[بنت الراعي]

حد حاسس فيكم ان حياته من غير معنى انه بعيد اوى عن ربنا

انه بقالو كتير مقعدتش معاه

او هو اصلا طول حياته لسه مقعدتش مع ربنا
مش قصدى الصوم والصلاه وبس
لااااااااااااا

قعد معاه اتكلم بقلبه بكى وطلب منه محبته
بجد سؤال هل فيكم حد اخدته الحياه والدنيا وقيدته بمشاكلها
جميله المنتديات المسيحيه بس بندخل نعمل ايه؟؟؟؟
تسليه منفعه روحيه ولا بنكلم ربنا ولا ايه؟
جميل الشات والتعارف على بعض لكن ياترى ربنا فين

هل بنتعرف عليه؟؟؟؟؟؟

ولا هو اقل اهتمامتناااااا
حد فينا فكر وسال نفسه ربنا رقم كام فى حياته واحد؟؟؟؟؟؟؟؟؟؟؟؟؟؟
لو واحد طب ليه بنحط النت ساعات قبل ما نصلى والكليه واصحابنا واهلنا
عارفين انا لما بفكر كده بلاقى ربنا رقم كااااااااااااااام؟؟؟؟؟؟؟؟ ؟؟

اكيد انتو عرفتو الاخير

مهو لما ربنا تبقى مساحته عشر دقايق بالكتير يبقى لازم يكون الاخير
انا مش بنصحكو لااا انا محتاجه انصح نفسى قبلكو
بس بجد حبيت اشارككم فىمشاعري دى بجد ليه
ليه ربنا مستحملناااااا كل ده ليه بالرغم
من هو الاخير فى حياتنا احنا كل واحد مننا هو الاول عنده بيهتم بيه بمشاكله بحياته

ياااااااااااه احنا لو فكرنااااا هنموت نفسنا من التفكير ومش هنوصل لمحبة ربنا
بس وبعدين تفتكروا هنفضل واقفين بعيد متحسرين على حياتنا نادمين من غير ما نتغير
لازم نعمل حاجه
لاااازم
نقوم دلوقتى نرفع قلوبنا ليه
نقعد معاه القاعده اللى نفس كل واحد فينا يقعدها معاه

يلا كلنا نوعده اننا نحاول السنه دى وببركةايام الصيام اننا نخليه رقم وااحد فى حياتنا
انا عارفه انى طولت عليكم بس عايز كل واحد يدخل هنا
يوعد وعد قدام نفسه وقدام ربنا انه يصلى حاااااالا لربنا يسيب كل حاجه ويصلى ويكتبلنا انه فعلا هيبدا صفحه جديده مع ربنا علاقة اصحاب وعلاقة حب
انا مبسوطه جدا انكوا قضيتو دقيقه بسببى نتكلم عن ربنا

لان ما احلى الكلام عن ربنا

وامتع الوقت اللى بنقضيه فى الكلام عن حبيبنا

نفسى بجد من انهارده نتعلم نصلى صلاه صغيره خالص

ممكن

علمنى يارب ان احبك وان اعمل ما يرضيك ان اهبك يومى كله بل وحياتى ايضا ان تصير انت الاول والاخر فى حياتى وان لا اضع اهتمامى فى العالم بل ارفعنى بفكرى وكيانى الى سماك لاستحق ان اكون بنتك
امين

ياريت نصلى كلنا

المصدر: †† ارثوذكس †† - من قسم: صندوق مناقشات الاعضاء

[bolalover]

فعلا كلامك بجد موثر جداا يا بنت الراعي
و بامانة انا عن نفسي الموضوع خلاني اخد بالي من حاجات كتير
انا مش عارف اشكرك ازاي
بجد ياريت كل الي يدخل الموضوع ده يقراه كويس و بدل المرة اتنين
انا قريته بجد 3 مرات لانه موثر اوي و جميل جدااا
شكرا كتير ليكي يا بنت الراعي
و شكرا ليك يا يسوع علي كل حاجه و برده شكرا ليك انك خليت لينا اخت في المنتدي زي بنت الراعي تصحيني و تفوقنا بمواضيعها الجميلة دي
ربنا يبارك حياتك يا ايمي

[بنت الراعي]

ميرسي اوي يا بولا بجد انا برده ماكنتش واخده بالي
بس نشكر ربنا بعت لي اللي فوقني برده وان كان من خارج النت
اصل ربنا بيتعامل معانا باكتر من طريقه وبيدور علينا برده بطرق مختلفه
لكن في الاخر بيلاقينا ويرجعنا تاني ليه
ميرسي يا بولا علي اهتمامك وردك اللي بجد شجعني كتير
ربنا يمتعك بمحبته وحياة الشركه معاه ويباركك

[كيرو رافت]

ايمى موش عارف اقولك ايه
ولا عارف اشكرك ازاى
اشكرك لانك كشفتينى امام نفسى لاجد نفسى عريانا امام الله
اشكرك لانك جعلتينى اتزكر ان هناك اهتمامات اخرى ينبغى عليا ان اهتم بها غير احتياجاتى وما اريده انا
وفتحت النار على نفسى بجد ليه انا موش قادر اقعد مع ربنا حتى ولو عشر دقايق فى اليوم ليه موش قادر اديله العشور فى وقتى وحياتى وصحتى ومالى
ليه موش عارف اديله مع ان هو ادانى كل حياته هبه مجانيه دون ان ينتظر منى حتى ولو كلمه صغيرة كلمه شكرا حتى دى كمان استكترناها على ربنا
ليه سألت نفسى كتير ليه انا كدا ليه موش قادر ابادل ربنا الحب ليه موش قادر افضى من وقتى الفارغ الكثير جدا واقعد مع ربنا واتكلم معاه
نفسى بجد اقعد معاه وحشنى جدا وكل ما اقول هاقعد معاه الاقى الشيطان يلهينى فى اشياء تافهه
بجد اناحزين جدا يا ايمى على حالى وانى موش عارف اقعد مع اللى فدانى وضحى بنفسه عشانى

ميرسى قوى يا ايمى على موضوعك جلسه مع النفس ومع الرب
ميرسى ليك يا صاحبه اروع واجمل مواضيع

[بنت الراعي]

كيرو ماتشكرنيش انا اشكر ربنا اللي بيدور علينا بطرقه المختلفه
وعلي فكره انت اللي شجعتني اكتب الموضوع ده بسبب موضوع نفسي اقوله شكرا بتاعك فميرسي ليك اوي
حاول يا كيرو حتي لو غصبن عنك تعقد وتتكلم معاه صدقني انا برده احيانا كتير جدا بحس انه واحشني اووووووووي ونفسي اقعد معاه رغم اني في اجازه وفاضيه بس صدقني مش دايما بيكون عدو الخير هو السبب احيانا كتير بتبقي شهواتنا واهتمامتنا التانيه البعيده كل البعد عن ربنا هي اللي بتحرمنا من الكلام معاه من تبادل الحب معاه
فحاول يا كيرو تعقد معاه واتكلم معاه مش شرط مده كتيره لكن لازم تعقد تحكي له علي اللي تاعبك ادي ربنا حقه زي ماهو مدينا حقنا
انا بقول الكلام ده لنفسي قب مابقوله ليك صدقني بس احنا مش لازم نسكت علي حالنا ده لازم نعمل ثوره علي نفسنا ونغير كل الوحش فيها مش عارفين جوانب التقصير وساكتين
اسفه طولت عليك
ميرسي اوي يا كيرو مش عارفه اقولك ايه بجد
ربنا يدبر لك حياتك وامورك واطلب منه يساعدك ويحببك اكتر فيه
ربنا معاك ويفرح قلبك

[كيرو رافت]

انتى عارفه يا ايمى ساعات كتير بقعد ابكى لربنا واقوله زى البابا ما بيقول يا ريتك يا رب تلغى حريه الارادة اللى اديتهالى بجد نفسى ربنا يلغى ارادتى ويحط مكانها ارادته
تعبت قوى من حالتى ومن انى موش قادر ادى لربنا حتى عشر دقايق من وقتى
مع انه هو سايب عرشه وسايب كل حاجة ومتفرغ لينا احنا مع ان احنا موش نستاهل اى حاجة من اهتمامه ده
حاجة تحير هو يحبنا ويضحى من اجلنا واحنا بغباوة موش قادرين نضحى بجذء من وقتنا
بس بجد فعلا لازم نعمل ثورة فى داخلنا نثور على الاوضاع الخاطئه اللى جوانا نثور على الوحش الساكن فينا
ونرجع اليه بكل قلوبنا لان بجد مالناش غيره

[بنت الراعي]

الله عليك بجد يا كيرو حاسه ان
كلامك كله صادق وطالع من القلب بجد
اكيد ربنا مقدر حتي المحاوله اللي بنعملها حتي لو فشلنا
اذا كان كوب ماء بارد لا يضيع اجره فمابالك بدموع وطلبات حاره وزعل علشان خاطر محبته صدقني يا كيرو كفايه انك حاسس ان في حاجه مش كظبوطه ده كويس وبدايه مبشره بالخير في كتير عايشين بعاد عن ربنا لكن مش حاسين انهم غلطانين ثق يا كيرو كل اللي حاسس بيه وبتفكر فيه ربنا عارفه واكيد مش هايضيع من غير اجر لان وعده صادق وامين
ربنا يدبر حياتك ويباركك ويفرح قلبك بمحبته

[persis]

بجد ياايمي كلام بجد جميل انا جديدة هنا وبجدانا مبسوطة ان اول حاجة رديت عليه موضوع بجد بمنتهي الجمال دا ربنا يبارككِ

[M@@@NOOOO]

ياااااااااااااااااااااااا ااااااااااااااااااااااااا اااااااااااه يا ايمى
ايه ده بجد
موووضوع خلانى استحقر نفسى جدا
ازاااااااااااى فعلا بعد كل ده ربنا مستحملنى بذنوبى وقرفى
وليه يستحمل كل ده
وعلشان ايه
بجد مووضوع اكتر من راااائع
اشكرك بجد يا احلى ايمى على الموضوع الرائع ده
ربنا يبارك حياتك ويفرح قلبك على الدوام

[بنت الراعي]

المشاركة الأصلية كتبت بواسطة persis بجد ياايمي كلام بجد جميل انا جديدة هنا وبجدانا مبسوطة ان اول حاجة رديت عليه موضوع بجد بمنتهي الجمال دا ربنا يبارككِ

ميرسي اوي ليكي اختي الحبيبه
انا بجد سعيده جدا ان اول حاجه تردي فيها هوي موضوعي
ميرسي اوي يا قمر
نورتينا واهلا بيكي وسط اخواتك
ربنا يعوضك ويباركك