[twaty]

أيها القمر رغم بعدك عني إلا أني أحس بأنك اقرب لي من كل الناس
كلما شعرت بالوحدة توجه نظري إلى السماء ليبحث عنك
أحب أن أتكلم معك أنت فقط الذي تفهمني ..
تشعرني بالطمأنينة تحسسني بأني لست وحيدة
تشعرني بقربك مني إني احتاج من يفهمني أحتاج من ينصت إليّ
من يفهم مشاعري وأحاسيسي ..
لم أجد سواك ..
حتى عندما أكون سعيدة أحب النظر إليك ..
هل تسمعني أيها القمر ..
لا أدري إن كنت تفهمني ..
سأعترف لك بأمر .. نعم إني اشعر بأني لست وحيدة كلما نظرت إليك
لكن ..
أخاف منك أحياناً ..نعم أخاف منك لكني احبك
رغم جمالك ورغم أنك اقرب لي من كل الناس
اعذرني ..
لكن فيك بعض الغموض إذاً أليس من حقي أن أخاف
إني أشكو إليك ولا ادري إن كنت تفهمني لكني أحس بأن هناك من يقف معي
وفجأة تختفي ..
أناديك : أيها القمر أين اختفيت ؟؟
لا مجيب ..
وعند المساء تظهر من جديد ..

فسبحان من خلقك وصورك وأبدع فيك الجمال.





منقول

المصدر: †† ارثوذكس †† - من قسم: القسم الادبي

[عماد حسنى]

موضوع رومانسى جدا وجميل طبعا
يا بختك يا عم القمر ..وطبعا القمر اتكتب عنه كتير جدا جدا لكنه هايفضل محير
شكرا جدا جدا تويتى لموضوعك واختيارك وتنوعك المتميز فى الموضوعات
وامانتك فى النقل
ومنتظرين المزيد دايما
ربنا يفرح قلبك وكل حياتك

[اناستاسيا]

كيف اشكو للقمر وانا معى خالقة كيف اهمس لة كل ما بداخلى وانا معى مبدعة
انا معكى احب القمر و كل شئ صنعة اللة وذلك لكى امجد بة اسمة
لماذا ابحث عن من يسمعنى ويفهمنى و الهى هناك منتظرنى ويتلهف ان ابدء فقط
ربنا يفرح قلبك دائما

[twaty]

المشاركة الأصلية كتبت بواسطة عماد حسنى موضوع رومانسى جدا وجميل طبعا يا بختك يا عم القمر ..وطبعا القمر اتكتب عنه كتير جدا جدا لكنه هايفضل محير شكرا جدا جدا تويتى لموضوعك واختيارك وتنوعك المتميز فى الموضوعات وامانتك فى النقل ومنتظرين المزيد دايما ربنا يفرح قلبك وكل حياتك

ميرسى ياعماد كتير على ردك ووجودك اللى نور الموضوع
ربنا معاك ويبارك حياتك يارب

[عماد حسنى]

المشاركة الأصلية كتبت بواسطة اناستاسيا كيف اشكو للقمر وانا معى خالقة كيف اهمس لة كل ما بداخلى وانا معى مبدعة

المشاركة الأصلية كتبت بواسطة اناستاسيا انا معكى احب القمر و كل شئ صنعة اللة وذلك لكى امجد بة اسمة لماذا ابحث عن من يسمعنى ويفهمنى و الهى هناك منتظرنى ويتلهف ان ابدء فقط ربنا يفرح قلبك دائما

اختى اناستاسيا

الموضوع كله لايتعدى الخيال والرومانسيه .. وزى ما انتى قولتى انك انتى كمان بتحبى القمر ..
صعب اوى اوى نأخد حتى الموضوعات الشعريه بحرفيه ونطبقها على إيمانا بربنا .. الموضوع مش يتفسر بالحرفيه دى ولا الطريقه دى ..
احنا كدا مافرقناش عن الناس التانيه !!
وبعدين هو مين يعرف المسيح ويدور على حاجه تانيه .
اعتقد ده ثابت عندنا كلنا ..

ولو مشينا بالتفسير اللى وضحتيه ده يبقى كتير اوى هايطلع مايعرفشى ربنا ..
وعلى فكره القسم الادبى مليان بموضوعات تشبه الموضوع ده ولاعضاء خدام ويعرفوا ربنا وقريبين منه جدا فمش معنى كدا انهم سابوا ربنا ومسكوا فى حاجه تانيه ..
ده قسم أدب وشعر وده القسم الوحيد اللى متاح له الخيال وطبعا الخيال اللى مايعترضشى مع ايمانا .. وفى الاخر كله كلام يعنى هو اللى بيكتب للقمر او النجوم مش عارف انها مجرد كواكب .. الناس بتتخيل وبتكتب او تنقل احساس ..

ياريت اكون قدرت اوصلك حاجه .. وطبعا الرد كان المفروض يكون لتويتى صاحبه الموضوع
لكن اللى خلانى ارد كونى مشرف القسم وحبيت اوضحلك وكمان ان الطريقه فى الرد فيها ملامه وملامه تخص الايمان
ومحدش له الحق يشكك فى ايمان حد


واسف للاطاله وشكرا

[كارين بنت يسوع]

روووووووووووووووعه يا تويتي عاشت ايدك
كلمات بجد كلها رومانسيه تدل علي رقه مشاعرك واحساسك
انا شخصيا بعشق البحر ...هههههههههههههه
معتقدش اني بكده كافره لاني بشكو للبحر دون الله
وبعدين الله نفسه هو اللي خلق الحب
اجمل شيء في الكون
عاشت ايدك تويتي ودائما مميزه

[ريم الخوري]

شكرا توتي كتير اليك بجد تحفة موضوعك ومناجاة جميلة جدا ورمانسي جدا جدا بنفس الوقت يبدو كانت ليلة مقمره بامتياز ههههههههه
بس ممكن علق على جو الحوار والنقاش لو سمحتولي يعني كون الاخت اناستاسا خدت الجانب الروحي للموضوع ودا حرية لان كل حد ينظر للموضوع من زاويتة وراي ان التعليق حلو وبمكانة وادي جانب اخر لروح الموضوع وفكرتة
يعني مثلاً انا نظرت للقصيده بمنظار المناجاة الشعرية الحواريةبين اللى كتب القصيدة -دي كونها منقولة - وبين القمر عبر بصورة رمزية جميلة عن مكنونات احساسة بجو هو كان فية ودا واضح كتير باسلوب الكتابة واوقات كتير امور جميلة بتشدنا بالطبيعة
اوقات لتامل والبوح عن المكنون متل مثلا اوقات الغروب على البحر كتار بتوحي بجو من الرومانسية ياما ناس كتبت دا ميمنعش اننا نتغني بجمال خلق الله ونمجدة بطريقتنا كل واحد ولية طريقتة بالتعبير ممكن حد يعبر بطريقة روحية بحتة حسب كيف حالتة واحساسة
وكمان بدي علق على كلام الاستاز عماد بالموضوع لا يتعدي الخيال والرمانسية معليش فسر شوي عن الخيال لنعرف انو كمان لية اثر بحياتنا ميش بس شيء موجود بنستخدمة حلو نعرف اثرة بالنفس كمان
اولا الخيال دا الحاسة الداخلية للنفس وهي اكثر رهافة من الادراك الحسي
وهي الوسيط(اي الخيال) بين الذهن والحواس ودا ميش كلام من عندي دا كلام القديس غريغوريس هو اللوحة الضخمة التي عليها ترسم الاشياء وتخزن لفترات طويلة ودي حاسة بجد يصعب على الانسان السيطرة عليها يعني من الخيال يقدر الذهن يصل للمحضور هون بحكي على كلمة خيال واثرها روحيا صغيرة صح بس اثرها كبير بالنفس ان لم تضبط باتجاة صحيح

فكل التعلقيات براي حلوه وجميلة وموضوعك تويتي بجد حلو جدا واللى كتب الموضوع اي كان بجد لديه قدرة على التعبير بشكل جميل جدا جدا جدا عن مكنونات نفسة
الرب يقويك وشكرا للكل واسفة لو علقت على الردود بس تستحق المناقشة

[اناستاسيا]

المشاركة الأصلية كتبت بواسطة عماد حسنى اختى اناستاسيا الموضوع كله لايتعدى الخيال والرومانسيه .. وزى ما انتى قولتى انك انتى كمان بتحبى القمر .. صعب اوى اوى نأخد حتى الموضوعات الشعريه بحرفيه ونطبقها على إيمانا بربنا .. الموضوع مش يتفسر بالحرفيه دى ولا الطريقه دى .. احنا كدا مافرقناش عن الناس التانيه !! وبعدين هو مين يعرف المسيح ويدور على حاجه تانيه . اعتقد ده ثابت عندنا كلنا .. ولو مشينا بالتفسير اللى وضحتيه ده يبقى كتير اوى هايطلع مايعرفشى ربنا .. وعلى فكره القسم الادبى مليان بموضوعات تشبه الموضوع ده ولاعضاء خدام ويعرفوا ربنا وقريبين منه جدا فمش معنى كدا انهم سابوا ربنا ومسكوا فى حاجه تانيه .. ده قسم أدب وشعر وده القسم الوحيد اللى متاح له الخيال وطبعا الخيال اللى مايعترضشى مع ايمانا .. وفى الاخر كله كلام يعنى هو اللى بيكتب للقمر او النجوم مش عارف انها مجرد كواكب .. الناس بتتخيل وبتكتب او تنقل احساس .. ياريت اكون قدرت اوصلك حاجه .. وطبعا الرد كان المفروض يكون لتويتى صاحبه الموضوع لكن اللى خلانى ارد كونى مشرف القسم وحبيت اوضحلك وكمان ان الطريقه فى الرد فيها ملامه وملامه تخص الايمان ومحدش له الحق يشكك فى ايمان حد واسف للاطاله وشكرا

حقيقى بجد انا اسفة جدا جدا لان تعليقى اتفهم خطأ ولكنى نظرت لة من الناحية الروحية ولا اجد رد احسن ولا اروع من رد اختى الغالية ريم الخورى سامحونى حقيقى
وبالنسبة لرد اختى
كارين انها تحب البحر ولا تعتقد انها بذلك كافرة انا صديقتى لا اكفر احد واقدم اعتذارى للجميع والجميع يعلم ان الموضوع منقول يعنى مش مهاجمة شخصية لتوتى لانى اقدر كل موضوعاتها فالرجاء قبول اعتذارى

[عماد حسنى]

المشاركة الأصلية كتبت بواسطة اناستاسيا حقيقى بجد انا اسفة جدا جدا لان تعليقى اتفهم خطأ ولكنى نظرت لة من الناحية الروحية ولا اجد رد احسن ولا اروع من رد اختى الغالية ريم الخورى سامحونى حقيقى وبالنسبة لرد اختى كارين انها تحب البحر ولا تعتقد انها بذلك كافرة انا صديقتى لا اكفر احد واقدم اعتذارى للجميع والجميع يعلم ان الموضوع منقول يعنى مش مهاجمة شخصية لتوتى لانى اقدر كل موضوعاتها فالرجاء قبول اعتذارى

اناستاسيا

مفيش اى داعى للاسف كلنا هنا اخوات ..
انتى شوفتى الموضوع بطريقه وانا شوفته بطريقه تانيه وغيرى وغيرك شافه بطريقه تالته ومحدش معترض على الطريقه اللى اتشاف بيها الموضوع .. كل الطرق ممكن جدا تكون صح ولكن توصيلها اللى ممكن يتفهم غلط ..
عموما المناقشه بتفيد وبتوضح اكتر
وياريت محدش يكون فهم غلط او زعل
هى وجهات نظر وتحترم من الجميع

سلام المسيح معاكى

[حنين سنين]

اختيارك جميل ورقيق يا تويتى يا قمره والقمر بيحب اللى زيه دايما مميزه حتى فى اختيار الاشعارثم ان القمر مصدر الهام الشعرا ء برقه ورومانسيه