[martina88]

انا هاعرض عليكم موضوع وعايزة اعرف رأيكم اية
انا ليا واحدة صاحبتى بتحب زميلها فى الكلية وهو بيحبها اوى بس كان بيحب قبلها بنت تقريبا كدا اللى بيسموا حب المراهقة واكتشف انة مش هاينفع يكمل مع البنت الاولى دى وحب صاحبتى دى اوى
والمشكلة هنا ان البنت اللى كان بيحبها الاول بتتصل بية ديما على الموبايل وفى البيت وهو بيكنسل عليها ومش بيرد عليها لكنن لما بتتصل فى البيت وهو برد عليها من غير مايعرف انها هيا
بتكلمة وبتقولة ياريت نكمل اصحاب وهو مش عايز يكلمها تانى بس يعمل اية هو تعب وصاحبتى تعبت اوى
والبنت دى مش عايزة تسيبة
ومش لاقية حل علشان اقولة لصاحبتى دى
ياريت اللى يقدر يفدنى ويقولى تعمل اية او هو يعمل اية ياريت يقولى

المصدر: †† ارثوذكس †† - من قسم: الموضوعات الشبابية

[SAMOOOOO]

هو افضل حل انه يصارحها انه حب واحده تانيه
وفى الحاله دى هى هتكرهه ومش هتكلمه تانى

بس المهم صاحبتك تخلى بالها اوى لان هو ممكن يكون بيتسلى او بيضيع وقت
ويمكن يلاقى واحده احلى وتلاقيه ساب صاحبتك دى

فعشان كده هى لازم تاخد بالها اوى اوى

وربنا يدبر الصالح

ده رايى باختصار ولما نشوف باقى الاراء

[اسامه سمسم]

انا برضو من رائى انه يغير خط التليفون خالص
او يصارحها بكل حاجه
وفعلا على رائى سامو ياريت صحبتك
تخلى بالها لانه ممكن يكون بيلعب بيها
وحرص ولا تخونش
وبجد الصراحه مفيش احسن منها
وربنا يدبر ويعمل الصالح

[Michael_Sabry]

طيب انا مش شايف مشكله انها تكلمه كأخ ليها بارضه هي في يوم كانت بتحبه اوي بس لو هو مش عايز يكلمها خلاص مايردش علي موبايلاتها وبالنسبه للبيت يخالي اي حد يرد علي التليفون مكانه الفتره دي

[menalouka]

اللى أقدر أقوله إنه لازم يتصرف بحكمة يا تينا
يعنى صعب أوى لما يكمل حياته مع حبيبته التانية اللى هى زميلتك
بكدب من أول علاقته معاها
وبعدين هل العلاقة بينهم هتستمر ولا هيرجع تانى ويحب واحده تانية ممكن تظهرله غير صاحبتك
أنا متهيألى أن الحب فى السن دا متردد دايماً وبرضه هو لسه فى حب المراهقة
فبرجاء برضه تخلى زميلتك تحترس وتمشى فى خوف ربنا
وربنا يختارلها الصالح ..
اما البنت الأولى المفروض يصارحها ويقولها لأنه بجد حرام أوى كده هو جارحها وجرح البنت صعب أوى .... أصعب من جرح الولد
وربنا يتدخل ويدبر الأمور

[بنت الراهب الصامت]

بصى ياتينا
حب الوماله وبتاع الكليه دة اسمحيلى بيبقى سن مراهقة واحلام شباب
والشباب بيتخدع فيه بأسم الحب
لكن مينفعش اكون بحب واحدة اولى واسيبها علشان احب التانيه من غير سبب مقنع
لكن السؤال هنا هو ليه ساب حبيبته الاولى؟
وليه حب زملتك؟
واشمعنا فى الوقت دة؟
وليه بيهرب من حبه الاول؟
مع العلم ان الحب الاول صعب يتنسى وانتى بتقولى انه حب قبل زميلتك يعنى دى اول حب فى حياته يسيبها كدة بسهوله
خلى زميلتك تساله كل دة ولما تعرف اجابة الاسئله دى كلها هتعرف ليه هو بيهرب من حبيبته الاولى
واكيد هيلاقى حل للمشكله دى
وانا برائى انه برضو محبش زميلتك حب حقيقى
لانى انا اللى اعرفه كويس ان مفيش حاجه اسمها حب فى السن دة وان الحب الحقيقى لما ربنا يريدلك بالانسان اللى هترتبطى بيه هو دة اللى يكون حبك الحقيقى
واسفه على التطويل فى الكلام
وربنا يختارلها الصالح

[martina88]

ميرسى اوى على اراكم ياجماعة
بس هو فعلا ماينفعش يرجع لحبة الاول لاسباب صعبة اوىاوى
ولما حب صاحبتى دى كان غرضة انة ينسى الاولى يعنى كانت وسيلة ينسى بيها واصبحت دلوقت هدف اساسى لية
وهو اعترف ليها بكدا
وهو كل حاجة بيحكيها بصراحة لصاحبتى وحتى لو حس بحنين لحبة الاول بيقولها
وهو ماشى فى طريق ربنا وحسب ارشاد اب اعترافة وهو خادم كويس اوى اوى انا اعرفة لانة زميلى بردو فى الكلية
لكن المشكلة هنا ان اللى كانت بتحبة الاول لسة بتحاول تتصل بية وهو مش عارف يعمل اية
واكبر دليل على انة صريح انة بيحكيلها انها بتتصل بية ولو بيلعب بيها كان ممنك يكلم البنت الاولى ومايقولش لصاحبتى
لكن هو فعلا بيحبها حب حقيقى بدليل انة قال لمامتة وكلم اخت البنت اللى بيحبها
المشكلة الكبيرة هنا ازى مايردش على البنت دى وهيا شبة بتطاردة فى البيت ممكن يرد صدفة والموبايل بتتصل من ارقام مختلفة
وماينفعش يغير رقمة صعب اوى
وماينفعش يقول للبنت اللى كانت بتحبة انة بيحب فولانة لانها ممكن تنشر الخبر فى الكنيسة خصوصا انة خادم ومعروف

[amirsedky]

انا شايف انه يصارح البنت الاولى و يعمل مواجهة معاها دا لو صحيح بيحب التانية هى هاتبقى مواجهة صعبة بس ضرورى تحصل ويا ريت نعرف كان بيقول ايه للبنت دى لما بتتصل بيه فالبيت؟ الصراحة حاجة جميلة بس مش معنى كدة ان مفيش غلط. يعني مثلا الاعتراف لاب الاعتراف دا نوع من الصراحة قدام ربنا و الكاهن بس الصراحة دى ما بتغفرش الخطية من غير توبة. يعنى لازم يكون صريح مع البنتين لان دى بيحبها و دى اخته و بكدة تتحل المشكلة كلها..... بشوية صراحة.....بس مع البنتين.

[جانيت سمير]

بدل فية اب اعتراف وكنيسة يبقى يدبر معاد فى الكنيسة بحضور اب اعترافة ولا زم صحبتك تبقى عارفة بس ماترحش علشان المشاكل واب اعترافة يتصرف فى الموضوع مع تهديد بسيط بوصول الموضوع لاهلها

[القمر الحزين]

لالالالالالالالالالالالال الالالا
اللى يحب عمره مايكره
هو لو بيحب البنت التانيه حب حقيقي
يصارح الاولى ويقولها ان اللى كان بينهم دة مش حب
ممكن يكون تعود
وربنا يقدملهم الخير ويدبرلهم الصالح
صحبتك المفروض من عدم رد زميلها ليها
تفهم انه مش عايز يكلمها تانى
وتبطل تتصل بيه
واب اعترافهم هيرشدهم على الصح ويعملوا
وربنا يتمجد وينورلهم الطريق
ربنا يباركك