[روماني عادل النمر]

جوايا حزن كبير في قلبي ياربي عاجز أوصفه
عــــيونـــي دم مــش دمـــوع يايسوع بينزفوا
فـــي نفسي ياما أهات وحـزني في قلبي مكتفوا
عــالــم وبـقي حرب الضعيف الأقوي منه بينسفه

1- يـــارب تـــاه مــني طـــريقي ولا اللي تـايه فيه أنا
يادينا ليــــه ليـــا تسيــئ ضـــهري مــــنك أنحني
حقـــي أنــا لـو مش بأيـدي يادنيا مـــنك هاخــده أنا
ربي قدير عادل وقــادر و الحـــق راح يــــوم ينصفه

2- ليه يادنيا حابه تكسريني لا يادنيا فيا ماتشمتيش
أصلي يادنيا أنتي في عيني تراب رخيص ولا يساويش
ولـــــو الأمان ضاع والحـنان خلاص بقي فيكي مفيش
بكــــره يبـــان فــــــــرحي وقلبي بدقاته لحنه هايعزفه

3- أنا لو حزين حزين عشان مش عاجبني فيكي حال
ليه يادنيا قاسيه علي الضعيف والضعيف فيكي محال
يقـــــدر يـــعيش في وســـــط غابه وديابه بتهد الأمال
لازم يتـــــوه لازم يضــيع وبــحــر الهموم فيه يجرفوا

4-راحت ياناس فين المحبه ليه كل حلو فينا أختفي
وكــــــل واحــــــد فيــنا عـــبـــا قلـبه محبه مزيفه
يارب ملناش غيــرك انـتا أرجــع لــنـــا نورنا أنطفي
تقـــــــوي الضـــعيف يرجع إليك دمعه بأيديك تجففه

كـــــلمــــــات الـــــخاطــــــئ الحزين
رومــــــــــــــانــــــ ـــــــي عـــــــــــــــــــــــا دل

المصدر: †† ارثوذكس †† - من قسم: القسم الادبي

[Malak sokar]

جميل اوي ربنا معك

[ميلاد صدقى]

أنا لو حزين حزين عشان مش عاجبني فيكي حال

صح وكلماتك معبرة جدا رومانى
تحياتى .ودمت بود كل الايام ...وكل سنة وانت طيب

[كيرو رافت]

الله يا رومانى على الكلمات المعبرة القويه فى اسلوبها ومعانيها
الله عليك وعلى اختيارك الرائع جدا لكلماتك
تسلم ايدك وتعيش وتكتب

[روماني عادل النمر]

متشكر جدا ياجماعه أنا مستهلش حاجه ويارب تكون الكلمات عجبتكم

[بنت البطل]

بجد روعة وجامدة اخر حاجة وربنا يزيدك بركة

[twaty]

كلمات بجد حلوة ميرسى ليك
وربنا يعوض تعب محبتك