[سندريلا2009]

ليه الدنيا بقت كدة

ليه بقت صعبة ومريرة ومش قادرين نعيش فيها

ليه كل حاجة حلوة تاخدها مننا

ليه اقرب مالينا بيقسى علينا

ليه العيشة بقت صعبة والحياة بقت تتعب

ليه الفرحة مش بتكمل والحزن اوقاته بتكتر

ليه دموعنا اصبحت من السهل تشوفها

وليه بسمتنا من النادر حتى تحسها

ليه ديما حاسين بالخنقة والاختناق حتى من جوانا

ليه مش قادرين نكمل خطوة واحدة لقدام

وليه بنرجع الف خطوة لورا

ليه تملى حزننا مالى الوشوش

و ليه الفرحة اصبحت شئ نادر مش محسوس

وليه وليه وليه .....................


ياترى العيب فينا شخصيا وفى طريقة حياتنا

ولا العيب فى الزمن وعمايله فينا

ولا العيب من صفات نادرة موجودة فينا

والصح انها تتمحى عشان نعرف نعيش دنيتنا



مبقتشى عارفة ياترى ليه والعيب فين ولا العيب فى مين ؟!

الكأبة دى من تأليفى

المصدر: †† ارثوذكس †† - من قسم: القسم الادبي

[Team Work®]

معلش هى الدنيا طول عمرها كده

[hany1982]

احاسيس جميله يا سيندريلا بس ياريت نشوف فرح كمان مش كل حزن لأن دايما بيبقى بعد الضلمه نور ربنا معاكى

[la tristeza y el dolor]

فى مره كنت ماشى مع قريبى و قالى على فكره الواحد المفروض يكون قليل الادب و رخم علشان يعرف يعيش فى الدنيا ديه ,
رديت عليه و قولتله فكرك لو انت بقيت كدا هتكون مبسوط اصلا ,
اوك ممكن تعرف تاخد حقك من الناس بس انت هتكون قرفان من نفسك وانت بتعمل تصرفات موش تصرفاتك و موش متعود عليها ,

الاحسن انك تعيش بمبادئك و ضعفك هيكمل فى قوه ربنا ,

ربنا معاكى يا سندريلا و يريح قلبك .....

[الامير الحزين]

كلمات حزينة اوى ياسندريلا بس نابعة من انسان شاعر
ربنا يبارك حياتك

[اشرف وليم]

شكرا للمجهود الكبير اهذة الكابة

[bassem8800370]

ليه كده ؟
ليه كل الكابه ديه عيشى الدنيا ببساطه

[كراكيب]

• هو واضح طبعا ان الكآبة دي من تاليفك لانك متأثرة بيها قوي
• بس بدون كلام شعارات بجد اللي بيبقي مع ربنا بيفرح لان ربنا بيسهله كل أموره وإن الامر لايخلو من تجارب لكن بتبقي برده ( إحسبوه كل فرح )
• ربنا يفرح قلبك ياسندريلا والامير يلاقي فردة السابوه ويجي ياخدك

[سندريلا2009]

المشاركة الأصلية كتبت بواسطة team work® معلش هى الدنيا طول عمرها كده

عندك حق
ثانكس مرورك
ربنا يبارك حياتك

[سندريلا2009]

المشاركة الأصلية كتبت بواسطة hany1982 احاسيس جميله يا سيندريلا بس ياريت نشوف فرح كمان مش كل حزن لأن دايما بيبقى بعد الضلمه نور ربنا معاكى

ربنا هيدبرها انشالله
ميرسى لمرورك
ربنا يبارك حياتك وخدمتك