[وردة حزينة]

رضينا بالهم ولكن ... مرضيش ..... †

( منال ) بنت طيبة القلب .. ابوها راجل بسيط يعمل اسكافي ( اي لتصليح الاحذية القديمة ) وهي مهنة ارزاق بسيطة :
ويوم فيه ويوم مفيش ... ولكن الارزاق بالله وعايشين ومنال هي اكبر اخواتها الاولاد والبنات العمر بيجري اصبح الوقت حرج بلغت من العمر 29 سنة والقطار سريع لايرحم قطار الوقت لا يتوقف وامها البسيطة تنظر اليها وتقول شكلك حلو وقوامك حلو ولسانك حلو لكن فين شباب امتي افرح بيكي يا بنتي ؟
وتبكي الام الوديعة لكن البنت يرتسم علي وجهه تكشيرة الحزن وهي تقول الفرج من عند ربنا يا امي وتضرب الام كفا علي كف امتي ها يجي الفرج ؟!
يظهر اني ربنا ناسينا ارحمنا يارب وماتخدش زنبا في بنتنا وتحاول منال ان تخرج امها من عبوسة الموقف وتقول قولي يا امي فين سوق العرسان وانا اروح اشتري عريس وذات يوم جاءت ام يوسف الجارة الطيبة التي تسكن في اول الشارع وهمست في اذن ام منال ابن الحلال عاوز منال ؟ فين هو ليه مجاش وصمتت ام منال ثم تكلمت عمره كام ....؟
35 سن مناسب ... امتي يجئ ؟ يوم الخميس الساعه السابعة ...... وانتظرت منال عريسها في شوق علي احر من الجمر وصباح يوم الخميس ذهبت منال الي بنت خالتها التي تعمل كوافيره في شبرا لكي تتهندم للعريس المترقب وفي مساء يوم الخميس كانت المفاجأة ان العريس كان يستند علي عكاذين ولكن ام يوسف لم تقل لنا هذا الام ما هذا هل هو اصيب في حادث .... ؟ ام ..... اجابت ام يوسف انه من طفولته مصاب بشلل الاطفال اصيبت منال بخيبة امل اصوم اصوم وافطر علي ....... هو ده اخر صبري ...... الام في بؤس قالت لبنتها شوفي يا بنتي في بعدك ثلاث بنات لازم تتجوزيه علشان توسعي لاخواتك البنات ضربت منال علي صدرها اخد واحد مشلول بيمشي علي عكازين ليه ؟
من قلت الرجالة ...!! قالت لها الام الراجل لا يعيبه اي شئ وفكرت منال بسرعه وقالت اتجوزه واخلص من عذاب المواعين والكنس وارتاح ووافقت منال بعد تردد وامها وافقت علي مضض ماذا تفعل هذا هوه نصيبها وتحدد معاد الخطوبة وفي بساطة سمع الناس ان منال سوف تكمل خطوبتها الكل فرح لخطيبتها ولكن خطيبها مشلول فا بدات هذه تتغمز وتلك تقول ليه رضيت بالمشلول ؟ وثالثة تقول يسترها وخلاص ورابعة تقول ..... ام منال فا كان رائيها مش مهم كلام الناس المهم ان العريس يجئ وحضر العريس لتقديم الشبكة وسط فرحة دخل وهوه يستند علي العكاذين ولما حان وقت تلبيس الدبلة اختل توازن العريس لانه اضطر ان يتخلي عن احدي العكاذين الذي يمسكه في يده اليمني ولما اختل توازنه سقط علي الارض فهلع الناس الف الف سلامة علي العريس بدا ينفضون له ملابسه ومنال دموعها تتساقط وتقول يا ارض انفتحي وابلعيني ولما سالها العريس لماذا تبكين ؟؟
فقالت له من الفرحة وانقضت الليلة علي خير المهم اهي جوازة والسلام اخرج علشان اخواتي البنات واعيش خدامة لهذا العريس المهم طالت فترة الخطوبة ومنال تحاول ان تقنع نفسها بان الجواز قسمة ونصيبة ولكن بعد عام ونصف حضرت ام يوسف الجارة التي تسكن في اول الشارع وتطلب ام منال وهمست في اذنها وقالت لها ان العريس مش عايز يكمل ليه ؟؟؟
لان العروسة لاتحمل مؤهل عالي وهذا يؤثر علي تربية الاولاد سري الخبر الي منال العروس التي استغربت انه يطالبني بمؤهل عال وانا لم اطالبه باي شئ

حقيقي رضينا بالهم والهم مراضيش بينا

المصدر: †† ارثوذكس †† - من قسم: القصص النصية

[bolalover]

يا نهاري
ايه الحظ ده
عريس معندوش دم
بصي يا وردة روحي قولي لام يوسف انا هاجي اتقدم لمنال اهو اكسب فيها ثواب بقا
هههههههههههههههههههههه

[totoshiry]

حلوة القصة اوى وتلاقى بقى منال جالها شلل مش كده هههههههههههههههه
واتنقطت منه يا نهار ايه العريس ده ههههههههههه
ميرسى ليكى

[شريف جاك]

مع انها قصة مش روحية بس فيها شئ من التعليم شكرا
ربنا يعوضك خير

[طلبه]

لان منال اعترضت فى الاول على امر الله اصوم اصوم وافتر على بصله علشان كده ربنا زلها فى الاخر

[وردة حزينة]

ميرسى كتير على المرور والتعليق وده قصه حقيقه من كتاب دموع الناس
كتاب اكثر اكثر من رائع وصادر من الكنيسه
ميرسى كتير ليكم

[عماد حسنى]

مش عارف اقولك ايه على القصه
الدنيا مليانه حاجات غريبه
بس منال ملهاش ذنب
هو اللى موقفه غريب
عموما شكرا جدا على القصه ياورده

[يحنا1975]

شكرا" يا وردتنا

[zaza2006]

قصة جميلة شكرا يا وردة

[kamer14]

ميرسى بجد ليكى يااجمل وردة على القصه الجميله دى ربنا يباركك