[new.marina]

وعلي رأي المثل : الصياعه أدب


كثير بيحصل بين الشباب دلوقتي كلام وتلاقي الواد بيقول لصاحبه لا صايع يا مان

بس زمان لما كنا بنسمع اهالينا

كانوا يقولولنا ابعد عن الواد ده

اصل الواد ده صايع

وقبل كده وانا في الكليه قبل ما اخلص يعني كنت بكلم واحد فبيقولي صايع يا برهان

فالبنت بصتلي وقالتلي ازاي تسكتله

فبقولها ليه هو غلط

قالتلي اه

كلمه صايع دي كلمه وحشه


انا بقي ما بقتش احس ان الكلمه دي وحشه زي ما الناس زمان كانت بتقولها

انا حاولت ادور علي كلمه تشمل المعني اللي انا بقول بيه الكلمه دي مالقتش غير كلمه صايع

عارفين انا باصص لكلمه صايع دي ايه

واحد فاهم كل حاجة

واحد ميضحيكش عليه من حد

واحد يعرف يتعامل مع اى حد

مؤدب مع المؤدب

يعرف يقل ادبه كويس جدا مع النص كم

لو مرة لقى نفسه فى وسط موقف يكون عنده سرعة بديهة انه يخرج منه

راجل مش كلام وبس

حد يعرف يشيل مسئولية بيت وعيلة

والناس اللى حواليه

يعرف يتكلم فى اى حاجة مع اى حد

طبعا حد مينطبقش عليه كلمة بيتكسف

مبيخافش من حد

يقول رايه ادام اى حد بالطريقة

عارف هو عايز يعمل ايه فى الحياة

تلاقيه ليه خطوات بياخدها فى حياته

يتكلم مع الناس بطريقتهم وعقلهم قبل ميفكر يتكلم بطريقته هو

حاجات كتير اوىىىىىىىىىىى

واللى عنده الحاجات دى كلها

مفيش اى كلمة تانية تتقال عليه

غير

صايع

ده من وجه نظري وده من طرقتي

عاوز اعرف رايكم انتوا

ولاد وبنات

رايكم في الكلمه دي

وبتبوصلها ازاي ؟

ويعني ايه كلمه صايع عندكم

منقول

المصدر: †† ارثوذكس †† - من قسم: صندوق مناقشات الاعضاء

[la tristeza y el dolor]

فعلا زمان كلمه صايع دى كانت وحشه اوى و اللى يتقال عليه كدا المفروض يتكسف من نفسه ,
دلوقتى معناها اتغير , بس برضه متعتبرش ان اللى يتقال عليه كدا يبقى واحد كويس و عنده خبره فى الحياه ,
لان مهما كان الخبره دى موش معناها انه يكون له طرق ملتويه او يعرف ياخد حقه بطرق شريره ,

افضل حاجه تكون كل تصرفتنا فى النور , علشان ميتقالش على الواحد صايع و يتقال عليه انه جدع مثلا او بيعرف ياخد حقه من غير ما يغلط فى حد او يظلم حد

دى وجهه نظرى .

[miro_rook]

بيتهيالي الكلمه ديه معناها
الحقيقي ان الواحد ده ملوش هدف
يعني كانت تتقال علي الاولاد او البنت اللي ملهاش اي هدف وبضيع كمان الوقت ده في حاجات وحشه
ام اليومين دول فاصبحت موضه
ربنا يرحمنا