[ebn elmaseh]

انا بخصص الموضوع دا عشان بصراحه موضوع الخطوبه والزواج فى مجتمعنا الارثوذكسى بقه حاله حال بس انا مااقصدش من ناحية العقيده لاننا كلنا واثقيين فى عقيدتنا الارثوذكسيه بس بجد انا بحاول ارصد بعض التغيير اللى حصل لينا كشباب وشابات ارثوذكسيين يعنى بقيننا نسمع عن طلاق وخلع فى المسيحيه وبقينا نسمع عن خيانات وعلاقات مشبوهه وبقينا نسمع عن طلبات خرافيه فى الخطوبه وطبعا دا صعب جدا للشاب لسه بيبتدى حياته وبقينا نسمع عن بنات العشرينات اللى بتتجوز شباب مابعد الخمسين ايه اللى حصلنا ياارثوذكس خلانا كدا نستسهل الحلول السهله اللى اخرها دايما دمار

انا عاوز اقول انى هسافر وراجع بعد اسبوع واتمنى لما ارجع الاقى مشاركات ايجابيه فى الموضوع دا لانى شايف ان دا موضوع الساعه

المصدر: †† ارثوذكس †† - من قسم: الموضوعات الشبابية

[بنت الراهب الصامت]

صباح الخير
انا اللى اعرفه ان الاهل هما اللى بيشوفو ان العريس لبنتهم كويس عنده امكانيات حلوة فى وجهة نظرهم مش مهم السن
المهم انه يعيشها فى مستوى كويس ومش يخليها عايزة حاجه من حد
دى مهمة الاهل
اما البنت بقى بتبقى ياحرام مضغوط عليها من كتر الكلام اللى بيتقال لها من اهانه علشان مش عايزة ترتبط بالراجل ده ده لو مضغوط عليها

لكن لو البنت نفسها هى اللى عايزة ؟
بتبقى بصه لمستوى اعلى منها وتفكر فى كلام اهلها انه هيعيشنى فى مستوى كويس وهبقى ملكه زمانى

لكن سامحونى ده كله غلط من الاول
انا لما بشوف حد كده ان بنت صغيرة متزوجه من راجل سنه كبير بفتكرة بنته بامانه
وبتصعب عليا لكن هى راضيه وكمان بتبقى فى سن محتاجه فيه لارشاد صح بدل ما تندم بعدها

ميرسى اوى ليك
موضوعك حلو اوى
انا مش عايزة اتكلم فيه لان الكلام فيه بيبقى كتير اوى
نشوف باقى الاراء

[ebn elmaseh]

الحقييقه يابنت الراهب الصامت ان البنات بعض البنات طبعا بيبقوا مستعجلين ع الجواز بطريقه غريبه لان الجواز بالنسبه للبنت ممكن ينقلها نقله اجتماعيه كبيره على عكس الولد اللى مستواه هايفضل تقريبا زى ماهو وبالتالى بحس ان البنت بتظلم نفسها لما بتتعلق بالمنقذ اللى جاى عنده خمسين سنه وبتظلم اللى بيحبها اللى لسه فى اول حياته تقريبا ماعندهوش غير شخصيته وشبابه بس البنات دول بيتعبوا قوى بعد الجواز اللى من النوع دا ويرجعوا يقولوا شوفوا لنا حل عاوزين نطلق شوفوا لنا حل عاوزين نتجوز شوفوا لنا حل بلاش تعقييد ياارثوذكس

عاوز اسمع تعليقك تانى يابنا الراهب الصامت انتى وكل الشباب

[بنت الراهب الصامت]

بص بجد
مفيش بنت بتحب بجد وتسيب اللى بتحبه علشان فلوس غيره
مهى هى مش هتتجوز الشخص التانى دى هتتجوز فلوسه
فى مثل دايما بقوله لما بجد بيتقدملى حد غنى وكبير بقوله لماما
ياواخد القرد على ماله يروح المال ويفضل القرد على حاله
هههههههههههههههه
دة مثل صعيدى عندنا هنا
بحب اقوله علطول لما بيجى عريس سنه كبير ومعاه يعنى
البنت بجد لما تبيع حب علشان الفلوس اكيد بتبقى فى حاجه غلط
يمكن تكون حاولت فى البيت علشان تدافع عن حبها ومقدرتش
ويمكن يكون الولد اللى بتحبه دة متحركش وعمل اى حاجه تجمعهم ببعض
وهى برضو مقدرتش تقاوم لوحدها
ومتنساش انى قولتلك قبل كده ان ممكن يكون فى ضغوط من الاهل علشان تاخد العريس ده
وبرضو مستنيه ردك على كلامى

[مجدي سمير فهيم]

بسم الآب والإبن والروح القدس الإله الواحد
آمين

لو سمحتولي
أنا هتكلم عن نفسي في تجربة حصلت معايا شخصيا,
يدوب لسة من 3 شهور
المهم
هي بنت زميلتي في الكنيسة وساكنة معايا في نفس المنطقة اللي انا ساكن فيها.
هي بأمانة بنت محترمة جدا مافيش كلام , وعارفين بعض بقالنا كتير يمكن سنة او اكتر عن ةطريق الخدمة والأجتماعات
وجيت كلمتها في موضوع الخطوبة , ووافقت
وبعدين كلمت أهلها , وقالولي هنيجي نشوف شقتك
وبرضو , شقتي الللي هتجوز فيها في نفس منطقة السكن
المهم
شافاوا الشقة , والرد كان أغرب مما اتخيل
مع انهم من نفس المنطقة
قالوا
مش هنجوز بنتنا في المنطقة دي ز والبنت نفسها
ما لاقيتش منها اي رد فعل لرد أهلها
, بأختصار يا اخواتي
الكلام واضح
,
البنت دي لو كانت متمسكة بيا بجد , كان ايه الوضع هيكون ؟
والأهل
لو برضو كانوا بيشوفوا لبنتهم الراجل اللي هيحافظ عليها,؟
الكلام مش محتاج لتفسير ,
أخوكم مجدي

[vompera]

مساء الخير اولا الفلوس مش كل حاجة الفلوس دى بتبقا جزاء من العيشة لكن التفاهم والاحترام والعقل الكبير هو اساس العيشة ولكن انا محترمش الانسان الى بيشوف الفلوس هيا كل شى لان الانسان هو الى بجيب الفلوس مش الفلوس هيا الى بتجيب الانسان واساس كل شى هو التفاهم الفكرى والعقلى واحترام الطرفين لبعض واهم حاجة طبعن يبقا ربنا موجود فى كل شى حتا لو كان صغير علشان تكون الحاجة دى فيها بركة ربنا ويكون ربنا راضى عنها

[عصام لطفى]

يا جماعة صدقونى فى ايامنا دى للاسف الشديد الفلوس سيطرت على الناس بشكل غير عادى وياما صدقونى هنا عندنا بجد ياما شباب كويسين وشغالين وخدام فى الكنيسة وشباب محترمين جدا بيتقدموا لناس وبيترفضوا علشان حالتهم المادية مش فوق اوى حالتهم عادية يعنى فبجد ياريت بناتنا يقدروا قيمة الشاب اللى هيرتبطوا بية من غير الفلوس وزى ما قالت بنت الراهب احنا كمان عندنا المثل بتاع القرد والمال بجد موضوع كويس جدا اننا نتكلم فية ربنا يبارككم رجاء وجهة نظركم فى رايى

[ebn elmaseh]

انا عاوز اقول انه تقريبا مابقتش قصص الحب بتنجح الا بنسبه قليله وشوفوا اللى بيحصل اليومين دول تلاقى البنت بالذات عين فى الجنه وعين فى النار هيا بتحب زميلها بس عاوز كمان الجواز ينقلها من مستوى اجتماعى معين لمستوى تانى خالص وكمان مابقاش فيه تساهل نع الشباب اللى لسه بيبدأ حياته وتلاقى النتيجه انها راحت اتجوزت حد اكبر منها بكام سنه وصلت فى بعض الاحيان ل 15 سنه فرق تصوروا كل دا عشان الظروف السيئه اللى بيمر بيها الولاد انا بيتهيالى ان معظم الشباب عرفوا الموضوع وعزفوا تماما عن الجواز الا بعد التلاتين عشان يكون كون نفسه ويروح لاى واحده والسلام !!!