[b o b b a]

يوم خطوبتها

فجاه ومن غير مشوف بدايه لقيت قدامي مكتوب النهايه
ضاع من ايدي حبي وهوايا وخلاص حبيبتي مش هتبقي معايا

جايه بتعزمني علي خطوبتها وفي ايديها ماسكه شبكتها
وسالتني عن راي فيهم ولبستني دبله ولبست دبلتها

قرار
يوم خطوبتها رحت اسلم قلبي كتير ساعتها اتالم (2)
قاعده حبيبتي فرحانه جنب حبيبها لابس الدبله اللي في ايديا جربتها (2)

صحاب احنا وفاكرانا اخوات متعرفش ان قلبي عليها مات
حاولت كتير اقوا واصارحها ومخرجش مني غير سكات

كانت عليه دايما بتحكيلي وكنت انا اللي بقولها قوليلي
افتكرتها في يوم هتحس بيا هتحس باهاتي وطول ليلي

قرار
يوم خطوبتها رحت اسلم قلبي كتير ساعتها اتالم (2)
قاعده حبيبتي فرحانه جنب حبيبها لابس الدبله اللي في ايديا جربتها (2)

جوه عيني بصت وشافت ابتسامه فرح خلاص ماتت
سالتني ايه سبب حزني مقلتلهاش ان حبيبتي راحت

قلتلها دي دموع فرحي بيكي دي غاليه عليا اوي عينيكي
قالتلي مانت اخويا وصديقي قلتلها ربنا يسعدك ويهنيكي

قرار
يوم خطوبتها رحت اسلم قلبي كتير ساعتها اتالم (2)
قاعده حبيبتي فرحانه جنب حبيبها لابس الدبله اللي في ايديا جربتها (2)


يارب تكون عجبتكم

المصدر: †† ارثوذكس †† - من قسم: القسم الادبي

[اسامة ثروت]

برافو برافو بجد يابوب على الموضوع الى بجد مش لقى كلام اوضف روعتة ميرسى حبيب قلبى ومنتظرين المزيد والمزيد

[b o b b a]

المشاركة الأصلية كتبت بواسطة اسامة ثروت برافو برافو بجد يابوب على الموضوع الى بجد مش لقى كلام اوضف روعتة ميرسى حبيب قلبى ومنتظرين المزيد والمزيد

شكرا ليك بجد يا اسامه علي اهتمامك ده وربنا معاك

[nermos1982]

كلمات رائعة بجد بوبا .تحفة بجد مع ان الاحساس بيها صعب اوى.صعب لما تشوف حبيبك لحد تانى .بتحلم باليوم اللى تشوفه فيه ولما تشوفه تلاقي قلبه فى حضن قلب تانى
ربنا يباركك بوبا ويبعد عن كل ولاده الاحساس الصعب ده ويفرح قلبك

[b o b b a]

المشاركة الأصلية كتبت بواسطة nermos1982 كلمات رائعة بجد بوبا .تحفة بجد مع ان الاحساس بيها صعب اوى.صعب لما تشوف حبيبك لحد تانى .بتحلم باليوم اللى تشوفه فيه ولما تشوفه تلاقي قلبه فى حضن قلب تانى ربنا يباركك بوبا ويبعد عن كل ولاده الاحساس الصعب ده ويفرح قلبك

ربنا يسمع منك يا نيرمو وشكرا علي اهتمامك ومرورك ربنا معاكي

[ظريف]

جوه عيني بصت وشافت ابتسامه فرح خلاص ماتت
سالتني ايه سبب حزني مقلتلهاش ان حبيبتي راحت

قلتلها دي دموع فرحي بيكي دي غاليه عليا اوي عينيكي
قالتلي مانت اخويا وصديقي قلتلها ربنا يسعدك ويهنيكي

ده موقف لم ينسى طول العمر يا bobba لما يحمله من شجاعه وحكمه وقوة إراده 0 شكرا وننتظر المزيد

[Stray sheep]

الله على الكلمات المؤثرة
ايه الحجات الحلوة دى
ميرسي خالص بجد على القصيدة الحلوة دى
مستنيين منك حجات تانية
ربنا يعوض تعب خدمتك

[كوكى بنت الفادى]

تحفة بجداااااااااااااااااااااا
ربنا يبارك موهبتك الجميلة
ومنتظرين المزيد

[سمسم 24]

جميلة جدا يا بوب على فكرة انا عجبانى بصفة شخصية
لانى حسيت الاحساس ده بس مكناش صحاب لكن سبتنى
بس جميلة اوى برافوا عليك

[عماد حسنى]

بوباا
حقيقى بجد برافو برافو عليك
رائعه
ربنا يعوضك افضل وافضل
ويكون معاك ويفرح قلبك