[mask of zoro]

ياجماعه انا اول مرة في حياتي اكتب شعر
هو مش شعر ولا حاجه بس يارب يعجبكم

هنتكلم على دنيتنا اللى بقينا ضيوف فيها
يمكن حد يكون ليه مكان فيها
اهى دنيا كلها نصابين
والناس عايشة فيها مداسين
بس لازم نحاول نكون قاسيين
علشان نفوز علي شوية النصابين
واحنا عايشين فى دنيا كلها سفاحين
لازم نقولهم انتوا على كدا مبسوطين
وادينا عايشين بنحاول نكون منهم بعيدين
بس للأسف هما دايما منا قريبين
اهي دنيا من النحيتين عايشين
ناس بتضرب بانجو وناس بتشم هيروين
والناس كلها بقت ماشية مهيسين
بتقول علشان ننسى الماضى الحزين
بس دا كلام مش موجود فى الدين
ولا ترضة بية اى ناس عايشين
ادينا عايشين وبنقولها واحنا مفتخرين
لية بنحب نقولها واحنا شمامين
لو الانسان فينا مشى مستقيم
هيعرف اد اية الدنيا بتدوس على اللقيم وبتمسح دموع الحزين
اة يا زمن وأة يا بنقادمين
على الوضع اللى انتوا فية محطوتين
ازعل على اية ولا اية
دا زمن ولا يتبكى ولا يضَّحك علية
دا زمن الديابة فية بتاكل بعضيها
وادينا عايشين بنحاول ندوس على كل كلب فيها
ابكى على اية ولا اية
الزمن دا حاله مش هينصلح ولا ايه
ادينا بنصلح من نحية
تيجى الديابة تخرب وتبوظ من نحية
نعمل اية ولا اية
دا زمن اللى يعمل فية خير يتقلوا يابن الايه
يبقي يعوض ربك علي الزمن اللى راح
وخلى الديابة تعيش فية ببراح
كان جددنا وجدود جدننا عايشين بسلام
والزمن بيهم بيطلع لقدام
واحنا بدل ما نيجى نكمل الزمن
بندوس علية كمان وكمان
واتارينا بنقول دا العيب عليك يا زمن
طلع الزمن مظلوم والعيب علينا بالكوم

المصدر: †† ارثوذكس †† - من قسم: القسم الادبي

[ظريف]

كلامك جميل يا mask of zoro وأنتا بتكلم ولاد العالم وفى نفس الوقت بتكلم ولاد ربنا واللى عجبنى هو
هيعرف اد اية الدنيا بتدوس على اللقيم وبتمسح دموع الحزين
ربنا يعوض تعب محبتك آمين

[MICKEY]

موضوووعك جميل جا جدا ياماسك
وكانت فين الحاجات الحلوة دي من زماااان

منتظرين منك المزيد
وكل سنة وانت طيب وربنا يباركك
صليلي

[ghada2000]

mawdo3 gamel ya mask

rabna ybark 7yatak

[bolalover]

الله يا ماسك بجد موضوع رائع و كلمات جامدة جداا
شكرا ليك كتير يا غالي
و كل سنة و انت طيب

[عماد حسنى]

موضوع حلو يا ماسك
ربنا يباركك
ونشوف موضوعاتك دايما

[mask of zoro]

ميرسى ليكوا كتير وميرسى لمروركوا
وكل سنة وانتوا طيبين

[nrmo]

ميرسى جدا جدا على الشعر الجميل ده
بجد رائع

[القطة كيتي]

هههههههههههههههههههه بجد تحفة جميلة جدا

[tony_algamid]

( نعيب زماننا والعيب فينا )
الكلام فوق الرائع يا ماسك يا حبيبى والميزة فيه
إن انت بدأتو بالمواضيع العالية ونهيته بعتاب عالى،
أعجبت قوى بــ
كان جدودنا وجدود جدوننا عايشين بسلام
والزمن بيهم بيطلع لقدام
واحنا بدل ما نيجى نكمل الزمن
بندوس عليه كمان وكمان
بجد كلام جميل وعقل مبتكر
أتمنالك التوفيق وصدقنى مستواك رائع
وياريت نشوف كتابات تانى من ايديك الحلوة
كل سنة وإنت طيب ...