[mira smsm]

نفسى اعرف ليه دائما الاهل يتدخلو فى كل شيى فى حياه اولدهم بعد الزواج حتى انهم من اول يوم يسالو عن الحمل وليه اتاخر لالالالالالالالالا روحو اكشفو ومن ده كتتتتتتتتتير

المصدر: †† ارثوذكس †† - من قسم: الموضوعات الشبابية

[Narmar]

من وجهه نظرهم شايفين انهم خايفين عليكم
بس المفروض ان الزوجين بيحطولهم حدود من الأول بالاتفاق مبينهم ان مفيش حد هيتدخل بينهم من هنا او من هنا ,
ويحلوا هما اختلافاتهم ويعدوا مشاكلهم لوحدهم لانهم خلاص بقوا واحد بس .. مش 2

[samerco75]

اكتر حاجة تبهدل الدنيا تدخل حد بين الزوجين
الزوجين هم واحد يحلوا مع بعض ويتناقشوا مع بعض وربنا الساكن فيهم قادر انه يحافظ على بيته داخلهم
بمحبة يا جماعة ماتقلقوش علينا ربنا بيدبر حياتنا واحنا خاضعين لمشيئته

[أميرة عبده]

اعتقد يا ميرا ان الزوج او الزوجه اللى بيسمحو لحد يتدخل بينهم مش بيكون عندهم وعى كافى ولا دراية انهم بدأو حياة مختلفه تمام عن حياتهم فى بيت الاهل وعلشان يقدر كل واحد فيهم يتفهم ان بقا ليه حياة تانيه مستقله لازم يكونو على دراية ووعى بحياتهم الجديده ومتفهمين جدا ان بقا ليهم حياة مشتركه بينهم ومش تدخل الاهل بس فى حياتهم لا حجات كتير بيكونو متفقين عليها هما الاتنين بناء عليها بيقدرو يواصو ويكملو لحد ما كل واحد بيكون فهم طبيعه حياته الجديده وطبعا الارشاد الاسرى والمشورة مهم جداااااااا فى بداية الحياة علشان كده فى كنايس كتير اوى فى مصر عملت مراكز متخصصه فى الارشاد الاسرى وعلم مشورة تفاديا لمشاكل كتير بتكون ناتجه عن اختلاف الطبائع والتنشئه لكل من الزوجين

[mira smsm]

مرسى على اهتمامكم بالرد وربنا يعوضكم