطة twaty أصل أتعودت جرحك وأنتى أتعودتى تموتينى اللة بجد كلمات كتيرررر حلوة اوووووى واحساس رائع ومؤلم ومؤثر تسلم ايدك وتعيش وتكتب وربنا معاك

متشكر جدا جدا يا تويتى وجودك اسعدنى جدا
ورأيك وحضورك مهمين
بجد نورتى الموضوع ومستنى تنورى كل الموضوعات بالادبى يهمنا نعرف رايك جدا جدا
متشكر لمحبتك واحساسك ووجودك
ربنا معاكى ويفرح قلبك

[asmicheal]

المشاركة الأصلية كتبت بواسطة عماد حسنى فى عز مانا مجروح منك فى عز مانا مجروح منك مستنيكى تكلمينى .. يمكن أقدر أسامحك أو أنسى دمع عينى .. فى عز مانا مجروح منك مستنيكى تكلمينى .. أطمن عليكى منك حتى لو هاتتعبينى .. بس خلاص صدقينى .. وحياتك ماهتلاقينى مع كل نبضه قلب .. هاقولك روحى وسبينى أصل أتعودت جرحك وأنتى أتعودتى تموتينى كفايه وهم وعذاب .. كفايه حب كداب أنا حبيتك من قلبى .. وأنتى سرقتى سنينى عارفه .. أستنيتك تجينى ..!!! قدامك فى وشك اكرهك .. ولوحدى أقولك ألحقينى مانتى حبيتى نفسك .. وماعرفتيش تحبينى عارفه أستنيتك تجينى ..!!! أجرى عليكى أحضنك .. أنا حبيبك وحشتينى عرفتى نقطه ضعفى .. قويتى عليا وكسرتينى عارفه مش هتلاقينى مهما هاتعملى تانى .. مهما هاتندهينى مبقاش دموع فعينى .. مهما هاتبكينى خلاص مانتى علمتينى .. أندهلك ماتسمعينى أبكيلك ماترحمينى .. حتى الاحساس بطلتى تحسينى أقولك !! كفايه وحاولى تكرهينى مادام ماعرفتيش تحبينى بس ياريت تخلينى أنسى جرحك زى مانستينى __________ ________ كلماتى للشعر فقط (خواطر)

مش عارفة هوة عندى اعتراض
ضميرى مش قادر يفوتة

ممكن يجرحك رايى بس هقولة للامانة

الحب الحقيقى لا يمكن ينتهى او يتحول لالم او جرح

ممكن غلالة شجن رقيق تغلف الحياة بمعنى اعمق واقوى


لكن اى حب يتحول للاساءة والاهانة والجرح
فى تقديرى الشخصى
انة لا يمكن يكون حب اكيد شهوة نزوة وتنتهى

وتترك ورائها فراغ وضباب وحيرة والم

مثلما احب امنون ثامار
ورذلها واذلها بعدما كان يحبها


احب دائما ان تنتهى العلاقات التى كانت يوما عميقة نهاية مملوءة بالاحترام وعند تذكرها تثرى الحياة الانسانية ولا تتحول لمشاعر عدائية غير سوية


شكرا ليك ا عماد حسنى

عمق صدقك وتدفق احساسك بقصائدك
تثير عميق تاملى

شكرا لك اشراكنا معك خواطرك الرقيقة
ما ظللتة بالتركواز تعبيرات رائعة مدهشة الاحساس

[dodielpop]

بجد يا عماد جامدة واحلي حاجة كفاية وهم وعذاب كفايه حب كداب انا حبيتك من قلبي وانتي سرقتي سنيني

[dodielpop]

ربنا يعوض تعب محبتك

[emmmy]

أقولك !!
كفايه وحاولى تكرهينى
مادام ماعرفتيش تحبينى
بس ياريت تخلينى
أنسى جرحك زى مانستينى
__________

كلمات جميلة اوى وتعبير نادر من نوعة حقيقى بقف عاجزة عن وصف لاجمال مشاعرك يا فنان
بس على فكرة يا عماد
الحب مش كدة خالص الحب مشاعر متبادلة لا يمكن تتجزا ولا تقبل القسمة حتى على نفسها غير كدة ميبقاش حب اصلا اكيد زى ما قالت
asmicheal انة كان مجرد نزوة او شهوة او حتى مشاعر حلوة بس سطحية مش عميقة لدرجة الحب
الحب مش مجرد كلمة الحب نهر بيروى الطرفين ومش بيخلص ابدا ابدا

[عماد حسنى]

المشاركة الأصلية كتبت بواسطة asmicheal مش عارفة هوة عندى اعتراض ضميرى مش قادر يفوتة ممكن يجرحك رايى بس هقولة للامانة الحب الحقيقى لا يمكن ينتهى او يتحول لالم او جرح ممكن غلالة شجن رقيق تغلف الحياة بمعنى اعمق واقوى لكن اى حب يتحول للاساءة والاهانة والجرح فى تقديرى الشخصى انة لا يمكن يكون حب اكيد شهوة نزوة وتنتهى وتترك ورائها فراغ وضباب وحيرة والم مثلما احب امنون ثامار ورذلها واذلها بعدما كان يحبها احب دائما ان تنتهى العلاقات التى كانت يوما عميقة نهاية مملوءة بالاحترام وعند تذكرها تثرى الحياة الانسانية ولا تتحول لمشاعر عدائية غير سوية شكرا ليك ا عماد حسنى عمق صدقك وتدفق احساسك بقصائدك تثير عميق تاملى شكرا لك اشراكنا معك خواطرك الرقيقة ما ظللتة بالتركواز تعبيرات رائعة مدهشة الاحساس

شكرا جدا جدا جدا
اسميشيل
وصدقينى رايك بيهمنى مهما كان صريح او جامد
انا بيشدنى النقد فى كتاباتى !!
لكن اعتقد الجرح اللى بيكون بالطريقه دى عمره مابيكون ناتج عن شهوه او نزوه .. واللا ماكنش له لزمه
لان الحب لمجرد النزوه او الشهوه اعتقد بيكون رخيص اوى اوى ومش بيدوم وقت طويل بالعكس بيروح بسرعه ومش بيسيب وراه اى اثر
اللى بيحب حب شهوانى مش بينجرح من عواقبه مهما كانت .. بيعديه ويدور على غيره
!!!!
لكن لما يكون حب حقيقى بيكون الجرح اعمق .. ومش شرط ابدا اى حب حقيقى ينتهى بالكنيسه والزواج .. كتير اوى اوى بيكون فى حب حقيقى وبيمنع اكتماله اشياء خارجه عن الاراده وبنرجع وبنقول اراده ربنا والدليل اننا بنكون مأيدين الحب ده اوى وكتير مأيده ويقف ويحاول يساعد عشان يتم ياترى بيكون حب مش حقيقى اعتقد لأه طبعا لكن اراده ربنا بيكون لها شان تانى ومش بيكون عيب من طرفى المحبين
؟؟؟؟
وكتير برضه بيكون زواج وبرضى الاهل وبيكون ظاهرياً حب حقيقى لكنه للاسف ماوصلش فى عمقه حتى لحب النزوه المؤقته .. انا مش بتكلم وخلاص انا بتكلم من سينما الحياه اللى عايشانها وشايفنها

الحب لو شهوانى ورخيص هايكون الجرح بسيط دا ان وجد جرح لحب من العينه دى
عشان الحب اللى من النوعيه دى مابيكونش وراه اى جرح بالعكس بيكون وراه ندم

انا قصدت فى القصيده حاجات كتير اوى اولها الجرح ومع الجرح ماقدرتش انسى الحب .. يبقى ماكنش نزوه واللا كنت بهدلت الحبيبه لكنى ماقدرتش ما اطمنش عليها ولا اترجاها تخلينى انساها

عاجبنى اوى اوى ردك انا كنت حران ومحتاج اخد شاور اخدته خلاص بس صدقينى وعن تجربه يمكن تجارب . الجرح بيكون اعمق مع الحب الاكبر ممكن اوى طرف من الاتنين يبيع ويدوس وينسى ويزل كمان لكن برضه الهدف الاساسى ماكنش شهوه او نزوه واللا يبقى خساره نسميه حب

شكرا يا اسمشيل على مشاركتك
انتى اللى أثارتى مشاركتى وبجد بستنى ردك
ربنا معاكى ويفرح كل ايامك

[عماد حسنى]

المشاركة الأصلية كتبت بواسطة emmmy أقولك !! كفايه وحاولى تكرهينى مادام ماعرفتيش تحبينى بس ياريت تخلينى أنسى جرحك زى مانستينى __________ كلمات جميلة اوى وتعبير نادر من نوعة حقيقى بقف عاجزة عن وصف لاجمال مشاعرك يا فنان بس على فكرة يا عماد الحب مش كدة خالص الحب مشاعر متبادلة لا يمكن تتجزا ولا تقبل القسمة حتى على نفسها غير كدة ميبقاش حب اصلا اكيد زى ما قالت asmicheal انة كان مجرد نزوة او شهوة او حتى مشاعر حلوة بس سطحية مش عميقة لدرجة الحب الحب مش مجرد كلمة الحب نهر بيروى الطرفين ومش بيخلص ابدا ابدا

ايمى نازله بالشاور التانى انا فعلا كنت حران اوى النهارده بش شاورين فى وقت واحد .. يالا نعمه من ربنا

بصى يا ايمى اولا انا بشكرك جدا لانك شكرتى فى معانى الكلمات والوصف اللى وصفته ورأيك كمان فى القصيده ..
اما باقى المشاركه فمش عارف هو الحب زى ما وصفتى كده ولا ايه بالظبط
هو وصفك صح مليون فى الميه لكنه وصف سمائى مش ارضى .. اتحدى اى انسان على الارض انه يكون عاش الوصف اللى وصفتيه ده بين حبيبته او حبيبه .. ممكن يكون موجود لكن مش بالشكل ده ابدا .. انا طبعا بتمنى يكون موجود لكنه مثالى زياده شويتين تلاته .. اما موضوع انك مأيده رأى أسميشيل فممكن تتقرى مشاركتى اللى فاتت انا حاولت اوضح وجهه نظرى لاسميشيل وياريت اكون عرفت اوضحها .. وبأكد تانى الحب لو شهوانى او مجرد نزوه مش هايكون من وراه جرح .. اصل منطقى وطبيعى هاحس بجرح ازاى ولا اللى كانت بتحبنى هاتحس بجرح ازاى وحبنا كان مجرد نزوه معروف اوى ان النزوه حاجه بتكون غلطه ووقتيه وبتروح لحالها ومش بتسيب غير الندم لكنها مش بتسيب جرح بالطريقه اللى كتبتها

شكرا جدا جدا ايمى ونورتى الموضوع ومتشكر بجد على رايك اللى اكيد بيضيف للموضوع
ربنا معاكى ويفرح كل حياتك

[عماد حسنى]

المشاركة الأصلية كتبت بواسطة dodielpop بجد يا عماد جامدة واحلي حاجة كفاية وهم وعذاب كفايه حب كداب انا حبيتك من قلبي وانتي سرقتي سنيني

المشاركة الأصلية كتبت بواسطة dodielpop ربنا يعوض تعب محبتك

ربنا يخليكى يا دودى
متشكر جدا جدا لحضورك وردك الجميل اوى ده
ربنا معاكى ويحافظ عليكى دايما
متشكر ليكى