[نظره رجل]

حرام عليكى

حرام انا اموت وانتى ماتحسيش
حرام ابقى بصرخلك وانتى ماتسمعيش
حرام ابقى محتاجلك وانتى تاخدى وماتديش
حرام ابقى تحت رجلك وانتى تدوسى ماترحميش
حرام ابقى بحبك وانتى تبقى انانيه
حرام افتحلك قلبى وانتى تظلمى فيّ

ايام وليالى بتمنالك كل خير ** حتى لو على حساب انى ادوق الويل
كنت بستناكى بين اللحظه والتانيه ** بس اطمن عليكى حتى ولو ثانيه
مهما عملتى عمرى مازعلت منك ** ماكنتش بتسحمل ولا اقدر على تعبك
كنت بتعبلك وانتى تعبانه ** وانسى تعبى وانتى فرحانه
عيشنا اجمل ايام العمر ** ونسيت معاكى حالى المر
كل اللى يهمنى بس انتى ** بعت الكل واختارتك انتى
كانت دموعنا بتبقى واحده ** والآهه طالعه معانا واحده

ولما تعبت دورت عليكى
وياريتنى موّت قبل ما الاقيكى

ايه القسوه دى كلها ** انتى عمرى اللى كنت بحبها
رجعتينى و محنيه راسى ** كسرتى بأديكى خاطرى واحساسى
كنت محتاجلك كنت بأسى ** كنت مستنى رد لأخلاصى
ماتعبكيش صوتى الحزين ** ولا اتحرك قلبك ليا بالحنين
اصرخ واروح بس لفين ** وصدايا بيرجع ويزودنى أنين
عمرى راح اهو فى كلمتين ** وحبيبى موتنى فى غمضه عين
كنت بفضل موتى وهو يعيش ** كان عارف ان غيره مليش
هاتكلم وهاقول ايه ** ربنا يسعده ويهنيه
مش هالومه ولا اعتب عليه ** يقدر يظلم حبيبو فاضل ايه
اتعود على التضحيه من طرف واحد ** وانا كنت فاكر ان احنا واحد
أعتبرنى صنم كأنى بينتقم ** عيشنى فى كدبه بطعم الالم
ادينى بدفع بنفسى التمن ** بدموع بدم مش بحبر القلم
بدفع تمن حب حبيته ** بدفع تمن عمرى اللى نيسته

المصدر: †† ارثوذكس †† - من قسم: القسم الادبي