حال الدنيا
آدى حالنا وحال الدنيا
نعشق شهور نعشق سنين
ونبعد نموت ويضيق الوجود
نلاقى حياتنا ضاعت فثانية
آدى حالنا وحال الدنيا
نعيش أحلام نبنى فكلام
نصدق وعود لأبعد حدود
و فى الاخر دموعنا هى اللى باقية
آدى حالنا وحال الدنيا
أحاسيس تحسنا وقلوب تحبنا
وعاملين عايشين وكمان مصدقين
ونفوق على واقع بيكسر يهدنا
آدى حالنا وحال الدنيا
ننام ونقوم فاكرين اللى فات
عايشين فى عذاب كل الأوقات
لا نافع بكانا ولا حتى السكات
آدى حالنا وحال الدنيا
أيام بنعرفها وأيام مش باينة
أيام وراحت من بين إيدينا
وأيام جايه مخبيه أيه لينا
آدى حالنا وحال الدنيا
أيام بتعلم وأيام ملهاش لزمه
أيام بنبكى فيها بحرقة
وأيام مش عايزين فيها بكره
آدى حالنا وحال الدنيا
تاخد مننا أغلى أيامنا
تدمر تحرق جوانا احلامنا
تاخد ماتسبش غير احزانا
أدى حالنا وحال الدنيا
تشوف بعنيك أغلى ماليك
بيتاخد منك بيسيب إيديك
واقف بيموت بيتفرج عليك