[aymonded]

في الأحلام يغني الأطفال يمشوا ويا الحملان
دنيتهم كلها بالألوان، أخضر وازرق وابيض كمان
يمشي كل ولد وبنت ماسكين أغصان زتون
السماء فوقهم زرقه والحقول تحتهم خضره
والضحكة هي لغة الأطفال في كل مكان

ده اللي كان في الأحلام

ولكن في أرض واقع الإنسان
عالم مليان بالوجع كله بقى أحزان
كله مرار واغتيال بسمة أطفال
ليه يا ترى قول، قول واحكي يا إنسان
وهو أنت يا ترى لسه إنسان
قول، قول واحكي يا إنسان
قول ليه لما الناس تجوع وتحتاج تدوسهم ولا ترحم وتغتال ضحكة الأطفال
قول ليه أصلي بقيت مش فاهم، ولا عارف ليه اغتيال الناس
قول ليه لما الناس تحتاج تفرمهم والحجة الأمن والأمان

كل يوم أسأل نفسي
أعمل إيه لأعيش مع الناس اللي فاكره أنها إنسان
أعمل إيه لأثبت أن لي حقوق زي ما عليا واجبات
لازم أحارب علشان أوريهم أني إنسان
هو انا جيت الدنيا علشان أصارع مع اللي مش إنسان
هو حياتي لازم أعيش اقضيها في صراع الغابات
ولازم عنيا تشوف المجروح والميت وحزن كل إنسان
قول وفهمني يا اللي انت مش إنسان
لازم تعيش تملك وتسحق وتقتل كأنك سيد كل إنسان
قول واحكي ده حواديتك لا تنحكي ولا تتقال
كلها دمار شعب وقتل ضحكة الأطفال
قول وفهمني لأمتى نضرب نار ونحرق كل الغابات
ونقتل كل بسمة على وش كل إنسان

بنقول ليه أننا بنهتم بكل إنسان والناس بتموت وتغتال ضحكة الأطفال
ليه يا إنسان بقيت مش إنسان، ميزت نفسك عن كل إنسان
هو انت فاكر أنك غير كل الناس
قولوا يا ناس امتى نكون مجرد إنسان
وليه مش نبقى كلنا إنسان

المصدر: †† ارثوذكس †† - من قسم: القسم الادبي

[emmmy]

إيه ده إيه ده إيه ده
لأ بجد مش ممكن تعبيراتك
وإختياراتك للمعني اللي عبرت عنه ده حقيقي روعه جميل
واحلي حاجه فيه إنه جديد خالص في فكرته
تعرف انا نفسي تجرب وتكتب شعر رومانسي بقي عايزه هشوف هتكتبه إزاي ‎;-)‎
هايل يا إستاذ أيمن

[aymonded]

هههههههههههههه رومانسي
اهو ده اللي مش ليا فيه خالص مالص
صعب قوي قوي قوي، والكلمات معظمها موحى من أغنية غناها طفل
ووضعتها عندي على اليوتيوب، بس موضوع رومانسي دية صعبة قوي قوي
هههههههههههههههههه انا مش شاعر يعني اهو مجرد كلمات قلت أفضفض بيها
عن كل اللي بيحصل في العالم كله وعلى الأخص في هذه الأيام الصعبة على الدنيا كلها
النعمة معك كل حين

[emmmy]

هههههههههههههههههههه
لية كدة خساااارة بجد كان فضول جامد اشوف هكتبة ازاى
يعنى متعرفش تعبر عن مشاعر حسيتها ولو حتى فى مراحل المراهقة
هههههههههههههه خسارة يلا مش مهم امرنا للة كفاية اللى انت بتمتعنا بية

[ماروجيرافك]

جميل اوي يا استاذ ايمن التعبيرات الرائعة دي
وبجد لمست حالنا في هذا الزمان الصعب الي في انسان ليس انسان مجرد لقب لكن في الواقع انه لا تفرق بينه وبين اي جنس اخر

[aymonded]

المشاركة الأصلية كتبت بواسطة emmmy هههههههههههههههههههه لية كدة خساااارة بجد كان فضول جامد اشوف هكتبة ازاى يعنى متعرفش تعبر عن مشاعر حسيتها ولو حتى فى مراحل المراهقة هههههههههههههه خسارة يلا مش مهم امرنا للة كفاية اللى انت بتمتعنا بية

هههههههههههههههههههه
ايه الشقاوة دية وبعدين انا نسيت الأيام دية مش فاكر منها حاجة خالص
بس ياللا بقى ارضوا بقليله اصلي مش شاعر ولا حاجة اهي مجرد كلمات تعبر عن حالنا والسلام
ويا رب يعدي الأيام على خير لأجل كل فقير غلبان
لحسن حاله بقى ضنك وكل اللي يشوفه يقول لا حول الله
وهو بيصرخ من قلبه: فوضت أمري لله
مباقش يمر بيا حد إلا ويقول ربنا معاك
مابقاش في الدنيا غير غول لا إنسان
وربنا يرحمنا في هذا الزمان
ويستر كل مسكين غلبان

[aymonded]

المشاركة الأصلية كتبت بواسطة ماروجيرافك جميل اوي يا استاذ ايمن التعبيرات الرائعة دي وبجد لمست حالنا في هذا الزمان الصعب الي في انسان ليس انسان مجرد لقب لكن في الواقع انه لا تفرق بينه وبين اي جنس اخر

أهي أيام بنقضيها في عالم مضطرب حيران
يحترم الوحوش ويعظم كل غول
ويقدم فيه الغلبان قربان
ويسحق الطفل تحت هم الأيام
وينزع البسمة من كل مكان
والكل يصرخ يا رب زيل سم هذا الزمان
وارحم الفقير الغلبان
لأنه بقى ملطشة الغيلان

[كيرو رافت]

فضفضه اكثر من رائعه
لونتها بكل الوان الابداع والفن
رغم الحزن رغم الالم الا انها فعلا تحفه واجدت وابدعت فى اختيار الكلمات

[aymanwahba]

ربنا يبارك حياتك رووووووووووووووعة

[aymonded]

فرح الله قلوبكم ورحم كل مسكين غلبان
لأن الدنيا خرجت بره كل أمان
وامتى ينصلح حال الإنسان ويبقى فعلاً إنسان