[عماد نابليون]

وقت ضايع

نزلت فى عز البرد قولت اشوف عيون الناس بتقول اية
مين فرحان ومين حزين ومين بيبكى وبيبكى لية

مشيت خطاوى كتيرة وفى كل خطوة بتفرج ع الناس
وبعد مامشيت كتير فجاءة تعبت و ماكنتش حاسس
ولمحت انسان عجوز من بعيد عليا باصص
حسيت انة بيندهلى
بيقولى تعالاة
قربت منة
وبصيت فى عينة
وبص فى عنايا
وقالى
انت عارف
لو تعرف
حتستغرب
حتتعجب
كنت حتخاف
كان قلبك عاش ومات ملهوف
لو عرفت ان مفيش حاجة اسمها معروف
زمنا دة مصلحتك فين من غير كسوف



لما تحب انسان وتفكر فية تملى
لما تسهر طول الليل بأسمة تغنى
وكل مرة تقولة اطلب وأتمنا
وتضحى وترسم عشانة الجنة
وهوعمرة ما افتكرك ثانية
تتكلم معاة وهو وعقلة
فى حتة تانية



يبئقة وقت ضايع
بيروح ومش راجع
حتندم علية


لما تعشم نفسك انك طيربتطير
وتقول انا بطل الحب والامير
وتعلق روحك فى ايد انسان مغرور
يبئقة حتلف عليك الدنيا وحتدور
و حتعيش وتموت طير بجناح مكسور
وورد الليل اللى انت زرعتة
حيطرح شوك ابن شرور


يبئقة وقت ضايع
مش حتاخود منة غير زكريات بتوجع
وحتندم عليها
وحتتخنق لما تفتكرها


لما تفوت وقت وبعد منة وقت
لما كلمة بحبك ليها اشتقت
لما تحلم بحب من شفايف فقدت النطق
و كدبت على نفسك وللااسف صدقت
ان الحياة من غير حب اتعدمت وقفت
كنت انت لو حدك فرقت و شوفت
ان الحقيقة بتتكلم وليها صوت
كنت صدقت وعرفت
ان الحب بيغلب الموت


يبئقة وقت ضايع
بتخدو الايام مننا
واحنا بسهولة بنسيب حقنا
نفضل نتكلم ونتكلم
وفى الاخر كل كلامنا
يروح فى الهواة


لما تكون غريب وترجع مشتاق
وتعد ليلالى الغربة بعد الفراق
مستنى تشوف حبيبك بعيون الاشتياق
وتعد ساعات الانتظار بالدقات
وتفوت لحظات ووراها لحظات
وفى لحظة تعرف ان اللى بتحبة
قلبة مات
تتكلم كلام مليان اهات
وتفضل تروح وتيجى الزكريات
ولما تفوق من يئسك بيكون الوقت فات


يبئقة وقت ضايع
كل كلامة بيقلب مواجع
تتكلم تتكلم
ومحدش سامع
تفضل تدمع دموع
لحد لما الدموع
بتخودنا لسكة مالهاش رجوع


لما تكتب زكريات على سطور الزمن
لما انسان يخون احلامك من غير اى تمن
لما تحس انك انسان مالكش اى طموح
وتملى بتتكلم بلسان انسان مجروح
يبئقة عيد حسباتك
غير من حياتك
فوق قبل ما يكون الوقت فاتك
دة الروح بتساوى الروح
واللى يروح سيبة يروح
المهم انة مايضعش الطموح
وتكون زى السما قلبها ديما مفتوح
تزعل تمطر
تفرح النجوم تنور
تبكى القمر يزعل

المصدر: †† ارثوذكس †† - من قسم: القسم الادبي

[نبيل نصيف جرجس]

مرسى اوى يا باسون عماد للكلمات الحلوة دى ربنا يفرح قلبك يا رب

[حنين سنين]

موضوعك حلو اوى يا عماد ربنا يفرح قلبك

[عماد نابليون]

مرسى اخواتى على المرور

[عماد حسنى]

شكرا ليك يا عمده موضوعك رائع فعلا

[Malak sokar]

يبئقة عيد حسباتك
غير من حياتك
فوق قبل ما يكون الوقت فاتك
دة الروح بتساوى الروح
واللى يروح سيبة يروح
المهم انة مايضعش الطموح
وتكون زى السما قلبها ديما مفتوح
تزعل تمطر
تفرح النجوم تنور



الحمدللة انك عرفت الحل ربنا معك بجد جميل

[عماد نابليون]

مرسى اخواتى على المرور

[.Michael]

eih al kalam al kaber da
mawdo3 gamel ya 3amad

[عماد نابليون]

مرسى اخواتى على المرور الجميل

[kamel]

لما تكون غريب وترجع مشتاق
وتعد ليلالى الغربة بعد الفراق
مستنى تشوف حبيبك بعيون الاشتياق
وتعد ساعات الانتظار بالدقات
وتفوت لحظات ووراها لحظات
وفى لحظة تعرف ان اللى بتحبة
قلبة مات
تتكلم كلام مليان اهات
وتفضل تروح وتيجى الزكريات
ولما تفوق من يئسك بيكون الوقت فات

رسالة فى سطور محواها الكثير
اشكرك لحسنها وجمال معانيها
الرب يفرح قلبك