[MICKEY]

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

المصدر: †† ارثوذكس †† - من قسم: الضحك والفرفشة

[جاسيكا]

ههههههههههههه
دا لو الواحد عمل كدة مش بعيد السواق يسيب الباص ويمشى
هههههههههههههههههههه

[MICKEY]

هههههههههههه

عندك حق فعلا

شكرا ياجاسكيا علي ردك الحلو

[soso_14]

ههههههههههههههههههههههههه هه
هههههههههههههههههههه
فعلا رخامه درجة اوووووووووولى

[مادلين بنت المسيح]

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
هههههههههههه
عليا النعمة هيمسكوا يضربوا
محدش يسمع كلام ميكي يا جماعة هيروح في ستين داهية
ميرسي يا احلي ميكي بجد موضوع تحفه

[sawsaw]

ههههههههههههههههههههههههه ههههههههههههههههههههههههه هههههههه حلوين اوى بجد مت على روحى من الضحك

[MICKEY]

ههههههههههههه


شكرا ياسارة
وشكرا يامادلين
وشكرا ياسوسنه
علي مروركم اللي اسعدني

وعاوزكم تجربوا وتقولولي هيتعمل فيكم ايه ؟؟

ربنا يبارك حياتكم

[bolalover]

تعرف يا ميكي انا لو راكب اتوبيس و لقيت حد بعمل كده
هروح جاي مسكه ربطه من بقه في كوتش الاتوبيس و اخلي السواق يمشي
ابقا اركب بقا معايا مرة و اعمل كده
هتروح بتكم هدومك متوسخة بسبب كده
هههههههههههههههههههههههه
اوعوا حد يسمع كلامه هوديكم في دهية صدقوني

[MeRooBe@r]

والله شكلك انت الي بتعمل ده كلو في الباصات والميكروباصات هههههههههههههههههههههه
انت فظيع يا ميكي بجد هههههههههههههههههه

[كوكى بنت الفادى]

قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
ههههههههههههههههههههههههه ه
يا مفترى بتعلم اخواتك الغتاتة دة
دة انت القدوة حتى هههههههههههه
ربنا يسامحك اوعى حد يعمل كدة
هيشبع ضرب من الكل وممكن ميكى يكون من الى بيضربوا دول
وبعد متنضرب يحطلك على الجرح تراب عشان قلبة طيب واحنا كنا عارفين
هههههههههههههههههههه
مرسى يا ميكى
اختك الصغيرة كلوديا