مساء الخير على كل الاعضاء الجامدين جدا جدا
النهاردة برنامج جديد بنحتفل بكل نجووووووم اورزوكس لعام
2008
وهم
افضل عضو ملكة الاحزان
افضل مشرف استاذ ايمن
نجم اورزوكس ميكى
ونبدتى بنجم اورزوكس
ميكى
مساء الخييير على النجم الاورزوكسى لسنة 2008
ميكى: مساء العسل يابرنز
سندباد الحب: عامل اية وكل سنة وانت طيب
ميكى: انا الحمد لله كويس وكل سنة وكل ارثوزكسي زي البومب
سندباد الحب: يا رب دايما
النهاردة حلقة خااااااصة جدا جدا
عن نجم اورزوكس لسنة 2008
ونحب نبدا باول الاسئلة
ميكى: اتفضل
سندباد الحب: عملت اية الساعة 12.00
يعنى من شوية
بعد سماع النتيجة
ميكى: انا كنت نايم وبابي عمال يصحي فيا ويقولي انزل روح هات النتيجه
انا كنت قايم دهشان ورحت الكنيسة اشتريت نتيجه السنة الجديده
اللي بتتعلق علي الحيطة
رحت لما جيت راح بابي قالي ايه اللي انت جايبه ده
سندباد الحب: اه عارفها
ام 7.50
ميكى: لا يااستاذ زيزو انا طلعت زكي وجبتها ب 2.5 بس
عشان مش جبت البلاك نوت اللي بيبقي في الورق
قولت افاصل واطلع ازكي منه
سندباد الحب: وبعد كدة
ميكى: المهم بابي قالي انا بتكلم علي نتيجه المسابقه
قولتله مش قادر انزل يابابي اخاف اكون رثبت في الاختبار
راح ركب الموتوسيكل ولبس الخوزة وطلع علي منتدي ارثوزكس
قابل استاذ ماجيك كان بيضرب سجارة مانجو
مش بانجو ياجماعه مانجو
اداله خمسة جنيه عشان يجبها من الكونترول
الاستاذ ماجيك ضرب علي الخمسة جنيه وطلع للأخصائي الاجتماعي اللي اسمه ايمن
قاله في والد عضو تحت عاوز النتيجه
ايمن قاله اداك حاجه
ماجيك قاله لا يابيه محدش اداني حاجه
استاذ ايمن راح قال لازم رشاوي عشان نسلكله النتيجه
المهم ايمن بصلنا من شباب قسم الضحك والفرفشة
ودلق علي الموتسيكل جردل مايه وسخه
وانا كل ده في البيت بتابع بابي من الهاتف الخلوي
المهم بابي لقي قسم طباخك اليوم مفتوح
راح طلع من سلم الطباخين
وجاب النتيجه بنفسه
وراح كلمني من قسم المحمول
واعلن ليا عن النتيجه
وانا كانت فرحتي مش سايعاني
سندباد الحب: يارب دايما
ميكى: ومسكت مسدس الميه بتاعي
وجريت ارش علي مامي وكل اخواتي
ومش رشيت علي دادي لما جه عشان استكفيت بالجردل اللي عم ايمن دلقه عليه من شباك القسم هناك
سندباد الحب: بجد انا سعيد انك معايا النهارة
انت اية رايك فى اورزوكس على مدار عام كامل
ميكى: وايه اللي دخل عم كامل في الموضوع الوقتي
سندباد الحب: انت بتحب تخش قسم اية
وبترتاح فية
ميكى: انا اول مادخلت المنتدي كنت بعشق قسم الضحك والفرفشة
اما الان اكتر قسم بحبه واغليبة الوقت بتابع مواضيعه كلها هو مناقشة الاعضاء
سندباد الحب: يا جاااامد
طيب اية امنيتك اتجاة اورزوكس لسنة 2009
ميكى: ان عدد الاعضاء يوصل لحد 100 الف عضو واكتر
وكمان ان عدد الاعضاء النشطة
بدل من الف عضو يبقي 50 الف عضو
سندباد الحب: وانا بضم صوتى لصوتك يا مكمك
انت تتمنى اية لنفسك فى السنة الجديدة
ميكى: اتمني حاجتين اولا اختيار موفق لشريكة حياتي لأنها بأزن الله سوف يتم اختيارها وعمل خطوبة في هذا العام بأزن الله
ان ربنا يعليني كمان وكمان في موبينيل لحد ماكون صاحب الشركة
سندباد الحب: ههههههههههههههه
قديمة
انا جالى اخبار مش حلوة يا حبيبى
عن الشركة دى
ان ساويرس باع الشركة
ميكى: ماهو باعهالي بس انا مش عاوز اقول لحد عشان الحسد
سندباد الحب:دلوقتى جية معاد فقرة جديدة وفريدة من نوعها
هاننزل الشارع الاورزوكسى
وهما هايقولة رايهم فى ميكى
موافق نروح
ميكى: اة موافق
سندباد الحب:ونزلنا الشارع الاورزوكسى
وسالنا اول عضوة معانا
@M@R!N
ميكي انسان جميل اووووووي حسيته قريب من القلب وفي فتره صغيره خالص حسيت انه بجد اخويا ووثقت فيه ... طيب جدااااااااااااااااا ... بيحب الناس اوي لدرجه انه ممكن يضحي بحاجات كتير زي ماحصل وقت الخروجه وخسر شغله عشان حبه لينا
حنان صادق:
ميكى ده فله وزى الفل
ويستحق اللقب عن جدارة
ملكة الاحزان:
انسان طيب جدا وخادوم وحشري بس طيب ودمه خفيف بشكل يشل
قمر 14:
ميكى تيتيتيتيتيتيتتيتيتيت
اميرة عبدة
الواد ميكى يستاهل بجد اللقب ده معاك طبعاً
الناى الحزين
التيت ابن التيت اللى بكانى بعد 10 سنين بدون
دمعه وحده
روح يا شيخ
الله يخرب بيت مروه
هنا
ميكى احق واحد فى المنتدى بنجم ارثوزكسى
تمام يا باشا
خير ما اخترت
اسامة سمسم
هو انسان دمه خفيف و طيب
سندباد الحب: طب تحب تقول اية للعضوالى هايتزكر اسموة دا فى السنة الجديدة
الماجيك
ميكى: اقول للواد فادي انه سكر المنتدي وبحبه جدا وببحث عن ردوده مخصوص واتفرج عليها واقراها ومن اقوي ردود ليه عجبتني في موضوع ورده لما كانت منزله شوية رجالة مش رجاله وراح هو قال اللي يمسيك بالخير يااميتاب
سندباد الحب: هيما
ميكى: هيما بصرف النظر عن انه ابن عمي فهو واد رجولة في كتير من المواقف رجوله رجوله
ومن اخر المواقف ليه معايا حصريا ليك يازيزو
كنت رايح الشغل انا وهو انهارده
وركبنا المترو
المهم انا جريت لقيت مكان وهو مش لقي
رحنا نزلنا من المترو انا وهو
انا مش رضيت اقعد وهو يقف
واستنينا المترو اللي بعديه
راح دخل هو قعد وسابني انا واقف
سندباد الحب: كيرو رافت
ميكى: من اقرب الناس ليا في ارثوزكس
بحبه جدا جدا واعتقد انه مش حاسس بحبي ده بس يعلم الله بحبك يارافت ياشكري وببقي نفسي اجيلك كل يوم المطعم عشان اشوفك بس فوبيا الكسوف منعاني
سندباد الحب: وردة حزينة
ميكى: ورده حزينة من البنات اللي بعشق الكلام معاهم علي المنتدي والرسايل لأني بحس ان واحده بتعاملنا كأننا اخواتها الصغيرين وتقول لده مالك ولده زعلان ليه بجد لو ليا اخت مش هتخاف عليا اكتر منها
سندباد الحب: بولا لوفر
ميكى: بولا لوفر اخويا الصغير اللي فاهم هو بيعمل ايه كويس ولكن ناقصة شوية توجيه .. يمكن ساعات بكون قاسي عليه في ردودي لكن عالم المسيح عشان مصلحته وبحبك يابولا ياعاطف
سندباد الحب: ماااااااانو
ميكى: مانو بقي بالرغم من صغر سنه الا انه واد عقله اكبر من سنه بكتير جاب جدع وصاحب صحبه اوي اوي
سندباد الحب: ملكة الاحزان
ميكى: عضوة نشيطة جدا جدا في اقل وقت قدرت تكسب صداقة الجميع
سندباد الحب: عماد حسنى
ميكى: عماد حسني واد عامل زي البسكوته طيب اوي اوي وحنين اوي وصاحب صاحبه وبحبه عشان قبلني اكون اخ ليه
سندباد الحب: الناى الحزين
ميلاد
ميكى: ميلاد بقي واد حرامي
عشان في اقل فترة قدر يسرق قلبي
بحبة مووووت
وبقوله من الناس اللي زي فادي ببحث عن ردودها عشان اضحك عليها
سندباد الحب: سندباد الحب
ميكى: سندباد ده بقي واد جواه حب للجميع غير عادي
بحبه جدا جدا عشان بيحب الناس ومش بينتظر من حد انه يحبة
سندباد الحب: ميرسى
سندباد الحب:مين اقرب الناس ليك
من البنات
ميكى: من البنات وفاء وهنا
ولا بلاش هنا لأسباب خاصة
سندباد الحب:
تتمني حاجه مهمة جدا وبترجاها من الدنيا
ميكى: ان عماد وميلاد يقربوا من تاني ويبطلوا بعاد وكفاية العناد
وهقول حاجه حصرية ليك انت في برنامجك
محدش يعرفها
الاتنين بيحبوا بعض جدا جدا
يعني ميلاد رشح عماد افضل مشرف لعام 2008 تخيل
سندباد الحب: معقوووول
وفي نفس الوقت عماد من غير مايعرف ان ميلاد مرشحه
رشح ميلاد كأفضل عضو لعام 2008 شوف ازاي
سندباد الحب: بجد الموقف دا
محتاااااج صقفة جامدة جدا جدا
من الجمهور الحاضر معانا
ميكى: ولكن كما يتعمد الطفل ويأخذ الروح القدس في المعمودية
كذلك يأخذ المحبة التي لا يمحوها اي عداوة عند تسجيله علي ارثوزكس
وشعار ارثوزكس 2009 اللي اختارته ليه هو المحبة تجمعنا
سندباد الحب: وعند المحبة تجمعنا
وبلمحبة ايضا
ننهى الحوار الاكتر من رائع
مع نجم اورزوكس لعام 2008 ميكى
سارق الابتسامة
ميرسى يا مكمك على الحوار الجميل دا
ميكى: ميرسي ليك وميرسي لكل الشعب المصري
انتظرو حقلة جديدة من برنامج
90 دقيقة
مع افضل مشرف
وافضل عضو لعام 2008