[marean]

فى واحد كان زميلى فى الشغل اللى سبتة من 3 سنين بس احنا لغاية دلوقت بترن على بعض ونكلم بعض بس فى مواضيع عامة ونبعت لبعض مسجات بس مسجات دينية لانىبصراحة انا بحبة بس شاكة فية هو هل بيحبنى ولا لا ولو بيحبنى لية ما اتقدمليش لغاية دلوقت وما سر اهتمامة بيا لو مش بيحبنى مع العلم انى انا خجولة جدا ومودبة جدا وتقريبا هو كمان مودب جدا ومحترم جدا حد يقولى اعمل اية انا زهقت علشان انا حاسة انى متعلقة بية مش طايلة سما و ارض حاولت ابعدة عنى وما رنش علية ولا اهتم بية لقيتة هو بيسال ويتصل بيا وهو ما بيحاولش يضايقنى او يعاكسنى ابدا ومش عارفة هو عايز اية وانا المفروض اعمل اية لانة ساعات بحس انة بيحبنى فا بسال نفسى طب ما اتقدمليش لية لغاية دلوقت ولما بيتصل بيا دائما بيسالنى فى جديد يقصد ارتباط يعنى او انى اتخطبت ولا اقولة لا لسة تنصحونى بى اية ؟

المصدر: †† ارثوذكس †† - من قسم: حوار من الاعماق

[Dr.PeRO]

أحب أقول رأيي فى الموضوع ده .. وهو انى مليش رأيي !! .. لأسباب كتير أهمها ان محدش ابداً يقدر يعرف ايه هى نية الشاب ده وهل هو ناوى يتقدم ولا مجرد اعجاب بس مش قادر يبنى على اساسه خطوة ايجابية ويتقدم ليكي .. وبما ان محدش ابداً يقدر يقولك على نيته (حتى لو كان هو نفسه، لأنه ممكن جداا يتهرب او يخبي او حتى ميصارحش باللى فى قلبه او يأجل ..) . فرأيي ونصيحتي ... هى الصلاة .. وبلاش نستهون بده لأن ممكن جداا نختار غلط وناخد قرارات مش فى وقتها .. وممكن جداا يكون ده الانسان المناسب ليكي بس الحكاية محتاجة دفعة بيد إلهية عشان الموضوع يكمل ... كل ده ملوش غير حل آمن، صريح، ومُجدى 100% .. وهو الوقوع فى يد الله وطلب ارشاده ومعونته والالحاح بشدة ليه لأن يختار هو ويوافق انه يتدخل .. وكونى واثقة ان اقامة علاقة مباشرة وحية وقوية بالله هى أهم وتأتى قبل اقامة علاقة عاطفية بشخص آخر .. فحب الله أقوى وأعمق من حب الانسان .. لذا لماذا لا نستفيد بالارتباط بالله بالصلاة القلبية، ونستفيد ببركاته ونعمه واختياراته وتدخلاته القوية فى حياتنا حتى لا نقع فى مشاكل أو تجارب نحن فى غنى عنها ؟!

+ ديه مواضيع جميلة هنا فى المنتدى عن الصلاة وبداية الطريق الروحى، حتى نسترجع العلاقة المفصولة بيننا وبين الله وننعم بتداخلاته فى جميع اختيارات حياتنا: (لقراءة الموضوع، برجاء الضغط على اسمه)

• الصلاة ما بين الحقيقة والخيال
• العذراء تظهر وتعطيه الأجبية
• وقليلون هما الذين يجدونه
• أساس سلوك المسيحي الأرثوذكسي الحي بالله

+ آسف للاطالة، وفى انتظار باقى الآراء والمشاركات من باقى اخوتى فى المنتدى

[emmmy]

عزيزتى صاحبة الموضوع انتى عندك كاااام سنة ؟؟
رجاء الاجابة على سؤالى وبعدها هكمل كلامى معاكى

[marean]

المشاركة الأصلية كتبت بواسطة emmmy عزيزتى صاحبة الموضوع انتى عندك كاااام سنة ؟؟ رجاء الاجابة على سؤالى وبعدها هكمل كلامى معاكى

انا عندى 24 سنة وشكرا يا
Dr.PeRO على ردك الجميل ربنا يبارك حياتك

[emmmy]

24 سنة !!!
طيب حلو اوى جميل يعنى مش مراهقة بصى يا حبيبتى
انتى بتقولى بتعرفية بقالك 3 سنين بيكلمك وبيسأل عنك
بس مش محدد مشاعرة تجاهك مش عارفة هو عاوز منك اية بالظبط ؟؟
تفتكرى دى يبقى انسان واضح تفتكرى دة يبقى انسان صريح
انتى معلقة نفسك بية على اى اساس اذا هو هو مش واضح معاكى انتى تاعبة نفسك على اى اساس وسؤالة ليكى فى جديد ولا - لأ
دة مناسبتة اية ؟؟
ما هو يا اما عاوزك وبكدة يصارحك يا اما مش عاوزك وملوش لازمة السؤال من اساسة لانة مش من حقة خالص
انتى بتجرى ورا سراب ومعيشة نفسك فى وهم ملوش داعى فوقى يا حبيبتى واكسبى نفسك وقلبك وراحة بالك
بصى هقولك حاجة جربيها وهتعرفى منها الحقيقة كلها
غيرى رقم تلفونك خالص ومتتكلميش معااة نهائى خالص ابدا لا فى التلفون والا النت ولا التلفون الارضى ولا حتى فى الكنيسة لو كنتوا من كنيسة واحدة لو شفتية عادى خالص امشى على طول من غير ما تبصى ناحيتة تجاهلية تماما ولو دة صعب عليكى انتى استحملى واشغلى نفسك بأى حاجة انتى بتحبيها علشان تنسية حاولى تساعدى نفسك
وهو لو بيحبك حقيقى وعاوزك هو اللى هيجرى وراكى ويدور عليكى ويدخل من الباب زى اى شاب محترم عندة مبدأ وكرامة وبيخاف على بنات الناس
لو بيتسلى او مفيش فى دماغة اى حاجة يبقى خلاص مفيش داعى تتعبى قلبك وتشغلى ذهنك بجرى ورا سراب وفناء
وعلى فكرة !!
مشاعرك دى طبيعية مش غلط ولا حاجة لكن الغلط حقيقى هو التمادى فى المشاعر لما اعرف انها مش على اساس صحح ومش لهدف صحح
ومش من الطرفين وبشكل واضج وجميل لهدف سامى
ربنا معاكى ابقى طمنينى عليكى بقى ولو فى اى حاجة مش عجبتك او مش واضحة فى كلامى قوليها وانا اوضحها لك

[elphilasouf]

ما هو ممكن يكون بيسال عليكي زي أخوكي يعني .. ليه لا ..

[buffon italy]

أولا و قبل كل حاجه حطى الموضوع قدام ربنا بس من غير ما تبقى عاوزه ربنا يمشيه فى سكه معينه أنتى عاوزاها و سيبى ربنا يتصرف و أكيد ربنا هيريحك فوق ما تتصورى.
أنتوا لو قريبين من بعض و واخدين على بعض ممكن تتكلمى معاه بصراحه و تسأليه هو عاوز أيه جايز يكون أحساسك أنه بيحبك أحساس حقيقى مش مجرد أنطباع أو أحساس أنتى كونتيه مع نفسك.يمكن يكون عنده ظروف مش هتخليه يتقدم دلوقتى و جايز يكون أحساسك أصلا غلط و هو بيفكر فيكى و حاسك كصديقه قريبه ليه مش أكتر.لو أنتى جريئه و قربكم من بعض يسمح بكده أسأليه و شوفى هيقولك أيه
لو مش هتقدرى تعملى كده لأنك مش جريئه كفايه أو خايفه تفقدى الأحساس الجميل اللى أنتى عايشاه أنه بيحبك و خايفه تتصدمى و يطلع غلط يبقى خلاص أنتى بينك و بين نفسك حاولى تفكرى فيه و تحسى بيه على أنه مجرد صديق قريب منك مش أكتر.مش لازم كل علاقه أو صداقه أو أهتمام بين ولد و بنت تبقى حب و أرتباط.ده من ضمن التشوهات الفكريه و العيوب الخلقيه فى الثقافه الرجعيه اللى أحنا عايشينها فى مجتمعاتنا الشرقيه المتخلفه للأسف الشديد.و يا رب أحنا الجيل اللى ربنا قدره و غير نظام سياسى فى ثورة مصر يقدر يغير التخلف و العته ده و أنا متأكده أنه هيعمل كده.
لو ما قدرتيش تعملى دى كمان يبقى خلاص بقه حاولى تبعدى عنه و تقللى أتصالك بيه يمكن ده يريحك.و ربنا معاكى

[مارسيلكو]

هو باشا مش خسران حاجة واحدة حلوة بتجرى وراة وش مقيداة بألزام زواج او خطوبة واهو بيلعب ومش حاسس بأى مشكلة انتى اللى خسرانة فى الأخر علشان رصيد الحب اللى عندك بيقل كل تجربة

[emmmy]

مش اى حد بيعرف يكون اخ وبس يا جورج
دة قليل جدا جدا اللى بيعرف يكون اخ وبس
وبعدين حتى لو فرضنا وهو فعلا بيتعامل معاها كأخ
هى مش عارفة تبقى اخت وبس اهو وحاسة انة شغلها وبدأت يبقى في مشاعر تانية خالص غير الاخوة يبقى ملوش معنى التمادى فى العلاقة بقى مدام مش واقفة على ارض صلبة وواثقة من مشاعرة هو كمان ولا قادرة تحددها وتعرف نوعها

[buffon italy]

مين قال أن الحب رصيد زى الفلوس اللى فى البنك مثلا و كل تجربة حب بيقل؟!
الحب أحساس مش شىء مادى عشان يبقى رصيد محدود و أصلا الأنسان بيحب من حب ربنا ليه اللى جواه .ده مصدر الحب الوحيد و ده أكيد مالوش حدود.بعدين كل تجربه حتى لو وجعتك بتعلمك و بتشكل فى شخصيتك و فى نضوجك النفسى.مهما كانت جروح الحب أكيد الخوف و الهروب من الحب جروحه أكتر بكتيييييييييييير