[MICKEY]

اهلا ومرحبا بيكم في ثاني حلقات برنامجكم من انا

انتظروا كل هؤلاء النجوم وأكثر

في برنامجكم
who i'm

برنامج من انا هو برنامج شخصي يخص الشخص وكل مايتعلق به

نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء

من انا هو الكشاف الذي سنري به بطاقة العضو كاملة

معانا النهارده ضيف مش عادى

ضيف بجد دخل قلبونا بدون مقدمات
ضيف بنحبه كلنا
لما بيغيب علينا بنحس ان المنتدى ناقصه حاجه كبيره جدااااااا
ضيفنا صاحب القلب الكبير
صاحب الابتسامه والضحكه المميزه
صاحب الأكثر من 357 موضوع والأكثر من 5623 مشاركه
ضيفنا هوه

المقرف الكبييييييييييييييييييييي ييييير

MICKEY

برنامجنا يستضيف من يريد البقاء بعيدا
برنامجنا هو المغناطيس الذي يجزب العضو للجسد

اهلا بيكي ياميكي معانا في حلقتنا

ونبدا الحلقة

فى البدايه بقى نحب نتعرف عليك يا ابو المكاميك
المذيعه : نتعرف بأسمك
ميكي : مايكل سامي
المذيعه : مواليد كام يامايكل
ميكي : 30-9-1984
المذيعه : فصيلة دمك ايه لو عندك يعنى
ميكي : لو فيه دم يبقي تقريبا A
المذيعه : من محافظة ايه يامايكل
ميكي : محافظة الجيزة
المذيعه :اخبار طفوله مايكل باشا ايه ؟
ميكى : وانا صغير كنت انطوائي جدا جدا جدا
ومكنتش احب اكون في مكان لوحدي بعيد عن ماما
ولما دخلت الحضانه كنت عاوز اهرب منها بأي طريقة فنطيت من علي سور المدرسة كان في سلم طلعت عليه ونطيت والسور كان قصير
واتمسكت واتضربت
وفضلت اعيط جامد لحد ماما جاتلي في ميعاد الخروج عشان تاخدني كالعاده
تاني مرة لما دخلت المدرسة وكنت في اولي ابتدائي
كنت متعلق بأخويا مينا جدا جدا جدا
وكنت بعيط في الفصل بتاعي واروح احضر معاه الحصص بتاعته
والمدرسة تضربني واعيط بغباء لحد ماتقولي غور في داهية
واحضر مع مينا اخويا الحصص
ولما مينا اتخرج من ابتدائي وسابني وحيد
كنت وحيد في اخر سنة
وحصل فيها الزلزال الشهير بتاع 91 تقريبا وسلم المدرسة وقع بيا وانا بجري
كل دي عوامل كرهتني في التعليم
المذيعه : ليك حق طبعا ههههههههه
واليوم الوحيد اللي اختاروني فيه لنشرة الاخبار المدرسية
كنت هقرا حظك اليوم مكتوبة في ورقة
راحت اتلخطبت مع ورقة صاحبي
ولما جيت افتح الورقة اللي هقرا منها الاخبار
لقيت مكتوب كلام قريته وخلاص
اتاريني بقرا القرأن اللي هيتقال في اخر الفقرة
والمدرس المتخلف ضربني فكرني بتريق والمدرسة كلها تضحك
المذيعه : ههههههههههههههههههههههههه ههههه
ميكى : اظن كفاية تشرد لحد كده

المذيعه : ياتري كنت متفوق في دراستك
ميكي : انا في تالته ابتدائي كنت طالع الاول علي المدرسة وفي خامسة ابتدائي طلعت من الاوائل علي المحافظة
المذيعه : هل نجاحك ده استمر
ميكي : بصراحه لا بدأت بعد كده اجيب دراجات عادية
المذيعه : ماهو سر عدم استمرار خط التفوق
ميكي : واللهي مش عارف بس ممكن تقولي اصدقاء السوء بقي منهم لله
المذيعه : كنت علمي علوم ولا رياضة ولا ادبي
ميكي : انا كنت علمي علوم في تانيه ولكن جبت 76 % مع اني كنت بزاكر جامد ولما عمكلت تظلم في احدي المواد طلع ليا درجات كتيرة اوي مش محسوبة ولكن مش عرفت اخدها وقالولي هترفع قضية واجري وراها في المحاكم بقي فأنا جبتها من اصيرها وحولت ادبي والحمد لله جبت 92 % مع اني بامانه مكنتش بزاكر زي تانيه

المذيعه :بعد التشرد العظيم ده دخلت كليه ايه ؟؟
ميكي : انا خريج ليساني اداب جامعه القاهرة قسم اللغة العبرية
المذيعه : واشمعني عبري يعنى !!!!!!!
ميكي : انا كنت عاوز ادخل اساسا طب مش اداب بس فرقت معايا علي 25 % بس فدخلت اداب
المذيعه : طب من ادبي ياميكي
ميكي : ياستى عديها بقي الناس لبعضيها هههههههههههه .. لا بأمانه كنت عاوز ادخل اسباني وفرق معايا حاجات بسيطة فدخلت عبري
المذيعه :اكيد بعد ماكبرت كان ليك ذكريات مع الشغل
وشكلك كده اتبهدلت يا مكمك ممكن نعرف مشوار حياتك ايه ؟؟؟؟
ميكي : اول شغلانه اشتغلتها كانت في مصنع شاي لما كنت في اجازة اولي كلية وكان المرتب شبة محكوم عليه بالاعدام لدرجة كنت باخد من والدي فلوس عشان اجيب اكل في الشغل واكل ولكن سبتها بسرعه قبل ماقبض كمان
وبعد كده سافرت شرم الشيخ اشتغلت في بازار سياحي هناك في احدي القري السياحية هناك
ثم سافرت الي دهب للعمل فترة بسيطة بداخل احدي الكامبات
ثم سافرت الي طابا عند تخرجي من الكلية لأعمل في شركة سياحه بمعبر طابا علي الحدود المصرية بجوار هيلتون طابا
ثم تركتها عندما دخلت الجيش
وبعد ماخلصت الجيش اشتغلت في بازار سياحي عند الهرم ثم اشتغلت في احدي شركات الاستيراد والتصدير لمدة 8 شهور ... يعني لو كنت صبرت كمان شهر كنت كملت تسع شهور وولدتلهم هناك نياهاهاهاهاه
ثم بعد ذلك عملت في احدي شركات البترول ولكن لفترة قصيرة جدا وتركتها لظروف دعتني لذلك
واخيرا في موبينيل مايقرب من 9 شهور ومازلت بها حتي الان يعني يومين كده ولا حاجه واولدلهم هناك نياهاهاهاهاهاه

المذيعه : لماذا لا تجرب ان تعمل بمجالك في الللغة العبرية
ميكي : مانا بقولك سافرت واشتغلت في طابا باللغة العبرية ولا داعي للتحدث عن طبيعه العمل ولكن الجيش جعلني اترك هذا العمل وبعد ان انهيته لم استطيع الرجوع مرة اخري هناك لأن لما كنت هناك في اول مرة هلتون طابا كان اضرب وفي البيت كان في حالة حزن عليا من القلق حتي جيت
ولما رجعت امي قالتلي وحياة ربنا يامايكل ماهتهوب هناك تاني لو اتقطعت رقبتك اهئ اهئ اهئ
عاوز اروح عاوز اروح ياطنط المزيعه خلي ماما تخليني اروح

المذيعه : دانت اتعذبت ياعينى هههههههه
المذيعه : بعد تشرد الطفوله والتشرد فى الشغل والعبرى اللى مش فاهمه اخدته ليه اكيد طبعا مدوخ البنات وراك ممكن بقى نعرف ميكى قلبه دق كام مره ؟
ميكى :حبيت بجد بجد مرة واعجبت مرتين
المذيعه : انا اشك بس ماشى يا دنجوان
ههههههههههههههههه
المذيعه :طيب ليك طموحات ولا سايبها على الله ؟
ميكى :كان ليا طموحات كتيرة والحمد لله الحمد لله ولا طموح اتحقق
المذيعه : ههههههههههههههههههههههههه ههههه
المذيعه : طيب ايه هيه ممكن نعرفها؟
ميكى : كان نفسي ابقي ممثل ولما دخلت مجال التمثيل طلعت جرسون ومش رضيوا يدوني ادوار اكتر من كده غير اما لدخل معهد التمثيل وادرس اربع سنين علما بأني كنت خلصت جامعه وجيش .. بقي ده كلام اضيع من عمري اربع سنين كمان وفي الاخر يأمثل او لا
المذيعه : لا طبعا ميخلصناش الكلام ده يامكمك
ميكى : كان طموحي اشتغل في مجالي بالعبري ولما اشتغلت في طابا بالعبري وقولت اخيرا الدنيا ضحكتلي لقيت الجيش بيندهلي وبعد الجيش مش عرفت اروح تاني كفاية دول عشان مش اجيب احباط للرجاله
المذيعه : ههههههههههههههههههههههههه هه
المذيعه : طبعا كفايه اوى دانت قطعت قلبى طرنشات
ميكى: الهي يسمع منك ربنا
ميكى : ويتقطع يابعيده علي اخر الليل
المذيعه : الله يحرقك ياميكى
المذيعه : ليك اخوات وانت ترتيبك كام وسطيهم
ميكي : انا مقطوع من شجرة
المذيعه : ياكدااااااااااااب
ميكي : ههههه بصى ياستى ليا تلات اخوات غيري وانا رقم 2
المذيعه : ممكن تعرفنا عليهم
ميكي : مينا وده مهندس واكبر مني وكان هيبقي معيد في الجامعه بس جتله شغلانه بمرتب اعلي فنفض للجامعه وبحقد عليه ههههههههههههه
مايكل اللي هو انا
بولا رابعه تجارة
كوكو تالته ابتدائي هههههههههه بأمانه نسخة مني وعاوز ابقي اجبهولكم الخروجه في مرة مش هتعرفوا تفرقوا بيني وبينه
المذيعه : ماذا يعمل السيد الوالد
ميكي : مدير في وزراة الكهرباء والطاقة
المذيعه : هل الست الفاضله الوالده تعمل
ميكي : نعم موظفة في وزارة الصحة
المذيعه : ممكن تحكيلنا على يومك بيبقى ازاى من اول ماتصحى من النوم ياحج ؟؟
ميكى : بصحي من النوم 7 المفروض ابقي في الشغل 9 بروح 10
ودايما يخصموا من مرتبي بسبب التأخير
والتأخير نابع من جمال مواصلات بلدنا بقعد لحد 5 اجي بيتنا 7
وفي الشغل باخد كوبي للمكالمات بتاعت خدمة العملاء علي هاردات الشركة
مش انتي لما تتصلي بخدمة العملاء يقولك المكالمة قد تكون مسجلة اهو انا بسجلها وهي دي شغلانتي بخلاف الابد ديت والاتشك اسبيس وحاجات كده معقده فكك منها
وعلي طول بتخانق مع الفراش اللي هناك لأني اول مابروح بقوله الحقني بالفطار
يقوم يقولي يابشمهندس مايكل انت مبتفطرش في بيتكم
ولما يشوفني نايم في الشغل يقولي يابشمنهندس مايكل انت كنت بايت في الشارع .. متفوق وتصحي
واد فقر وكلنا بنحبه بروح بيتنا الساعه 7 اتغدي وادخل اقعد علي النت وارثوزكس والميل والفيس بوك لحد الساعه واحده وادخل انام بعديها وهكذا
المذيعه : عرفت المنتدى منين ؟
ميكى :ابدا كنا قاعدين مع ابونا في مرة بعد الاجتماع وبنتكلم عاوزين نعمل منتدي لكنيستنا وبعد كده اتفقنا وعملنا منتدي اسمه www.mybestes.com وبعد كده لما الامر تطور والموضوع كبر كبرنا منتدانا وسميناه www.orsozox.com اللي عرفني بأشكال زيك هههههههههههههه
المذيعه : ماااااااااشى الله يسامحك وياخدك ماهو طبعا مانت مزنوق ومش هرد عليك
المذيعه : مين اقرب ولد وبنت ليك فى المنتدى تحب تطلع معاهم رحله وعايزين تكتب شخصيات وتذكر السبب؟؟؟
ميكى : اقرب ولد ممكن المنيل علي عينه رافت وبنوته ممكن قمر 14 عشان بحب اناكش معاها بخلاف اني بحب الباقيين جدا جدا بس انتي بتقولي اختار واحد
المذيعه : طيب هتاخد رأفت وقمر 14 وتروح بيهم فين وليه ؟
ميكى : هوديهم سانت كاترين وهرميهم الجوز من فوق جبل موسي
وهرجع لوحدي وهاكل سندوتشاتهم بقي
المذيعه : ههههههههههههههههههههه حرام عليك
المذيعه : طفس من يومك يا ميكى

المذيعه : طيب احكلنا موقف كوميدي حصل معاك في البيت
ميكي : صدقني مش متزكر حاليا
المذيعه : لا حاول تركز وتفكر اي موقف
ميكي : طيب هو اخر موقف انا فاكرة عشان لسه حاصل معايا من قريب .. دخلت اخد شاور عشان كنت خارج ومكنش حد في البيت والمشكلة بعد ماخلصت الشاور اتضح ان الفوطة بره علي السرير
فقولت اطلع اجبها لأن كده كده محدش في البيت
واثناء خروجي كان ابويا بيفتح الباب ومعاه ضيوف
فنطيت تحت البطنية وعملت نفسي نايم علشان ملحقتش ادخل تاني الحماااااام اهئ اهئ
المذيعه : مسخره يا ميكى من يومك هههههههههههههههههههه
المذيعه : لو قولتلك اوصف مايكل سامى بكلمه هتقول ايه؟
ميكى : شكاك
المذيعه : مكنتش متوقعه الكلمه دى بس ماشى هعديها هههههههه

المزيعه : ليه بتهتم بالجانب الفكاهي اكتر من الجانب الروحي علي المنتدي
ميكي : عشان انا بصراحه ابن تيت كافر هههههههههههههه
يعني مش ليا في الروحانيات لدرجة اني انزل مواضيع زي عمالقة المجال ده ومنهم ايمن
وعلي رأي المثل . ادي العيش لخباذه

المذيعه : السؤال اللى قبل الاخير هههههه لماذا سميت البرنامج ( من انا ) بدل من ( من انت ) .. ؟؟
ميكي : لأن البرنامج ده بيعرف العضو حاجات هو نفسه مبيبقاش عارفها عن نفسه ومن خلال الحوار والكلام بيتزكر حاجات مر بيها مكنش بيفكر فيها من قبل
ومن هنا بيعرف من هو من خلال برنامج من انا

المذيعه : واخيراا بقى كلمه تحب توجها لمنتدى ارثوذكس تحب تقولهم ايييييييييييييييييه ؟
ميكي : احب اقولهم اني واللهي العظيم وربنا يشهد عليا اني بحبكم كلكم جدا جدا ودخلت علي منتديات كتيرة مرتحتش غير وانا وسطيكم وببقي فرحان جدا لما بلاقي حد بيسأل عليا او بيكلمني بحس اني مالك الكووون
المذيعه : بجد مش عارفه اشكرك ازاى انك اديتنى الفرصه الكبيبره اوى دى
انى اعمل الحوار الحلو ده معاك
ميكي : ده شرف ليا انا ياسكره اني اسجل معاكى يا ............. ههههههه اقول ؟؟
المذيعه : هههههههههههههه لا ياباشا متقولش

كان معكم اللهو الخفي من داخل برنامج من انا

شكرا ميكي علي صراحتك وكل سنة وانت طيب

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان

من انا

برنامج خفيف خفيف يتاكل أكل

انتظرونا الحلقة القادمة ونجم جديد في برنامجكم

who i'm
?

لقرائة من انا ( 1 ) اضغط هنا

لقرائة من انا ( 2 ) اضغط هنا

لقرائة من انا ( 3 ) اضغط هنا

لقرائة من انا ( 4 ) اضغط هنا

لقرائة من انا ( 5 ) اضغط هنا

لقرائة من انا ( 6 ) اضغط هنا

لقرائة من انا ( 7 ) اضغط هنا

رفضت المذيعه زكر اسمها
وحاولت معاها ورفضت


اتمني ان الحلقة تعجبكم ومكونتش رغيت كتير


كتير قال عني اني غامض
اتمني بعد الحلقة مبقاش غامض في نظركم
وشكرا

المصدر: †† ارثوذكس †† - من قسم: البرامج والخروجات الخاصة بالاعضاء

[bolalover]

هههههههههههههههههههه
الجيش الجيش الجيش
اقولهم قضيت الجيش فين يا خويا
افضحك دلوقتي ههههههههههه
ايش حال مكنتش مقضي الجيش بتاعك كله في البيت و معتبتش الجيش من جوه اساسا

ههههههههههههههههههههههههه هه
حلقة جامدة يا ريس و شكرة يا ست المذيعة

[aymonded]

هههههههههههههههههههههه
طيب ، انت ولد غريب على عجيب وكمان عجيب على غريب
وأوعى تقول يعني ايه بدل ما اكتب فيك شعر
بس حلقة حلوة يا مكمك وجميلة وشدتني جداً
واشكر المزيعة الي رفضت تماماً ذكر اسمها
ربنا معاك يا جميل ؛ النعمة معك كل حين

[وردة حزينة]

ههههههههههههههههههههههههه هه
حلقه وضيف تيت بجد
ميش كنت تستنضف ياميكى ضيوفك
البرنامج بتاعك لم ييابنى
ميش عارفه بتجيبوا الاشكال ده منين



ههههههههههههههههههههههههه ههههههههههههههههههه




















































































حلقه بامانه زى السكر ياميكى وانا مبسوطه انى اتعرفت عليك اكتر
ربنا يسعد ايامك ياصاحب اجمل وارعب ابتسامه ومناخير

[M@@@NOOOO]

ياافكارك الجامده ياميكى
البرنامج جامد جدااااااااااااااااااااا
وعجبنى اوووووى
وفكرته روعه
ميرسى ليك
ومتعنا كمان وكمااااااان

[KATKOTA2020]

ميرسى على الموضوع الممتع ده ربنا يباركك ويفرح قلبك

[kottah_sh]

الله يامكمك ياجميل
ايه يابنى التشرد دا كله
دانت ياعينى اتبهدلت اوى فى الشغل
والطفوله
ههههههههههههههههههههههه

ولا الموقف الكوميدى مسخره
ههههههههههههههههههههههههه ه

حلقه بجد جميله اوى وعرفتنا على ميكى اكتر

وميرسى للمذيعه المخفيه

[miso]

المذيعه : ماهو سر عدم استمرار خط التفوق
ميكي : واللهي مش عارف بس ممكن تقولي اصدقاء السوء بقي منهم لله
ههههههههههههههههههههههههه هههههه بامانة ضحكتنى فالجزء ده فكرتنى باللمبى لما بيقول للمذيعة واحد مصاحب على علطة واشرف .... عايزانى اطلع ايه طيار
بجد حلقة دمها زى السكر وضحكت بجد قبل ما انزل علشان اروح الشغل كدة والواحد مبتسم
وميرسى للمذيعة للى مش عارفين مين

[ZEZOMERO]

يعلم ربنا الحلقة دى جامدة جدا جدا

الله يخربيت عقلك

ههههههههههههههههههههههههه ه
بجد يا ست المزيعة انتى تمام اوى فى الاسئلة


وانت يا واد يا مكمك داهية من دواهى الزمن الجامد الى احنا فية

الموقف بتاع الحمام موتنى من الضحك
جامد انا دمعت من الضحك



















فاكر لما كلمتك فيديو كول وانت بتاخد شاور الاسبوع الى فاااااااااات

لالا مش تبص غمى عينك
ههههههههههههههههههههه
هههههههههههههههههههه

ههههههههههههههههههههههههه هههههههههههههههههههههههه

[IO-Mena]

جميل با مايكل , ربنا يحفظك.
وربنا معاك فى باقى حياتك