[emmmy]

المشاركة الأصلية كتبت بواسطة aymonded سلام لشخصك الغالي يا أجمل أخ غالي احنا مش بنحب أعداءنا ونبارك لاعنينا علشان ربنا مش هايسيب حقنا ، لأن هذا ليس حباً بل عمل مضاد لروح الوصية ، لأننا بنحبهم فعلاً ونصلي من أجل توبتهم ، والله يُريدنا أن نحبهم فعلاً مثل ما هو حب أعداءه اللذين هم نحن ، لأننا كنا أعداء وقد صُلحنا بدم المسيح الرب [ و انتم الذين كنتم قبلا اجنبيين و أعداء في الفكر في الأعمال الشريرة قد صالحكم الآن (كو 1 : 21) ] ، وهكذا هؤلاء أعداء لنا لأننا نتبع الرب وسنصلحهم بدماءنا التي تصرخ أغفر لهم يا الله ابونا لأنهم لا يفهمون ماذا يفعلون ، فلا تقم لهم هذه الخطية بل انخس قلوبهم بالتوبة وهبهم أن يعرفوك يا الله المحبة والرأفه والخلاص الأبدي آمين

اعتقد انة هو بس اختلطت فى المعانى

[aymonded]

عموما مش مشكلة اختلاط في الكلام والمعاني ، لأن العبرة في اتجاه القلب نحو الله بالصدق والحق ، لأن ثقة الإيمان تفتح البصيرة الداخلية لترى ما لا يُرى ، وأنا شخصياً على يقين أنك لا تتسائلي بل تريدين المناقشة في فكر الناس وأحاسيسهم الداخلية ، ولكن كعادتي الدائمة والتي اود أن أكف عنها ولكني لا أستطيع ، فدائماً اضع الأمر كنوع من أنواع الاتساع والرد على أسئلة البعض ، لأن ليس شرطاً أن أرد على كاتب الموضوع الرئيسي فقط ، بل أضع رؤية لعل أحد يلتقطتها من وراء الكلمات ، مع أني أرى من الجهة العملية والواقع المُعاش أن كثيرين يروها ولكن قد يعبرون عنها تعبيرات مختلفة وقد تخونهم الكلمات ، لأن أحياناً كثيرة تضعف الكلمات ويخوننا التعبير ، لأن المشاعر الداخلية لا يعبر عنها كلمات مهما كانت جميلة أو رنانة فهي أقل بالطبع من المشاعر الداخلية والتي قد تبدو أحياناً متناقضة مع بعضها بسبب التعبير اللفظي عنها ، لأن اي تعبير يكتب فهو بالطبع أقل مما يدور في عقل وقلب أي إنسان ...

أقدم لإلهنا القدوس الشكر لأجل حبه المتسع وطول أناته علينا كلنا معاً لأنه كثير المراحم والإحسان ، يعطي رحمة وعدل ، ويرحم الفاجر والأثيم وأن تاب يغفر ويستر خطاياه ولا يذكرها قط لأنه يرحم ويدوس آثامنا ويغفر لنا ويطهرنا بدمه الثمين ويغسلنا بماءه النقي ويطهر أعماقنا بجسده الكريم ... وطوبى لمن لا يحسب الرب له خطية ويستر له أثمه ... النعمة تملأ قلبك رجاء حي بيسوع المسيح مخلصنا الذي هو معنا حسب وعده إلى انقضاء الدهر وإعلان مجيئة آمين

[twaty]

انا ممكن اقول وجهة نظرى
انا شايفة يا ايمى ان اللى بيحصل دا على الكل علشان
فى ناس ملهومش ذنب وخسرت حاجات كتير من التخريب اللى حصل
من سياحة ومصالح الناس وشغل واقتصاد البلد اللى بينهار دا طبعا على كل الناس
هو ربنا اكيدا بيعمل الصالح لينا يعنى احنا مش عارفين اللى بيحصل دى
هتودى مصر لفين للخير ولا الشر
مش عارفة بس حاسة ان الايام اللى الجاية هى اللى هترد على التساؤلات
دى ممكن تكون بداية كويسة طريق الاصلاح والتغير وممكن العكس
انا عن نفسى مع التغير بس ضد اللى بيحصل علشان اللى حصل دا احنا بنشوة
صورة بلدنا مش بنقف ضد الظلم والفساد زى ما بيقول بالعكس احنا دلوقتى فى
ظروف اصعب من الاول للاسف مش عارفة اعبر عن اللى جوايا بس
اى حد ممكن يشوف البلد دلوقتى يتريق علينا ويقول دا اسلوب همج المفروض
يكون اسلوب الناس احسن من كدا من المتظاهرين
ربنا يرحمنا وتعدى الايام على خير يارب ميرسى يا ايمى على الموضوع
ان شاء اللة ربنا يصلح حال بلدنا

[WENDY]

سلام ليكي اختي ايمي
واضح ان معظم الاراء متجهه ناحيه ان الخراب علي الكل
لكن كمان انا صعبان عليا قوي اللي بيحصل في مصر ده
كاننا بنشوف بلد تانيه خالص
اذا كان ربنا عايز ياخد لنا حقنا يبقي يعاقب اللي عملوا كده لوحدهم
لكن العقاب جاي علي الكل
وخصوصا لو الاخوان مسكوا البلد وده محتمل
المسيحيين مش هيكون لهم مكان في مصر

كمان في اشاعات عن هروب حمام الكموني من السجن يعني الشخص اللي لازم يتعاقب هرب والابرياء هم اللي بيعانوا من نقص في الغذاء بسبب الغلاء وعدم صرف المرتبات
والالاف مش بيشتغلوا بسبب رحيل السياح
ده غير المستشفيات اللي تمت مهاجمتها
والمحلات اللي اتحرقت واتسرقت
كل دول مالهومش ذنب في اضطهاد الاقباط
هو ربنا هيخلص حقنا من ناس ابرياء؟
مش ممكن طبعا
دي محنه ويارب تعدي علي خير
ده رايي يمكن اكون غلطانه فيه
اشكرك علي التساؤل المهم ده ربنا معاكي

[med reny]

اختي العزيزه
اللي حصل ده ضرر للكل مش لواحد وواحد لا
اللي حصل ده يضر بلدنا اللي احنا فيها وبنحبها
مينفعش نفكر ان ده انتقام من ربنا
ده رائي علي قد تفكيري
ربنا يحفظ شعب مصر بلدنا اللي بنحبها ويحفظ كنيسته من كل شر
الرب يدافع عنكم وانتم صامتون

[emmmy]

المشاركة الأصلية كتبت بواسطة twaty انا ممكن اقول وجهة نظرى انا شايفة يا ايمى ان اللى بيحصل دا على الكل علشان فى ناس ملهومش ذنب وخسرت حاجات كتير من التخريب اللى حصل من سياحة ومصالح الناس وشغل واقتصاد البلد اللى بينهار دا طبعا على كل الناس هو ربنا اكيدا بيعمل الصالح لينا يعنى احنا مش عارفين اللى بيحصل دى هتودى مصر لفين للخير ولا الشر مش عارفة بس حاسة ان الايام اللى الجاية هى اللى هترد على التساؤلات دى ممكن تكون بداية كويسة طريق الاصلاح والتغير وممكن العكس انا عن نفسى مع التغير بس ضد اللى بيحصل علشان اللى حصل دا احنا بنشوة صورة بلدنا مش بنقف ضد الظلم والفساد زى ما بيقول بالعكس احنا دلوقتى فى ظروف اصعب من الاول للاسف مش عارفة اعبر عن اللى جوايا بس اى حد ممكن يشوف البلد دلوقتى يتريق علينا ويقول دا اسلوب همج المفروض يكون اسلوب الناس احسن من كدا من المتظاهرين ربنا يرحمنا وتعدى الايام على خير يارب ميرسى يا ايمى على الموضوع ان شاء اللة ربنا يصلح حال بلدنا

عندك حق يا توتى شكلنا بقى وحش اوى فعلا قدام العالم كلة
اللى بيحصل دة مش فى مصلحتنا خااالص كدولة وكيان واقتصاد وسياسة ومعاملة بصفة عامة مع الكل انا حاسة ان ولادنا وشبابنا فى البلاد الاخرى بيسمعوا كلام وتريقة واشمئزاز من اللى حواليهم بسبب اللى بيشوفوة
وانا كمان حاسة زيك ان الايام اللى جاية يا اما هتبقى حلوة اوى ونعيش فترة حلوة من غير ظلم واستعباد نعيش فى امان وشبابنا يشتغلوا ويعيشوا بشكل افضل وموظفين الحكومة يتغير اسلوبهم وحياتهم والخ
يا اما العكس تماما وهتبقى ايام صعبة جدا جدا
ربنا يستر
مرسى لمناقشتك الجميلة يا قمر

[emmmy]

المشاركة الأصلية كتبت بواسطة wendy سلام ليكي اختي ايمي واضح ان معظم الاراء متجهه ناحيه ان الخراب علي الكل لكن كمان انا صعبان عليا قوي اللي بيحصل في مصر ده كاننا بنشوف بلد تانيه خالص اذا كان ربنا عايز ياخد لنا حقنا يبقي يعاقب اللي عملوا كده لوحدهم لكن العقاب جاي علي الكل وخصوصا لو الاخوان مسكوا البلد وده محتمل المسيحيين مش هيكون لهم مكان في مصر كمان في اشاعات عن هروب حمام الكموني من السجن يعني الشخص اللي لازم يتعاقب هرب والابرياء هم اللي بيعانوا من نقص في الغذاء بسبب الغلاء وعدم صرف المرتبات والالاف مش بيشتغلوا بسبب رحيل السياح ده غير المستشفيات اللي تمت مهاجمتها والمحلات اللي اتحرقت واتسرقت كل دول مالهومش ذنب في اضطهاد الاقباط هو ربنا هيخلص حقنا من ناس ابرياء؟ مش ممكن طبعا دي محنه ويارب تعدي علي خير ده رايي يمكن اكون غلطانه فيه اشكرك علي التساؤل المهم ده ربنا معاكي

ومين مش صعبان علية اللى بيحصل صدقينى مش انتى لوحدك معظم البمصريين مش راضين ولا مبسوطين مفيش راضى ومبسوط غير اللى عاوز الخراب والدمار للبلد من الخونة والاخوان
بس اللى اتصابوا واللى الضرر لحقهم اللى بتقولى عليهم ابرياء دول ممكن جدا ميكونوش اشتركوا فى قتل الابرياء من المسحيين لكن فرحوا وشجعوا واتمنوا الباقى كمان ينالوا نفس المصير
مش عارفة كنت بشوف الشماتة فى عيون كتير ومش شرط يكونوا نفذوا بالفعل عموما اللة اعلم ممكن تكونى عندك حق
بس المهم ان كل او معظم اصحاب السلاطين من الحكومة الظالمة نالوا نهاية ظلمهم دول راس الافعى اللى وقفوا يتفرجوا علينا وفى كل مرة كانوا بيتفرجوا علينا كاننا حشرات بتنداس بالارجل
دول الصراحة دول تحديدا انا فرحانة فيهم
وانا معاكم كلهم نفسى فى التغيير بس من غير تخريب ودمار وهمجية وبلطجة على راى توتى
مرسى لمناقشتك عزيزتى ربنا معاكى

[emmmy]

المشاركة الأصلية كتبت بواسطة med reny اختي العزيزه اللي حصل ده ضرر للكل مش لواحد وواحد لا اللي حصل ده يضر بلدنا اللي احنا فيها وبنحبها مينفعش نفكر ان ده انتقام من ربنا ده رائي علي قد تفكيري ربنا يحفظ شعب مصر بلدنا اللي بنحبها ويحفظ كنيسته من كل شر الرب يدافع عنكم وانتم صامتون

احنا كمان بنحب مصر دى بلدنا وارضنا
دة امر طبيعى واللى معندوش انتماء لبلدة
ووطنة يبقى معندوش انتماء لاى حاجة ولا اى حد تانى
عموما ربنا يعدى الايام دى على خير وتنتهى على خير للكل مسلمين واقباط

[la tristeza y el dolor]

انا شايف ان اللى بيحصل فى العراق هيحصل فى مصر
لو فكرنا بوجهه نظر روحيه , هنلاقى ان دى نعمه من عند ربنا
لكن وجهه نظر ارضيه دا ذل و ايام حزن و ضيق جايه
بس كدا !

[emmmy]

المشاركة الأصلية كتبت بواسطة la tristeza y el dolor انا شايف ان اللى بيحصل فى العراق هيحصل فى مصر لو فكرنا بوجهه نظر روحيه , هنلاقى ان دى نعمه من عند ربنا لكن وجهه نظر ارضيه دا ذل و ايام حزن و ضيق جايه بس كدا !

واية هى النعمة من وجهة نظرك يا بندق
اللى انت شايفة ياريت تفسر اللى جواك وتعبر عنة بصوت عالى علشان نسمعك احنا كمان