[ليديا بنت البابا كيرلس]

غضبانة‏ ‏عليكي‏ ‏يا‏ ‏بلد






أبدأ‏ ‏كلامي‏ ‏منين
أنا‏ ‏أصلي‏ ‏زعلانة
احترت‏ ‏أكلم‏ ‏مين‏...!‏
ما‏ ‏أنا‏ ‏أصلي‏ ‏غضبانة
غضبانة‏ ‏عليكي‏ ‏يا‏ ‏بلد
أنا‏ ‏بجد‏ ‏غضبانة
ياخسارة‏ ‏يا‏ ‏ألفين‏ ‏خسارة
أصبحتي‏ ‏خربانة
أنا‏ ‏مش‏ ‏بالومك‏ ‏يا‏ ‏حبيبتي
أنا‏ ‏عاوزة‏ ‏أحكي‏ ‏لك‏ ‏حكايتك‏ ‏وحكايتي
بدايتها‏ ‏كانت‏ ‏في‏ ‏السبعينات
واحدة‏ ‏من‏ ‏بين‏ ‏كل‏ ‏البنات
دخلت‏ ‏في‏ ‏يوم‏ ‏المدرسة‏ ‏لابسة‏ ‏حجاب
كنا‏ ‏يادوب‏ ‏لسه‏ ‏شباب
ويا‏ ‏مصر‏ ‏يا‏ ‏حبيبة
كانت‏ ‏دي‏ ‏بداية‏ ‏المصيبة‏!‏
وتمام‏ ‏زي‏ ‏الفشار
واحدة‏ ‏ورا‏ ‏واحدة‏ ‏حصل‏ ‏انتشار
المشكلة‏ ‏مش‏ ‏في‏ ‏الحجاب
المشكلة‏ ‏معاه‏ ‏إيه‏ ‏جاب‏!‏؟
بعد‏ ‏ما‏ ‏كنا‏ ‏زي‏ ‏الناس
فجأه‏ ‏أصبحنا‏ ‏ليس‏ ‏إناث
والغريبة‏ ‏يا‏ ‏حبيبة
كل‏ ‏ما‏ ‏زاد‏ ‏الحجاب
كل‏ ‏ما‏ ‏زاد‏ ‏الخراب
قصدي‏ ‏حجاب‏ ‏العقول
ياخسارة‏ ‏مين‏ ‏كان‏ ‏يقول
دي‏ ‏العقول‏ ‏اتبدلت
والبراءة‏ ‏اتشوهت
وابتدينا‏ ‏فجأة‏ ‏نسمعلك‏ ‏كلام
من‏ ‏بنات‏ ‏صغيرين‏...‏يا‏ ‏حرام
حلال‏ ‏و‏ ‏حرام‏ ‏وكلام‏ ‏سخيف
راحت‏ ‏البراءة‏ ‏وجه‏ ‏بدلها‏ ‏شئ‏ ‏مخيف
زي‏ ‏الطوفان
ملا‏ ‏المكان
وياريته‏ ‏بس‏ ‏علي‏ ‏الحجاب‏ ‏والنقاب
لا‏ ‏ده‏ ‏في‏ ‏أشياء‏ ‏غريبة
لأ‏ ‏دي‏ ‏مش‏ ‏بس‏ ‏غريبة‏ ‏دي‏ ‏مصيبة
كل‏ ‏ما‏ ‏الأديان‏ ‏تزيد
يصبح‏ ‏الإنسان‏ ‏عنيد
من‏ ‏التعصب‏ ‏والتحزب‏ ‏والخناق
والتشبث‏ ‏والتخلف‏ ‏والغباء
وياريته‏ ‏كان‏ ‏في‏ ‏يوم‏ ‏يفتح‏ ‏كتاب
وياريته‏ ‏لما‏ ‏يتناقش‏ ‏يدي‏ ‏فرصة‏ ‏للجواب
‏ ‏كمان‏ ‏يا‏ ‏مصر‏ ‏عندي‏ ‏سؤال‏..‏
راح‏ ‏فين‏ ‏النظام‏ ‏والاحترام‏ ‏والأمانة؟
راح‏ ‏فين‏ ‏الجمال‏ ‏ولا‏ ‏أقول‏ ‏ياللا‏ ‏السلامة؟
ياخسارة‏ ‏يابلد‏...‏ألفين‏ ‏خسارة
ياللي‏ ‏فيوم‏ ‏كنت‏ ‏لغيرك‏ ‏ميت‏ ‏منارة
نفسي‏ ‏ترجعلك‏ ‏يا‏ ‏مصر‏ ‏أيام‏ ‏زمان
نفسي‏ ‏أشم‏ ‏فيك‏ ‏تاني‏ ‏عود‏ ‏ريحان
نفسي‏ ‏أشوف‏ ‏فيكي‏ ‏الربيع‏ ‏والخريف
إللي‏ ‏كان‏ ‏فيها‏ ‏كل‏ ‏يوم‏ ‏يوم‏ ‏جو‏ ‏نضيف
نفسي‏ ‏أشوف‏ ‏تاني‏ ‏فـ‏ ‏سماك‏ ‏نجم‏ ‏بان
نفسي‏ ‏أرجع‏ ‏أحس‏ ‏فيكي‏ ‏بالأمان






منقوول

المصدر: †† ارثوذكس †† - من قسم: القسم الادبي

[عماد نابليون]