تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



قصص نصية الاطفال قصص كتييييير ممكن نحكيها للاطفال

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


نص مسرحية : مدرسه الابلسه

مسرحيه مدرسه الابلسه الشخصيات ** ثلاث شياطين (ولدين+بنت) ؟مدرس ؟ ولد (البطل) ؟ معلق المعلق – ....اهلا ياجماعه ... النهارده هانشوف مسرحيه جميله جدا....لكن انا عايز اسال سؤال في

اضافة رد

 
أدوات الموضوع انواع عرض الموضوع

رقم المشاركة : ( 1 )
ماريان
ارثوذكسي متألق
ماريان غير متواجد حالياً
 
رقم العضوية : 663
تاريخ التسجيل : Jun 2007
مكان الإقامة :
عدد المشاركات : 910
عدد النقاط : 10
قوة التقييم : ماريان is on a distinguished road
نص مسرحية : مدرسه الابلسه

كُتب : [ 03-01-2008 - 12:18 AM ]


مسرحيه مدرسه الابلسه
الشخصيات ** ثلاث شياطين (ولدين+بنت) ؟مدرس ؟ ولد (البطل) ؟ معلق
[تبدأ المسرحيه مع مراعاه ان المسرحيه مقسوم الي نصفين ان امكن]
المعلق – [يتمشي بين الحضور ويجري الحوار الاتي معهم]....اهلا ياجماعه ...
النهارده هانشوف مسرحيه جميله جدا....لكن انا عايز اسال سؤال في الاول....
مين بيروح مدرسه؟! ....هايل ....قوم انت ....اسمك ايه؟....بتروح مدرسه ايه؟!...وانت اسمك ايه بتروح مدرسه ايه؟!...انا كمان لما كنت صغير كنت باروح المدرسه علشان اتعلم...النهارده هانتفرج علي مدرسه غريبه خالص ...[يتلفت حوله]...غريبه علشان اللي بيحضروا ناس مش زينا ...[يتلفت حوله في رعب ]...دول...دول...شياطين[بصوت منخفض] تعالوا بينا نشوف الشياطين بيتعلموا ايه في مدرسه الابالسه الابتدائيه الاعداديه الثانويه المشتركه ....هشش...[يخرج]
[[يضاء نصف المسرح الذي يمثل فصل ث بمدرسه الابالسه]]
[يدخل الشيطان الاول ذكاوه]
ذكاوه:يااه هانرجع للصحيان بدرى والقرف تانى.دى باين عليها سنة نيلة.ابونا ابليس يحفظنا ....على العموم اعرفكم بنفسي .... انا اسمي ذكاوه....وده لاني اذكي شيطان في مدرسه الابالسه
ودايما اطلع الاول علي الفصل ....احنا هنا في الفصل 3اصحاب ...انا...وبنت دلع و اسمها دلع ....وولد شيطان ابن شيطان ....عفريت اسمه مشاكل [يسمع صوت فرقعه ]يااه كنا افتكرنا شلن [يدخل مشاكل
مشاكل:ازيك يا ذكاوه
ذكاوه :ايه يابنى صوت الفرقعة دي.انت مش هاتبطل.
مشاكل:ابدا مافيش حاجه—شوفت القلم الجديد اللي اشتريته [قلم من اقلام المقالب اللي بيفرقع ]
ذكاوه:[يسحب القلم فيفرقع ويضحك عليه مشاكل ]احنا هانبدا علي الصبح ...
مشاكل:معلش...معلش.اوعى اوعى وسع للصاروخ اللى جاى دة.....
ذكاوة:يصفر...............
[تدخل دلع ممسكه شنطه ولابسه آخر روشنه وتمشي بدلع ورقه وتتعامل معاهم بقرف وتعالي

دلع:هااي ياابالسه
مشاكل:ياصباح الورد...ياصباح الجمال ... يادلوعه الاباليس كلهم .
دلع:مرسي [تجلس وتخرج المرآه وتعدل من تسريحه شعرها ]
[يدخل الاستاذ شر مندفعا متسرعا مستعجلا ]
الاستاذ:ياللا يا ابليس منك ليه...كل واحد يقعد مكانه ...مافيش وقت...التيرم قرب يخلص ...واحنا لسه ماخلصناش المنهج...حد يديني قلم علشان ناخد الغياب ....[مشاكل يعمل فيه المقلب ويصفق الجميع ويضحكون علي الاستاذ]...
بقي كده طيب ابقوا قابلوني لو نجحتوا [ينادي علي الغياب مع مراعاه ان دلع ترد بyes ....]
الاستاذ:الحصه دي حصه تاريخ ....ودي حصه مهمه لان فيها هانعرف تاريخ اجدادنا واجداد اجدادنا ....
مشاكل:يااستاذ شر-يااستاذ شر – عندي سؤال.
الاستاذ:اتفضل..
مشاكل:هو صحيح الابالسه كان اصلهم قرود [دلع وذكاوه يضحكون علي جهله ويتريقوا عليه ]
الاستاذ:اقعد يامشاكل وبلاش الاسئله الغيبيه دي...لو صبرت كنت عرفت ان الشياطين اساسا ملايكه ....لكن لما جدنا ابليس العظيم...
[يقف الفصل كله ويحييوا ابليس العظيم قائلين "يعيش ابونا ابليس العظيم 3]
خلاص ....خلاص....اقعدوا....برافوا يا ابالسة هو دة الولاء بصحيح... لما جدنا ابليس العظيم
[يقف مشاكل لوحده ويقول "يعيش ابونا ابليس...."فيقاطعه الاستاذ]
الاستاذ:خلاص ياخويا....انت ماتصدق....لما جدنا فكر انه يبقي زي الله....الله طرده من السماء...ومن ساعتها واحنا عايشين لوحدنا(الشياطين بيقولون "ووووه" ) ماحدش بيحبنا (ووووه) ولاحد بيسأل فينا (مشاكل ينفجر في البكاء)...ايه يابني فيه ايه؟!
مشاكل:موسيقي تصويريه يااستاذ

الاستاذ:امتي السنه تخلص عشان اخلص منك....المهم....ان عدونا الله كان بيحب الانسان اكتر من أي حاجه تانيه....علشان كده....جدنا ابليس العظيم قعد يفكر ويخطط...لغايه لما قدر يوقع آدم وحواء في الخطيه....
دلع:يامستر....يامستر....
الاستاذ:[يقلدها] ايوه ياانسه دلع ....
دلع:الحكايه دي قديمه ...دادي جابها لي فيديو...ممكن تحكيلنا قصه جديده...
الاستاذ:[بغيظ]آنسه دلع....ممكن تقعدي مكانك وما اسمعش صوتك لاخر الحصه.
دلعمسرحية مدرسه الابلسه redface.gifk , as you lik
الاستاذ:[يقسم السبوره نصفين ويكتب وهو يشرح ]...ومن ساعتها العالم انتقسم نصفين....ناس بتتبع عدونا الله وتسمع كلامه...اسمهم المؤمنين [الشياطين تصفر وتقول ىىىىى]....وناس تانيه بتتبع جدنا ابليس العظيم ونسمع كلامه[الشياطين تصفق وتقول هييييييه....]
ذكاوه:يبقي لازم نحاول نجيب الناس اللي بيتعبوا عدونا الله ونخليهم يتعبوا جدنا ابليس العظيم .
الاستاذ:برافو ياذكاوه...انت بتفكر صح ...لكن حد يقولي....ازاي؟!
مشاكل:استاذ...استاذ
الاستاذ:[بشير له ليجاوب فيكرر الكلام]
مشاكل :ازاي؟!
الاستاذ:[بنرفزه]مش تقول ازاي...قول...ازاي؟!
مشاكل:[يقلد الاستاذ] ازاي؟!
الاستاذ:يابني حرام عليك ....جبيت لي الضغط والسكر والملح والفلفل اقعد [يزعق فيه]
بصوا يابالسه....علشان نتعلم ازاي نخللي الناس تتبع جدنا ابليس العظيم هانطلع النهارده رحله.

[يهللوا –هيه...هيه...رحله....رحله].
مشاكل:أيه الحلاوة دى.من اول يوم فى الدراسة نطلع رحلة...استاذ...ممكن اروح اجيب الكوره بتاعتي علشان الرحلة وكدة يعنى.
دلع:وانا كمان يامستر ...لازم اغير فورمه شعري علشان الرحله....
ذكاوه:وانا مش معايا سندوتشات تكفيني.
الاستاذ:بس كفايه كلام....احنا رايحيين نلعب ولا ايه؟!....احنا رايحيين نتعلم.
ذكاوة ومشاكلمسرحية مدرسه الابلسه frown.gifبكاء شديد)حرام عليك يا استاذ....
الاستاذ:ايه يابنى فى ايه...
احنا هانروح رحله للارض....لان فيه ولد هناك اسمه عادل....الولد ده بيكدب ويحلف ويشتم وكمان روشي بتاع بنات....يعني واد مخلص بيلعب بالخطيه لعب ....لكن من كام اسبوع ابتدي يروح مدارس الاحد....ولو استمر علي كده....يبقي في يوم من الايام هايبقي تبع عدونا الله....واحنا لايمكن نسكت علي كده [يرد الشياطين "ايوه"]
علشان كده كل واحد فيكم....هايفكر في طريقه علشان نبعده عن عدونا الله....واللى هاينجح....هاياخد10 من 10 ....موافقين [موافقين ]....
مسعدين [مستعدين]....الي الارض....
الاستاذ:- طب ياللا بينا نقول الشعار بتاعنا
يصرخ الجميع بطريقه هيستريه (يعيش ابليس العظيم )
((اغنيــــه)).........

القرار:
(شياطين)3 في كل مكان وكل زمان
(شياطين) 3 ومش هانسيبك يا انسان
1-انا هالغبط عقله ومخه وانا هاملي قلبه نجاسه
وانا اللي هاقضي عليه بمشاكل تملي عنيه
مش ممكن يهرب من ايدينا الانسان
شياطين
2-مهما حاول يهرب مني هاجيبه ده اللي عاوزه عندي
ونحط ايدينا عليه ولا قوه تأثر فيه
مش ممكن يهرب من ايدينا الانسان
شياطين
[تخفت الاضاءه الي ان تنطفيء ]

-------------------------------------
[يضاء النصف الثاني من المسرح وفيه يقف عادل منتظرا صديقه ميشو (الشيطان مشاكل) ليذهب معه الي مدارس الاحد]
عادل:انا مش عارف ميشو اتاخر ليه؟!....كده هانتأخر علي مدارس الاحد....ده عيل غلس غلاسه....وعليه غباء....ماحصلش....ويقولولنا في مدارس الاحد....حبوا بعضكم بعض.....طيب انا مش قادر احبه....مش باطيقه....[يدخل مشاكل]
ميشو:اهلا ياعادل....اتاخرت عليك؟!
عادل:ايه يابني....انا لي ساعه واقف مستنيك....وستين مره اقولك.....انا باحب اروح مدارس الاحد بدري
ميشو:ايه يا عم اللون الغامق دة.مش لما استحميت....وكويت....وحطيت جل....ولا انت عايز تبقي روش لوحدك....
عادل:يووووه...طيب ياللا علشان مانتاخرش على مدارس الأحد.
ميشو:استنى...استنى.خد تعالى ما تسيبك من مدارس الأحد انهاردة وتعالى نحكى شوية.انا عايذك فى موضوع مهم.
عادل:لا..لا بعد مدارس الأحد نحكى ذى ماحنا عايذيين.
ميشو:ايه دة هو انا ماقلتلكش
عادل:ايه فى ايه؟
ميشو:مش انهاردة ماتش الأهلى والزمالك
عادل:يا راجل
ميشو:يااااه...دة زمانه ابتدى..بص تعالى معايا نتفرج عليه فى البيت
عادل:رأيك كدة.....طب و مدارس الأحد.
ميشو:يا عم مدارس الأحد كل اسبوع..لكن الماتش مايتعوضش.
عادل:بس انا وعدت المدرسين انى مش هاغيب.
ميشو:ايوة صحيح..مش انت عندك امتحان بكرة
عادل:ايوة بس دة امتحان اى كلام.
ميشو:فى حاجة اسمها اى كلام.بصراحة انت لازم تروح تذاكر.
عادل:هو انت مش عايذنى اروح مدارس الأحد ليه.
ميشو:انا..لا..لا ابدا انا بس باقول ان فى حاجات اهم.وعلى العموم انت حر.
عادل:انا رايح مدارس الأحد هاتيجى معايا ولا لأ...
ميشو:لا يا عم روح انت انا بصراحة ورايا حاجات مهمة اوى انهاردة.....سلام
الاستاذ:هاتاخد صفر يامشاكل....لانك ماقدرتش تقنعه انه مايروحش مدارس الاحد [مشاكل يتراجع في خوف من العصايا]
مشاكل:[وهو يبكي]طيب انا اعمل ايه يااستاذ....مش ذنبي....اناباضحك علي اولاد وبنات كتير بنفس الطريقه...
الاستاذ—لكن طريقتك دي فشلت مع عادل....علشان كده لازم نجرب معاه حاجه تانيه....جاهزه يادلع
Ready
الاستاذ—طيب go ياختي....ورينا هاتعملي ايه؟!
[يخرج الاستاذ ومشاكل وذكاوه وتجلس دلع علي كرسي ثم يدخل عادل ويجلس علي الكرسي المجاور ]
عادل:باين على جيت بدرى مدارس الأحد...ايه دة ومين اللى قاعدة هناك دى.
مساء الخير
ديدي:هاي
عادل:[يكلم نفسه]البنت دي اول مره اشوفها في مدارس الاحد.
[دلع تخرج المرآء وتنظر فيها]
انا اسمي عادل.....
ديدي:عادي [مع مراعاه نطق د-تش ]....وانا اسمي ديدي
عادل:انا اول مره اشوفك في مدارس الاحد.
ديدي:عادل.....انا جديده....وجايلك محصوص
عادل:[باستغراب]نعم
ديدي:قصدي جايه مدارس الاحد مخصوص علشان اتعلم
عادل:آآه.....وانا كمان.....
ديدي:انا باحب مدارس الاحد قوي
عادل:وانا كمان....
ديدي:انا معايا موبايل
عادل:وانا كمان
ديدي:عندي كلنغمات الاغاني الجديده النار....نار طحن
عادل :وانا كمان
ديدي:وعندي ماسيجات....اوف تجنن
عادل:انا كمان
ديدي:ايه دة انت علقت كل حاجة وانا كمان..وانا كمان
عادل:اصل بصراحه ....انت روشه طحن
ديدي:مرسي....عادي[د-تش].....دي مجامله ولااعجاب
عادل:ممكن اخد رقم الموبايل [يتلفت حوله لانه شاعر انه بيعمل حاجه غلط]
ديدي:آآه ....عادي....ولو عايز عنوان البيت كمان ....برضه عادي...
عادل:ولو حبيت اكلمك فى التليفون....اتكلم امتي
ديدي:فى اى وقت...عادى.....هاتلاقي موجوده دايما
عادل:نا رايح الفصل بتاعي .....تيجي اوريلك فصلك فين.....
ديدي:آآه....عادي.....ياريت.....ا� �فضل
عادل:فرصه سعيده اني اتعرفت عليكي.....
ديدي:لا....ما انا اللي سعيده [د-تشي].....سعيده قوي.....[يخرجون وتخفت الاضاءه قليلا مع موسيقي مؤثره ثم يدخل عادل مره اخري عائدا من مدارس الاحد وهو يفكر في الدرس الخلاصي الذى سمعه في الفصل ]

عادل:يكلم نفسه في نفس اللحظ التي يدخل فيها ذكاوه من خلفه)اآآه..
الكلام اللي سمعته في الفصل النهارده خلاني اكتشفت.....اني ولد وحش قوي...باشتم واكدب واحلف وافكاري وحشه.....لكن.....لكن الاخ قال اني ممكن اتغير ....ايوه ممكن اتغير ....لو صليت لربنا وقلت له يسامحني....
ذكاوه—[يقترب من من الحلف ويحدثه بصوت منخفض ]وانت تصدق انه يسامحك....
عادل:ايوه....ومااصدقش ليه؟!
ذكاوه:بقي معقوله بعد كل الخطايا اللي عملتها...يسامحك بالبساطه دي....
انت نسيت انت عملت ايه....فاكر لما اتخانقت مع اخوك.....وضربته وشتمته....مش دي خطيه؟.....فاكر لما سرقت الفلوس من بيتكم....مش دي برضه خطيه؟...فاكر لما شهدت شهاده زور علي زميلك في الفصل واترفد بسببك....مش دي خطيه؟...والبنت ديدي اللي اخدت رقم تليفونها النهارده....تحب اقولك انت كنت بتفكر في ايه وفاكر اني ماحدش يعرف....
عادل:بس....كفايه....اسكت.....انت معاك حق.....واحد عمل الحاجات دي كلها مش ممكن ربنا يسامحه [ذكاوه يتمشي بفخر وباقي الشياطين تصفق له ويشجعوه من طرف المسرح ]
يجلس عادل علي كرسي منتصف المسرح ثم يدخل الاستاذ شر ]
الاستاذ:برافو ياذكاوه.....برافو يادلع....هو ده اللي المفروض يعملوه كل الشياطين.....مع أي ولد او بنت يفكروا....انهم يبقوا تبع عدونا الله....لازم يفكروه بكل حاجه عملها في حياته
عادل:مش معقوله هافضل طول عمري وحش....انا عايز ابقي ولد كويس
مشاكل:الحق يااستاذ شر....عادل لسه بيفكر....
الاستاذ—يبقي لازم اتدخل بنفسي.....[يبتعد ذكاوه ويقف بجوار زملائه]
عادل:[يكلم نفسه]انا عايز ابقي مختلف
الاستاذ:وماله...ماهي دي الموضه....لازم تبقي مختلف....يعني....هاتبطل تسمع الاغاني؟!
الاستاذ:وهاتسيب الشله اللي انت بتمشي معاها....
عادل:واصحابي كمان!
الاستاذ:وكل شويه تلاقي الاخوه بيقولولك ده خلط.....وده صح....اعمل ده....وماتعملش ده....بذمتك ده.....بذمتك هي دي العيشه اللي انت عايزها ؟!
عادل:لا....انا عايز....اعمل اللي انا عايزه.....وفي أي وقت.....انا عايز ابقي حر.....
الاستاذ:عايز تبقي حر يبقي لازم تستمرذي ماانت .انت مايشي ذي الفل وبتحضر مدارس الاحد.وبتعمل اللي انت عايزه برضه
عال:ايوه صح....صح...../بس الكلام اللي بأسمعه في مدارس الاحد عن الابديه والدينونه واذاي ربنا بيحبي وعمل كل حاجه علشاني.....لامش ممكن اسيبه واعيش لنفسي
الاستاذ:مين قال انك هاتسميه انت هاتفضل تروح مدارس الاحد علشان ربنا ما يزعلش منك .لكن تفضل برضه مع اصحابك اللي بيحبوك ومع الاغاني اللي مش ممكن تستغني عنها دي حاجه ودي حاجه
عادل :ايوه صحيح كده انا باعمل اللي يرضي ربنا بأروح مدارس الاحد . وباحفظ ايات كثيره والاساتذه مبسوطين مني هااعمل اييه تاني
انا لازم اعيش لنفسي بقي شويه .لازم
ويسقط عادل في منتصف المسرح والثلاثه ابالسه يلفوا حواليه ةالاستاذ شر يكلم الناس
ماهو انا مش ممكن اسيبه يفلت من ايدي ولا واحد منكم انتوا كمان هايفلت من ايدي لانكم بتوعي انا . ملكي انا . كل الحاجات اللي بتحبوها انا اللي باجيها لكم....هاهاها....وانتوا دايما اللي علطول ب
بتحتاجولي..هاهاها....سلام ياحبايبي....واكيد هاجيلكم تاني....هاهاها.....(ويظلم المسرح).....
انتهت المسرحيه

copy



رد مع إقتباس
Sponsored Links
بياناتي
 رقم المشاركة : ( 2 )
Team Work®
ارثوذكسي ذهبي
رقم العضوية : 2
تاريخ التسجيل : Oct 2008
مكان الإقامة :
عدد المشاركات : 15,720
عدد النقاط : 34

Team Work® غير متواجد حالياً

افتراضي رد: نص مسرحية : مدرسه الابلسه

كُتب : [ 03-01-2008 - 12:53 AM ]


حلو قوى قوى قوى يا ماريان بجد اشكرك جدا على القصة الحلوة دى بجد انا مقدر تعبك الرائع دة معانا

وربنا يفرح قلبك


رد مع إقتباس
بياناتي
 رقم المشاركة : ( 3 )
ماريان
ارثوذكسي متألق
رقم العضوية : 663
تاريخ التسجيل : Jun 2007
مكان الإقامة :
عدد المشاركات : 910
عدد النقاط : 10

ماريان غير متواجد حالياً

افتراضي رد: نص مسرحية : مدرسه الابلسه

كُتب : [ 03-06-2008 - 04:32 AM ]


ربنا يخليك يا هيما
وانا فعلا مقصرة
بس ربنا يسامحنى بقى
ميرسى على مرورك


رد مع إقتباس
بياناتي
 رقم المشاركة : ( 4 )
di3a
ارثوذكسي جديد
رقم العضوية : 24166
تاريخ التسجيل : Apr 2008
مكان الإقامة :
عدد المشاركات : 1
عدد النقاط : 10

di3a غير متواجد حالياً

افتراضي رد: نص مسرحية : مدرسه الابلسه

كُتب : [ 04-07-2008 - 10:17 PM ]


ينفع الاسكتش دا طب لسن ابتدائي هي جميله اوي اوي بسش ياريت حد يجاوبني


رد مع إقتباس
بياناتي
 رقم المشاركة : ( 5 )
mina magdy mme
ارثوذكسي جديد
رقم العضوية : 51224
تاريخ التسجيل : Feb 2009
مكان الإقامة :
عدد المشاركات : 1
عدد النقاط : 10

mina magdy mme غير متواجد حالياً

افتراضي رد: نص مسرحية : مدرسه الابلسه

كُتب : [ 02-20-2009 - 04:12 PM ]


على فكرة المسرحية جميلة جدا بس لي راي . المسرحية عرضت مشكلة بيقع فيها كل الأولاد وحتى الشباب بس هي عرضت المشكلة من غير الحل ، ولازم يكون في حل للمشكلة عشان الأولاد اللي ممكن المسرحية تتعرض لهم وهما في نفس المشكلة يعرفوا إن لمشكلتهم حل والشيطان مش ممكن يقدر يكون مقيدهم . فلازم يكون للمشكلة حل

بس عاوز أأكد إن المسرحية جميلة جدا جدا وربا يباركك جدا ويبارك تعبك
وبعد إذنك أنا هاعرض المسرحية دي عندي


رد مع إقتباس
بياناتي
 رقم المشاركة : ( 6 )
ozoz
ارثوذكسي جديد
رقم العضوية : 73488
تاريخ التسجيل : Aug 2009
مكان الإقامة :
عدد المشاركات : 4
عدد النقاط : 10

ozoz غير متواجد حالياً

افتراضي رد: نص مسرحية : مدرسه الابلسه

كُتب : [ 08-17-2009 - 04:49 PM ]


حلوة اوي اوي


رد مع إقتباس
بياناتي
 رقم المشاركة : ( 7 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: نص مسرحية : مدرسه الابلسه

كُتب : [ 06-04-2010 - 10:47 PM ]


جميل اوى شكرا لتعبك

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسرحية نقل جبل المقطم 2015 hany3740861 قسم المسرح الكنسي 1 06-16-2020 10:14 PM
مسرحية (صوره) لفريق كنيسة العذراء مريم و مارمرقس ب6 اكتوب Rss مواضيع منقولة من مواقع اخرى بخدمة Rss 1 04-29-2011 09:06 PM
مسرحية (صوره) لفريق كنيسة العذراء مريم و مارمرقس ب6 اكتوب جورج هاملتون لوكاس الافلام الدينية 1 04-19-2011 03:35 PM
مفااااااااااجأة (مسرحية صورة ) لفريق مسرح كنيسة العذراء ومارمرقس ب6 اكتوبر Rss مواضيع منقولة من مواقع اخرى بخدمة Rss 0 02-11-2011 01:51 AM
مفاااااااجأة (مسرحية صورة ) لفريق مسرح كنيسة السيدة العذراء ومارمرقس ب6 اكتوبر جورج هاملتون لوكاس قسم المسرح الكنسي 0 02-10-2011 07:49 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 03:32 PM.