[zaza2006]

اسره تتكون من اب وام وبنت وولد فى مراحل تعليميه مختلفة
الاسره كانت تعيش عيشه فى مستوى رائع مصنع وعربيات
والاب مرتبط بربنا ... والايام تمر جميله حتى سنة 2005
ومرت الاسره بتجربه مُره ... كل شئ راح كل شئ ادمر
حتى قلوب الناس تحولت من قلوب مُحبه الى قلوب تقطع فى هذه الاسره حتى اقرب الناس
ووصل الحال الى ان الاب كان احيانا يتعشي هو اسرته خيار مخلل وعيش من قلة الدخل ومن قسوة القلوب
وفجأه فى احد الايام اكتشف الاب ان لايوجد فى البيت جنيه واحد يجيب به عيش
فطلب من بنته الكبيره بأن تذهب الى اب اعتراف الاب
يمكن لما يعرف ان لايوجد فى منزل الاسره يعطيك شئ
ذهبت البنت الى اب الكاهن وطلبت منه ولو 100جنيه (كان فى حدود سنه2007)
لكن للاسف اب الكاهن اعطها كلمتين سم لدرجة ان البنت خرجت تبكى من عنده بحرقه
ومن شدة البكاء دخلت الكنيسه مش قادره تمشى
تشكى لربنا همها وقسوة حتى القلوب الرحيمه وتسأل نفسها ليه كدا ليه يارب تتركنى
ليه وليه وليه
وبكاء علطول والكنيسه كانت خاليه من الناس وعندما رأتها احد الناس داخله الكنيسه تأخذ بركة اجساد القديسين
سألتها ليه يابنتى بتعيطى كدا هو ابوك مات (من شدة بكاء البنت)
قالت لها لأ وتركتها
وبدأت البنت تخرج من الكنيسه لكن قابلتها المدرسة بتاعتها انسانه كويسه ودخلت الكنيسه بالصدفه
قالت لها ادخل اقول ابانا الذى بين درس ودرس (دروس خصوصيه) واخذتها فى حضنها
والبنت رمت نفسها فى حضن المدرسة وزادت بكاء
وصممت المدرسة لكي تعرف ماذا حدث وايه سبب شدة البكاء فحكت البنت كل شئ
وقالت لا يابنتي ماتزعليش تعالى اوصلك
وقرب البيت وخرجت المدرسة فلوس من شنطتها واعطت البنت
لكن البنت رفضت فى الاول لكن بعد كدا وافقت من شدة احتياجها ومش عارفه تعمل ايه واخذت المبلغ فى يديها
ولم تفتحه وشكرت المدرسة ...
وطلعت البنت الى البيت واترمت البنت فى حضن ابوها وامها اول ما فتحوا الباب
وحكت لهم ماذا حدث واعطت لابوها المبلغ بتاع المدرسو ووجدوا 150 جنيه

لك كل المجد يارب

احبائى

ممكن احن قلوب الناس يكون قاسى واللى انت مش متوقعه يحدث
لكن ربنا لايوجد احن منه وحاسس بكل حاجه ولايمكن يتركك وهو واخد باله من كل حاجه ومهتم بيك دا انت ابنه

المصدر: †† ارثوذكس †† - من قسم: القصص النصية

[اشرف وليم]

شكرا لتعب محبتك
الرب يبارك حياتك
رائع

[عماد حسنى]

ممكن احن قلوب الناس يكون قاسى واللى انت مش متوقعه يحدث
لكن ربنا لايوجد احن منه وحاسس بكل حاجه ولايمكن يتركك وهو واخد باله من كل حاجه ومهتم بيك دا انت ابنه

لك كل المجد يارب

شكرا جدا جدا نهى للقصه والمضمون
ربنا يفرح قلبك وحياتك

[folla]

يمكن يوم مالاقاش الأخ حتى الأب يغيب

يمكن يوم مالاقاش الحب ف قلب اللي إسمه حبيب

كنت لسه بسمع الترنيمة دي قبل ما أدخل المنتدى .

كنت بعاني كتير من الشعور بالوحده لكنه تكلم معي ووصلي نفس المعنى اللي بتقصديه يا أختي العزيزة من خلال قصتك الرائعة.

وقتها شعرت إن الراحة مش ممكن تتلاقى ف قلوب الناس .

لأن الناس كلها محتاجه للراحة .. لا يمكن هنلاقي ينبوع للحب والأمان إلا عنده هو وحده.

من كل قلبي بشكر الرب لأنه تكلم إلى قلبي من خلالك

تحياتي لك إيتها الجميلة بين البنات

[twaty]

ممكن احن قلوب الناس يكون قاسى واللى انت مش متوقعه يحدث
لكن ربنا لايوجد احن منه وحاسس بكل حاجه ولايمكن يتركك وهو واخد باله من كل حاجه ومهتم بيك دا انت ابنه

قصة جميلة اوى يانهى
تسلم ايدك