تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



كلام فى الممنوع اعرض و تناقش معنا فى موضوعاتك الثقافية العلمية

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


نأسف علي الازعاج يا ارثوذوكس ( عماد حسني )

سلام و نعمة لكل اعضاء منتدانا الغالي ارثوذوكس انا مش هتكلم كتير قبل الحلقة ولا هقول اي حاجه غير شكــــــــراً نبتدي في حلقة انهارده و نعرض عليكم مفاجاة

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية bolalover
bolalover
ارثوذكسي ذهبي
bolalover غير متواجد حالياً
 
رقم العضوية : 2267
تاريخ التسجيل : Sep 2007
مكان الإقامة : الزقازيق
عدد المشاركات : 6,510
عدد النقاط : 12
قوة التقييم : bolalover is on a distinguished road
Angry نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:25 AM ]


نأسف الازعاج ارثوذوكس عماد حسني 37655782re6.jpg

سلام و نعمة لكل اعضاء منتدانا الغالي ارثوذوكس

انا مش هتكلم كتير قبل الحلقة
ولا هقول اي حاجه غير

شكــــــــراً

نبتدي في حلقة انهارده
و نعرض عليكم مفاجاة اليوم
و هو عضو ميجيش علي بال اي حد
بعد الي حصل الفترة الاخيرة
عضو ذو حس مرهف
نجم من نجوم ارثو
عضو استطاع باحساسه و كلاماته و حبه ياخذ قلوب الناس
عضو كان ينتظره الكثير في حلقاتي
و بالفعل لبيت طلبكم
و هو

























































شاعر المنتدي
عماد حسني


بولا :اهلا بيك يا عمده باشا معانا في ناسف علي الازعاج يا ارثوذوكس و بجد انت منور البرنامج
عماد : اهلا بيك يا بولا ربنا يخليك
بولا :اولا انا احب اقدم اعتزار ليك قدام كل المنتدي عما سبق مني
عماد :مفيش حاجه يا بولا صدقنى خلاص احنا قبل اى شىء اخوات
بولا :طيب في البداية كده نحب عمدتنا يقدم بطاقة تعارف لذيذة كده لينا ؟؟
عماد :الاسم عماد حسنى
السن
32 سنة
الوظيفه
صاحب مكتب دعايه وتوريدات طباعه على ادى
المؤهل
دبلوم سيارات

بولا :طيب المعروف عن عماد حسني انه شاعر المنتدي ... ليه متخصصتش في الموهبة دي كشغل ليك ..ولا مش اتيح ليك ؟
عماد :انا بكتب شعر بس مش احتراف ولا اعرف احترف الشعر بس بكتب يدوب احاسيس وفى موضوعات ليا
عجبت بعض الناس ونزلت فى شرايط كاسيت ترانيم
ونشكر ربنا كانت معقوله
بس كاتخصص مقدرش ولا اعرف كمان

بولا :هل ده تواضع منك ولا حقيقة ؟
عماد :عالم ربنا انا مش محترف شعر ولا اعرف اكتب حاجه تتطلب منى انا بكتب بس اللى بشعر بيه او احسه
بولا :طيب يا عماد قولنا ايه هي اكتر قصيدة كتبتها في حياتك كانت مؤثرة اوي عليك ولم تقدر انك تتنساها و ايه سبابها ؟
عماد :هو فى كتير يا بولا صدقنى بس يمكن اكتر واحده هى قصيده اسمها ارفض ومش ممكن انساها
واسبابها كانت
فتره من التعب وكانت فتره صعبه عليا اوى وكتبت القصيده دى
وفى اخويا بعتهالى لمجله هو وهى
والمجله نشرتها وقتها
فحسيت انى عرفت اكتب حاجه كويسه
ومازالت مأثره فيا لحد دلوقتى

بولا :طيب ممكن تقولنا و لو اكتر ابع ابيات مؤثرين فيها ؟؟
عماد :
أننى يوماًَ سأنضج أرفض من يدعون القلوب ويطلبون المظهر
أرفض من يرددون الحق ويضلون الجوهر أرفض من يقولون نعم

وفى ضمائرهم الرفض المحتم أرفض لأننى أكثر مما يرون
أملك أملك أيماناً بمن يدير الكون وله أسجد أملك يقيناً أنى بين يديه وهو القادر أن يعوض.

بولا :عماد حسني شاعر ذو حس كبير ... امته يا عماد كنت حاسس بالظلم اوي ؟
عماد :بص يا بولا انا بحس بالظلم من حاجات كتير اوى اوى بس اللى بيتعبنى اكتر لما يكون الظلم ده من اقرب الناس ليك او ناس انت بتعزها اوى
بولا :
عماد :
طيب و امته عماد حسني حس بانه ظالم ؟؟ بص يا بولا
بحس بانى ظالم وجدا جدا كمان لما بلاقى اللى قدامى زعلان منىّ اوى ومتمسك بيا وانا مش قادر ارد عليه لانى لما بكون تعبان مش بعرف اتحكم فى نفسى ولازم ابعد علشان اهدى ويمكن بعد ما الموقف يعدى بحس انى ممكن اكون ظلمت

بولا : ظلمت كام مرة في حياتك علي كده يا عماد ؟
عماد : لا يا بولا كلامى اللى فات ده مش معنى كده انى ظلمت كام مره انا بقصد احساس لانى مش بستنى لما الموضوع يوصل لمرحله الظلم وابقى فعلا ظالم وبأمانه انا عمرى ما ظلمت حد لسبب بسيط اوى اللى داق الظلم عمره مايظلم
بولا :طيب يا عماد تعال معانا لفقرة اسم لكل مين ؟ و انت اكيد تعرفها ؟
عماد : اتفضل
بولا : مين تقوله شكرا بجد ؟
عماد : ميكى
بولا : مين تقوله اسف جدا ؟
عماد :مفيش
بولا : مين تقوله انسي الي فات ؟
عماد :ناى
بولا :مين تقوله انت تؤمي ؟
عماد :رافت
بولا :مين تقوله سمحني ؟
عماد :مفيش
بولا :مين بتلجاله في حل مشاكلك علي النت ؟
عماد :هيما
بولا :مين ندمان انك زعلته منك في يوم ؟
عماد : رافت
بولا :طيب يا عماد تعالي معانا لاسئلة الحوار العادي تاني و نقولك .... بتعرف تكذب يا عماد ؟
عماد :مفيش حاجه تجبرنى انى اكذب ممكن اجامل ومن غير اى ضرر لحد
بولا :معني كده انك مبتعرفش تكذب ... طيب بتعترف بالكذبة البيضة الي بيكون فيها مصلحة ؟
عماد :مفيش مصلحه على كذبه يا بولا واللا هتكون مصلحه فاشله لانها اتبنت على كذب واللى يكذب فى بدايه تعامل هيكون اخره تعامله مصيبه اكيد
بولا :بتعترف بالحب عن طريق النت ؟
عماد : بص يا بولا لو قولنا حب يبقى غلط بس بعترف ان النت ممكن يكون وسيله لبدايه حب صح بمعنى ان النت يدوب يكون بدايه المعرفه زيه زى الكنيسه او البيت او الكليه او العمل بس ان الحب ده استمر على النت بدون مقابله ومعرفه وخروج للنور اكيد مش هاعترف بيه
بولا :ابتديت قصة حب قبل كده عن طريق النت ؟
عماد :اه
بولا :نجحت ام فشلت ؟
عماد :طيب انهى قصه تقصد اصلهم كتير يا بنى وانا كده هاتوه منك
بولا :معني كده ان عماد ابتدي قصص حب كتير عن طريق النت ... طيب في واحدة فيهم نجحت ؟
عماد :حبيبى نا بهزر مش اوى كده يعنى انا حبيت عن طريق النت والنت كان بدايه تعارف زى ما قولتلك ومفيش خلاف ان كل قصه ممكن تنجح او تفشل لكن مفيش فشل كان سبب الحب الفشل دايما بيجى من بره الحب لاسباب تانيه كتير
بولا :طيب هل انت مرتبط الان يا عماد سواء حب او خطوبة ؟.
عماد :مرتبط حب
بولا : بدايت القصة كانت عن طريق النت ؟
عماد :بدايه القصه كانت عن طريق منتدى كنسى
بولا : اثناء بحث فريق العمل عن عماد حسني وجد انه نسبة 92 % من رسائل الزوار من بنات ... هل انت بتكون في ارتياح اكتر للحديث مع البنات ؟
عماد :البنات زى الولاد عندى بس البنات التعامل معاهم اهدا شويه من الولاد
بولا :طيب تعالي معانا يا عماد لفقرة 4 اجابيات و 4 سلبيات
انت اكيد تعرفها ؟
عماد : اتفضل
بولا : هنا ؟؟
عماد : الايجابيات
طيبه جدا جدا
قلبها ابيض جدا جدا
شاعره طبعا
بتحب اصحابها بضمير واخلاص
السلبيات
مشاركتها مش منتظمه
بتغيب كتير
لون خطها اخضر فاتح لو بقى غامق هيكون احلا
اشعارها احيانا بتكون متعبه جدا

بولا : ايمي بنت الراعي ؟؟
عماد : قريبه اوى من ربنا
مخلصه جدا جدا لكل اخواتها
حساسه اوى وبتتاثر مع الناس
مشاركاتها بتكون دايما ايجابيه فى اى موضوع
سلبياتها
بتغيب كتير جدا
بترد على موضوعات متاخر شويه
بتزعل اوى من مواقف للاخرين وبيجى على حساب نفسها
موضوعاتها فى الادبى قليله

بولا :رافت شاكر ؟
عماد : صديق صديقه جدا
محترم بكل المقايس
موضوعاته فى الصلاه حقيقه ومن قلبه
طيب جدا وانا بعزه
سلبياته
بقى يغيب عن المنتدى كتير
بضايق لما مش بلاقيه فى موضوعات مهمه
بيشارك مشاركات جميله اوى بس متشابه الى حدا ما
بيعزمنى عنده على شاى وانا بكون عايز نسكافيه

بولا :ظريف ؟
عماد : ايجابياته
بيرد كويس اوى اوى فى الموضوعات
اسلوبه جامد اوى لما بيكون موضوع محتاج واقفه
مش بيجامل حد مع انه طلع عليا شاعر المنتدى
ابن حلال
سلبياته
برده بيغيب كتير جدااااااااااااا عن المنتدى
احيانا بيكون رده قاسى شويه فى موضوعات معينه
مش بيدخل الادبى غير بعزومه منى

بولا :طيب نرجع تاني لاسئلة الحوار العادي ... و نقولك هل عماد حسني يخاف المواجهة في المواقف الصعبة ؟
عماد :اطلاقا بالعكس بس ممكن ارفض المواجهه علشان بعز الناس دى او ممكن سبب تانى ان وجهات النظر بعيده جدا يبقى المواجهه هتزود الخلاف مش هتقرب وفى الاخر كل حاجه بتبان من غير مواجهات صدقنى

بولا :طيب يا عماد ممكن تقولنا ماذا تقصد باخر موضعاتك ... مش غريبة ؟
عماد :انا اقصد بولا وناى وحنان وكل فريق عمل برنامج ناسف للازعاج بس
بولا :طيب و لو تم طلب مواجهة بينك و بين الناس دي للصلح و يقود الحوار شخص كبير غير الاطراف دي .. توافق ؟
عماد :بص يا بولا انا مفيش حاجه فى قلبى عالم ربنا من ناحيه اى حد اللى تعبنى جدا جدا ان الناس دى ماكنتش اتخيل انهم شايلين فى قلوبهم كل ده لعماد وكمان لو الناس دى عندى قليله ماكانتش فرقت معايا لكن الناس دى عندى غاليه جدا ومعزتها كبيره اوى وكبار وعاقلين واللى خلانى اتعب وقتها انى انظلمت واللى عزانى برده وقتها محبه الناس اللى بانت بجد يجد لكن مواجهه ونقعد ونتكلم اعتقد مش هاتفرق كتير كل واحد عارف جواه ايه وفى قلبه ايه
ومش القعده اللى هاتغير القلوب
لكن الافعال اللى جايه هى اللى هتبين كل واحد فى قلبه ايه
وانا مقدرتش ابعد عن المنتدى
ولا ازعل من حد

بولا :بالعكس يا عماد هما طالبين الصلح و انت كذالك و الصراحة فوق كل شئ علشان يبقا في محبة و ترجع الامور احسن من الاول ... طيب انت موافق للمواجهة دي من اجل الصلح فقط ؟؟
عماد :انا زى ما قولتلك مش زعلان مع العلم ان الناس دى المفروض انهم شخص واحد بس وهى حنان
تقدر تقولى مين الباقى اللى تقصد بيهم الناس دى
بولا : انت قولت انا و حنان و الناي ... و بالفعل الناي طلب كده و انت الي رفضة بتدخل شخص اخر و هو كان هدفه الصلح و المحبة معاك مش اكتر ؟
عماد : بص يا بولا
ناى كلمنى
ناى كلمنى وغرمته اكتر من ساعه على الموبايل
وقفلنا ان مفيش حاجه
من بعدها مكلمنيش وميلى قدامه وتليفونه معاه
لزمته ايه انه يكلمنى عن طريق عضو تانى وانا مش رفضت اكلم ناى انا قولت بالحرف
مش عايز اكلمك يا استاذ ناى عن طريق حد
ولو انا كده غلطت يقول او انت والناس تتفضل تقول
قولت ولتانى مره مش عايز اكلمك يا ناى عن طريق حد
هو كان رد فعله
سورى انا اسف ومشى
كان سهل جدا جدا يقولى خلاص يا عماد خلينا مع بعض وبلاش الحد ده لكنه قفل
وبعدين ناى زعلان ليه تقدرى تقولى
انا زعلت من ناى لكن هو زعلان ليه
مشى ليه من المنتدى

بولا :بس الناي هدفه من كده ان الطرف التاني ده كان هيعالج الموضوع لو حصل مشاكل ... ولاكنها في الاول و الاخر اختلاف وجهات نظر ؟
عماد :حبيبى انا قولتلك انه كلمنى اكتر من ساعه على الموبايل قبلها واتفقنا ان مفيش حاجه يبقى ليه الطرف التانى وليه قفل لما رفضت اكلمه عن طريق الطرف ده

بولا :طيب يا عماد انت طلبت من الناي انه يرجع المنتدي .. لو عرفت انه مش هيرجع المنتدي غير لما يوجهك و يتكلم معاك الاول لانه عنده شعور بالاحتياج بالكلام معاك اولا .. هتوافق ؟؟
عماد :هوافق بس اعرف منك والناس كلها تعرف الاول كبرت فى دماغى بقى وانت اللى صممت ناى ماله وماله اصلا بموضوع حنان وماله اصلا بموضوع زعلى ومين فى المنتدى كله جاب اسم ناى فى اى حاجه قولى ناى ليه مكبر الموضوع اوى كده وهو مش طرف قدام حد

بولا :هههههههههه الموضوع اولا ملهوش علاقة بحكاية حنان و ثانيا انا معرفش ايه السبب بس اكيد انتم لما تكلموا سوه بمحبة و مع وجود حد كبير معاكم كله هيعرف كل حاجه و اكيد هتتصالحوا في الاخر ... يا عماد هدق البرنامج هو الصلح بين الناس
عماد :حبيبى قدام المسيح قبل ما يكون قدامك وقدام اى حد انا مفيش بينى وبين ناى اى حاجه شخصيه بالعكس انا بعزه وكمان عمرى ما اتكلمت فى حقه مع مخلوق لانه بحترمه
بولا :طيب يا عماد ممكن تكون انت اول ضيف نديله مشروب في البرنامج بتاعنا و هتحاسب عليه في اخر الحلقة
عماد :ممكن طبعا يا باشا
بولا :بجد يا عماد انت نورت حلقتنا انهارده و انا كنت سعيد بوجودك معانا و نحب نعرف ايه رايك في البرنامج بتاعي ؟؟
عماد : طبعا برنامج كويس
جدا جدا جدااااااااااااااااااااا
وانا سعيد انك بعتلى فيه
وسعيد وهاكون اسعد لما النتايج تبان
يعنى حنان وناى يرجعوا واللا يبقى الحلقتين اللى فاتوا معملوش حاجه
وبكده تكون نجحت بأمتياز يا بولا

بولا : طيب ممكن كلمة لفريق العمل مع العلم انه 6 اشخاص .. الناس دي بتتعب معايا اوي يا عماد ؟

عماد :رش عليهم واجب كانز يا باشا ولما اشوفك نبقى نتحاسب طبعا اشكرهم جدا جدا جدا وربنا يكون مع الكل فى خدمته ويارب يكون برنامجك للامام دايما
بولا :طيب يا عماد ممكن تقولنا انت بتحب الصراحة ولا لا ؟ و اجابتك تكون اه او لا بس ؟
عماد : اه
بولا :طيب بكل صراحة احب اسمع منك الكلمة الاخيرة الي هتخرجها من قلبك لكل المنتدي ؟
عماد : ااقول للمنتدى انا بحبك من قلبى ويشهد عليا ربنا اقول للمنتدى انا شوفت فيك كل حاجه شوفت فيك ومنك الحب والفرح والنجاح
ولولا منتدى ارثوذكس
ماكنتش عرفت كنت هاعمل ايه الوقت اللى فات هاقول بحبك يا ارثوذكس لانى لقيت فيكى راحتى فى عز تعبى او جرحى لقت فيك محبه وسلام وراحه نفسيه هاقول فى اخر كلامى
انى مش زعلان من اى حد مهما كان الجرح ويارب محدش يزعل منى مهما انا عملت او زعلته
وشكرا دى قليله لمحبه الاعضاء كلهم
ربنا مع الكل

بولا : طيب اخر فقرة بنختم بيها الحلقة هي فقرة اسئلني ليك 3 اسئلة ليا انا ... تحب تسئلني ولا تروح ؟

عماد :حاضر اسأل
بولا :انا من راي تشتري دماغك و تروح احسن
عماد :انا هشترى دماغى بعد ما اسالك يا بيه تعالى هنا
اولا
انت شايف ان الاعضاء كلهم كانوا صرحاء معاك وقبل صراحتهم ماكنش فى اى نيه شخصيه
بولا : بالفعل هما كانوا صرحاء معايا و انا قولت قبل كده لو اكتشفنا ان العضو مش صريح هنغيره و نجيب غيره و ده من تاكدي من المعلومات الي بتجيلي من فريق العمل و الحاجات الي انا بدور عليها
عماد :
انت راضى عن النتايج وفريقك اللى بيتعب اوى معاك كل معلوماته صحيحه
بولا : بص يا عماد انا اختارت طريق صعب اوي و ده من اجل المنتدي و طريقه مش هيبقا سهل خالص و لازم اكمله و الكل لازم يتصالح و يبقا في محبة حقيقة مش محبة من الي بنكتبها في ردودنا و السلام دي و انا راضي عن الي بعمله لاني واثق منه و اي خطاء بيحصل انا مسئول عنه و مسئول اني اصلحه و مهما اي حاجه حصلت انا برده الي بشيلها فوق دماغي
عماد :
انت انسان محترم جدا جدا وانا بعزك جدا جدا فياريت ياريت تكون عند حسن ظن كل اللى بيحبوك وتقولى مين يستاهل اللى اتعمل فيه زى ومن غير ذنب اوى كده
بولا : مشكلتنا كلنا هي التسرع و الفهم الخطاء للامور و الحساسيات الزيادة عن اللزوم و دي نقطة باينة اوي فينا ولازم تتشال من جوانا لاننا هنا بيت واحد بجد و محدش فينا يستاهل اي حاجه وحشة لاننا بنحب بعض بجد بس لازم حبنا يبقا عملي مش نظري

بولا :سنكس يا عمده و بجد نورتنا
عماد :ده نورك ونورك فريقك يا فندم شكرا جدا جدا لمحبتك وتعبك


في نهاية الحلقة
احب اقول لكل الناس هو ده
نأسف علي الازعاج يا ارثوذوكس
و برده مهما حصل انا علي استعداد اشيل اي اهانة من اي حد او اي كلام بس المهم اني اوصل لهدفي الي قولته كذا مرة
مش مهم انا المهم المنتدي
و في الاخر اقول
نأسف علي الازعاج يا ارثوذوكس
بناء و ليس هدام

انتظروا مفاجاة الحلقة القادمة
و الي بجد هتكون مفاجاة ليكم كلكم
انتظرونا يوم الاحد القادم

و اسف علي الازعاج للجميع




التعديل الأخير تم بواسطة bolalover ; 12-08-2008 الساعة 04:01 AM
رد مع إقتباس
Sponsored Links
بياناتي
 رقم المشاركة : ( 2 )
وردة حزينة
ارثوذكسي ذهبي
رقم العضوية : 8670
تاريخ التسجيل : Dec 2007
مكان الإقامة :
عدد المشاركات : 10,782
عدد النقاط : 28

وردة حزينة غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:39 AM ]


جميل يابولا حلقتك روعه المره ده
نورت بيتك ياعماد وانا سعيده بااجباتك الجميله ده
ربنا معاك يابولا

رد مع إقتباس
بياناتي
 رقم المشاركة : ( 3 )
miso
ارثوذكسي برونزى
رقم العضوية : 26250
تاريخ التسجيل : Apr 2008
مكان الإقامة :
عدد المشاركات : 3,025
عدد النقاط : 13

miso غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:43 AM ]


هههههههههههههههههههه ابقى حط اعلانات يا بولا فالنص لو الخط هيبقى صغير كدة
هى نضارة واحد يابنى اللى عندى
يالا حلو انك اتصالحت مع عماد هو شخصية فقمة الاحترام والادب بجد
وكمان انا ليا حاجتين عايزة اقولهم بعد ازنك.
اولا موضوع البنات والولاد ليه بنفرق
الحكاية مش ولد وبنت الحكاية انسان مؤدب عايز تكلمه ولا لا
مرتاح فالكلام معاه ولا لا
كمان البنت عمرها ما هتسمح لنفسها تكلم انسان مش كويس علشان مش تسىء لنفسها
فبلاش نفرق بين ولد وبنت طالما كلنا اخوات زى ما بنقول
فى حاجة بقى عماد عنده حق فيها
انه عايز يعاتب الناى بينه وبين الناى بس من غير تدخل حد
مش ربنا قال فالانجيل عاتب اخوك بينك وبينه
انا شايفة ان كدة الاحسن
مع احترامى للكبير اللى هيتدخل بس العتاب بين اتتنين ووسطهم المحبة احلى من العتاب بين اتنين ووسطهم تالت يفضل محتار بينهم
ويارب يا بولا يتم الصلح بين كل الاعضاء المختلفة واللى غايب يرجع المنتدى تانى
بس اللى بيحب المنتدى انا من رايى انه هيرجع ليه
ومش كل زعل نسيب المنتدى
هههههههههههههههههههه كانت البلد خربت


رد مع إقتباس
بياناتي
 رقم المشاركة : ( 4 )
kamer14
ارثوذكسي ذهبي
رقم العضوية : 4944
تاريخ التسجيل : Nov 2007
مكان الإقامة : alexandria
عدد المشاركات : 20,390
عدد النقاط : 19

kamer14 غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:46 AM ]


ربنا يزيد المحبه بيننا ويبعد عننا عدو الخير ميرسى يابولا لتعبك من اجل المنتدى وميرسى لصراحه عمده ربنا معاكوا


رد مع إقتباس
بياناتي
 رقم المشاركة : ( 5 )
اسامة ثروت
ارثوذكسي فضى
رقم العضوية : 15722
تاريخ التسجيل : Feb 2008
مكان الإقامة :
عدد المشاركات : 4,213
عدد النقاط : 10

اسامة ثروت غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:47 AM ]


بجد برنامج جميل وانا معاك يابولا ان الصراحة مهما كانت هى افضل طريق لمعرفة المحبة وتنميتها

رد مع إقتباس
بياناتي
 رقم المشاركة : ( 6 )
حنين سنين
ارثوذكسي برونزى
رقم العضوية : 37789
تاريخ التسجيل : Oct 2008
مكان الإقامة :
عدد المشاركات : 3,252
عدد النقاط : 10

حنين سنين غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:48 AM ]


منووووووووووووووور يا عماد
ويارب دايما فى محبه مستمره فى حضن الرب يسوع

بشكر عمااااااااااااد على محبته للمنتدى ووجوده فى البرنامج وربنا يباركم ويعوضكم بس ياريت تبقى اخر المشاكل يا بولا



التعديل الأخير تم بواسطة حنين سنين ; 12-08-2008 الساعة 10:46 AM

رد مع إقتباس
بياناتي
 رقم المشاركة : ( 7 )
ملكه الاحزان
was a member here
رقم العضوية : 38246
تاريخ التسجيل : Oct 2008
مكان الإقامة : تحت رجل يسوع ..
عدد المشاركات : 7,974
عدد النقاط : 17

ملكه الاحزان غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:50 AM ]


وااااااااااو حلقه جامده اوي المره دي يابولا مرسي خالص

رد مع إقتباس
بياناتي
 رقم المشاركة : ( 8 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 03:53 AM ]


مستنيين يا جميل
وربنا معك ويتتملك بالف خير
وميرسي لعمدتنا ع الصراحه دي
وهرجع واقول
ان سبب رئيسي لمعظم خلفتنا
اننا مفهمناش بعض صح
ومتعتبناش بمحبه

منتظرين الباقى يا بولا
واشجعك ع احتمالك للاخرين فى صمت
وانشالله هدفك يتحقق

رد مع إقتباس
بياناتي
 رقم المشاركة : ( 9 )
MICKEY
ملك الكوميديا
رقم العضوية : 314
تاريخ التسجيل : May 2007
مكان الإقامة :
عدد المشاركات : 8,149
عدد النقاط : 19

MICKEY غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 04:02 AM ]


حبيبي بولا اقولك علي حاجه
برنامجك مش عجبني بالمرة
حقيقي وبأمانه المسيح مش عاجبني بالمرة

مالك انت ومال الي زعلان واللي متصالح
انت هتشتغل مصلح اجتماعي


بص يابولا مش عندي استعدادي تبقي حلقة حلوة وتبقي مخدر وينزل بعديها حلقة صعبة

زي ماخدرتنا كلنا بحلقة الناي ونزلت علينا بكرباج في حلقة حنان


بص ياحبيبي مش تدخل تاني في اللي ملكش فيه


واتمني انها تكون اخر حلقة ليك في البرنامج ده

وعايز تزعل مني اتفلق
واللي يزعل من ردي ده يزعل
مش فارقه معايا خلاص
عشان لما حد بيسيب المنتدي انا اللي بتبهدل في الرسايل الخاصة


اقتباس
بص يا عماد انا اختارت طريق صعب اوي و ده من اجل المنتدي و طريقه مش هيبقا سهل خالص و لازم اكمله و الكل لازم يتصالح و يبقا في محبة حقيقة مش محبة من الي بنكتبها في ردودنا و السلام دي و انا راضي عن الي بعمله لاني واثق منه و اي خطاء بيحصل انا مسئول عنه و مسئول اني اصلحه و مهما اي حاجه حصلت انا برده الي بشيلها فوق دماغي




لا بص ياحبيبي مش لازم تكمله او حاجه
محدش ضربك علي ايدك يابابا


غير كده انت مش بتشيل الهم ولا حاجه

عماد حسني اللي رجعه مانو
مش انت



واتمني من الاعضاء مش يمشوا ورا اي كلام حلو ويقولوا جميل وهايل

عشان بجد مش جميل ولا هايل
وكل مانصقف لبولا كل مايتحمس اكتر ويفتح قضايا اكتر يزعل بيها ناس كتير




وبقولهالك تاني يابولا

خليك في مشاكلك وملكش دعوة بمشاكل غيرك

مش هتشتغل مصلح اجتماعي حضرتك



سلام

رد مع إقتباس
بياناتي
 رقم المشاركة : ( 10 )
MICKEY
ملك الكوميديا
رقم العضوية : 314
تاريخ التسجيل : May 2007
مكان الإقامة :
عدد المشاركات : 8,149
عدد النقاط : 19

MICKEY غير متواجد حالياً

افتراضي رد: نأسف علي الازعاج يا ارثوذوكس ( عماد حسني )

كُتب : [ 12-08-2008 - 04:15 AM ]


صحيح نسيت اقولك يابولا علي حاجه
انا اتمالكت اعصابي جدا وانا بكتب ردي ده مش عارف ازاي

وغير كده الناس عارفه مين هو ميكي
مش بينافق حد في ردوده

لو موضوع حلو هقولك موضوع جميل وربنا يباركك
ولو وحش هقولك موضوع وحش وربنا يخدك



وياريت محدش يتأثر بردي ويكتب مشاركته اللي بعدي بنفس التأثر
كل واحد يعبر عن وجهة نظره
ودي وجهة نظري في البرنامج




سلام

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسرحيات توميان الغلبان قسم المسرح الكنسي 28 07-09-2021 10:42 PM
نأسف علي الازعاج يا ارثوذوكس ( kamer14 ) bolalover البرامج والخروجات الخاصة بالاعضاء 51 05-17-2009 01:37 AM
نأسف علي الازعاج يا ارثوذوكس ( راس السنة ) bolalover كلام فى الممنوع 52 01-13-2009 12:29 PM
نأسف علي الازعاج يا ارثوذوكس ( mickey ) bolalover كلام فى الممنوع 54 12-20-2008 10:23 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 11:59 AM.