وزارة الاتصالات تصدر قرار تحويل الانترنت الغير محدود السرعة الي محدود السرعة
كُتب : [ 08-08-2009
- 09:58 PM
]
سلام ونعمة
-------
اصدرت وزارة الاتصالات المصرية قرار تطبيق الاستخدام العادل للانترنت الغير محدود
القرار يسري علي جميع شركات الانترنت
بموجب هذا القرار تحول الانترنت الغير محدود (الانليمتيد داونلود) الي انترنت محدود (ليمتيد داونلود)
لتصبح كل السرعات لها كمية تحميل محددة
كالتـــــــــــــــــــــ ـــــــــــــــــــــالي
512 ك ب / ث =25 جيجابايت / شهريا
1024 ك ب / ث =40 جيجابايت / شهريا
2048 ك ب / ث =60 جيجابايت / شهريا
4096 ك ب / ث =80 جيجابايت / شهريا
8192 ك ب / ث =120 جيجابايت / شهريا
16384 ك ب / ث =180 جيجابايت / شهريا
24576 ك ب / ث =250 جيجابايت / شهريا
السؤال اللي بيطرح نفسة
يعني لو حملنا الكمية دي وخلصت هيحصل اية
الجواب: سيتم تحويل الخط تلقائي الي سرعة خط التليفون العادي 128 كيلو بايت
يعني هتبقي سرعة التحميل 6 كيلو في الثانية
مصدر الكلام دة :موظف خدمة تي داتا
الداونلود يا جماعة يعني نقل البيانات يعني الكمية دي اللي اتحددت بيدخل فيها التصفح وسماع الراديو والشات والتحميل ... يعني الدنيا هتبقا خنقة
للتأكد من الكلا دة والقرار الظالم دة
موقع تي داتا
http://www.tedata.net/web/eg/ar/default.aspx?sec=3&pr=2
موقع لينك دوت نت
http://www.linkdsl.com/LinkDSL_Code/Pages/DslAvailabilty/fup.aspx?lang=ar-EG
وده فى ظلم كبير لينا وطبعا هما فاكرين اننا حنقول حاضر وماشى وودن من طين و ودن من عجين كا العاده
بس المره ده لازم نطالب بحقوقنا اللى بتضيع فى يوم و ليله كدا
وطبعا ده حقنا المشروع
عشان كده احنا حنساهم بدورنا فى حمله لا للانترنت المحدود
طيب وهنعمل اية
1-ارسال رسالة للمسؤلين
كالاتي
إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه لمستخدم الأنترنت........
جريدة الشروق
[email protected]
طيب وهل انتا اتصلت بشركة تي داتا
ايوة حصل
وقالو اية
قالو القرار دة مش من عندنا دة من الوزارة
طيب وانا مش موافق
اتصل حضرتك ب155 وقول انك مش موافق
------
جروب حملة لا للانترنت المحدود علي الفيس بوك
http://www.facebook.com/group.php?gid=117150926635&ref=nf
تم عمل الموضوع دة لان في ناس كتير مش فاهمة
وكمان كلنا الحاجة دي هتضرنا
وحنا بندفع فلوس مقابل الخدمة
وحسب اخر الاحداث تقرر يوم الاتنين يوم اعتصام ووقف خطوط النت
10/08/2009
لازم كلنا نشارك وحتي ولو بأتصال
حقنا كلنا ومش لازم يضيع مننا
التعديل الأخير تم بواسطة مصري مكبر دماغة ; 08-09-2009 الساعة 11:42 AM
|
مشاهدة صفحة طباعة الموضوع
أرسل هذا الموضوع إلى صديق
العرض الشجري
