[Mary Gergess]

في وسط ضوضاء شديدة ملأت الأسرة ..دخل أستاذ أمجد خادم أسرة ملائكة ...وما أن وضع قدمه داخلها حتي قفز الأطفال نحوه ..كل يحاول أن يأخذ مكانه علي أستاذ أمجد ..يتعلق بظهره أو يشد البنطلون ... كل واحد حسب طوله...فقد كانوا يحبونه حبا جما و كذلك هو ..فهم مجموعة من أطفال حضانة ..يحبون خادمهم الأستاذ أمجد الذي دوما ما يفرحهم بقصصه الحلوة و هداياه اللطيفة
و سرعان ما اتخذت الأسرة مجراها من ترانيم و لعب ...حتي أتي موعد القصة
فلتف كل الأولاد ليسمعوا أستاذ أمجد ..و ساد الصمت الي أن قال أستاذ أمجد " النهاردة يا أولاد معندناش قصة ..لكن عندنا سؤال... عاوزين نعرف
مين هو بابا يسوع ؟؟
نظر اليه مينا و قال : بابا يسوع يا أستاذ هو راجل تخين و حلو معاه شنطة كبيرة مليانة حاجات حلوة قوي و لما يلاقي ولد حلو و بيسمع الكلام يديله هدية
أ/ أمجد : جميل و أنت يا تادرس
تادرس : لا يا أستاذ ..بابا يسوع ده راجل كبييييير و قاعد علي كرسي كبييير قوي في السما فوووق خالص ومعاه الملائكة بتوعه و هو هناك علي طول.
أ / أمجد : طيب و أنت يا جورج
جورج : أنا بخاف من بابا يسوع ..علشان عارف أنه بيزعل علي طول .. أي حاجة بعملها وحشة بيزعل علي طول وكمان ممكن يعاقبني
أ/ امجد : طين نسمع مرقس كمان
مرقس : بابا يسوع يا أستاذ هو اللي بيبقي في المذبح و في الصورة كمان ..و أنا بحبه قوي
وهكذا دارت الأراء في الأسرة ...كل واحد يقول عن بابا يسوع الذي يعرفه ...لكن ماذا عنك يا صديقي ؟؟ انسي أنك الأن تقرأ قصة ..و اسأل نفسك هذا السؤال ..من هو الرب يسوع بالنسبة لي ؟؟ أرجوك لا تترك نفسك تخدع ..بل فكر جيدا و عمق في داخلك من هو لرب يسوع بالنسبة لي ؟؟
هل هو موزع العطايا فأقف يوميا و أطلب .. أم هو" الذي في السموات " بعيدا عني و عن مشاعري ...أم هو ربنا الموجود في الكنيسة .. أم هو صديقي الشخصي فعلا أحكي له كل يوم وهو يعرفني و يحبني قوي
فكر جيدا و لا تغلق الرسالة قبل أن تصل لاجابة ..واضحة و صريحة
فعليها تتعلق حياتك الأبدية
الرب معك

منقول

المصدر: †† ارثوذكس †† - من قسم: القصص النصية

[zaza2006]

قصة جميلة بجد وسؤال مهم ياريت يكون يسوع هو كل حياتى صاحبى
واخويا وابويا الحنين
ميرسى ليكى يا مارى منورة القسم

[Mary Gergess]

المشاركة الأصلية كتبت بواسطة zaza2006 قصة جميلة بجد وسؤال مهم ياريت يكون يسوع هو كل حياتى صاحبى واخويا وابويا الحنين ميرسى ليكى يا مارى منورة القسم

ميرسى ليكى يا قمر انك شرفتينى
ده القسم منور بيكى يا جميله

ربنا يباركك

[ادروسيس]

انا اقول بابا يسوع اناب احبة وساعات كتير
باحس بوجودة فى حياتى
بس عايزة اقولة حاجة انا عايزة اسمع
صوتك فى حياتى وانا عارفة بابا يسوع انى كتير
بزعلك بس انت مش بتعاملنى باسلوبى الوحش
سامحنى يابا يسوع وخلينى اسمع بصوتك بوضوح
يارب
حقيقى يامارى انا مش عارفة اشكرك ازاى على
الموضوع الرائع دة ميرسى لكى كتير

[emmmy]

بابا يسوع هو ابرع جمالا من بنى البشر
هو صديق ورفيق فى غربة حياتنا
هو الامان والحب والسلام

مرسى مارى على القصة الحلوة دى
الرب يباركك يا قمر

[Mary Gergess]

المشاركة الأصلية كتبت بواسطة ادروسيس انا اقول بابا يسوع اناب احبة وساعات كتير باحس بوجودة فى حياتى بس عايزة اقولة حاجة انا عايزة اسمع صوتك فى حياتى وانا عارفة بابا يسوع انى كتير بزعلك بس انت مش بتعاملنى باسلوبى الوحش سامحنى يابا يسوع وخلينى اسمع بصوتك بوضوح يارب حقيقى يامارى انا مش عارفة اشكرك ازاى على الموضوع الرائع دة ميرسى لكى كتير

ميرسى كتير ليك يا ادروسيس على المشاركه الرائعه
ربنا يباركك

[Mary Gergess]

المشاركة الأصلية كتبت بواسطة emmmy بابا يسوع هو ابرع جمالا من بنى البشر هو صديق ورفيق فى غربة حياتنا هو الامان والحب والسلام مرسى مارى على القصة الحلوة دى الرب يباركك يا قمر

ميرسى كتير ليكى يا emmmy على المشاركه الحلوه
ربنا يباركك

[bassem8800370]

شكرا على القصه وربنا يفرح قلبك

ويعوض تعب محبتك

[agabi fahim]

شكراااااااااااااااااااااا ااااااااااااااااااا