[جناح المسيح]

خلصت حكايتنا

خلصت حكايتنا يا حبيبى واتقفل الباب
والحلم الحلو اللى بشوفه فى خيالى اهو غاب
وبعدنا لوحدنا ولا قولنا ايه الاسباب
ولا لومنا البعد اللى ما بينا ولا كان فيه عتاب

ولا عدنا نفكر نتكلم ونشوف بعضنا وبنتألم
واما بنتقابل من تانى ما بقينا على بعض نسلم

وبعدنا لدنيا ما بتعلم غير الاحزان
وقسينا على بعض بقولنا اصعب كلام
ونسينا اللى ما بينا وماتت اجمل احلام
واهى برضه ذكرى وفاتت زى اللى كان

طب كنا نلوم او نتعاتب طب ليه بتهون سنين فاتت
فات الاوان ودار الزمان وايامنا الحلوه خلاص راحت

ده انا كنت كتير فى نفسى بقول انى حكايتنا احلى حكايه
لكن تلاقينى دلوقتى فى عينى الدمعه وقلبى حزين ساكت

خلصت حكايتنا يا حبيبى والحب اهو راح
والجرح اللى جرحته لقلبى مش راضى ينزاح
ومش قادر اعيش ولا اخبى فى قلبى الجراح
وبقيت على قلبى ألوم وابكى علشان ارتاح

طب كنا نلوم او نتعاتب طب ليه بتهون سنين فاتت
فات الاوان ودار الزمان وايامنا الحلوه خلاص راحت

+++
من تاليفى
اذكرونى فى صلاتكم
انطونيوس جرجس
28/1/2009
الساعه 6 صباحا*

المصدر: †† ارثوذكس †† - من قسم: القسم الادبي

[عماد حسنى]

شكرا جدا يا انطونيوس على كلماتك الرائعه المؤثره اوى دى

[nermos1982]

خلصت حكايتنا يا حبيبى واتقفل الباب
والحلم الحلو اللى بشوفه فى خيالى اهو غاب
وبعدنا لوحدنا ولا قولنا ايه الاسباب
ولا لومنا البعد اللى ما بينا ولا كان فيه عتاب




ولا عدنا نفكر نتكلم ونشوف بعضنا وبنتألم
واما بنتقابل من تانى ما بقينا على بعض نسلم

كلمات جميلة اوى اوى يا انطونيوس مع ان احساسها صعب اوى .يارب تكون كلمات بس مش احساس
ربنا يفرح قلبك يارب ويكون معاك

[جناح المسيح]

المشاركة الأصلية كتبت بواسطة عماد حسنى شكرا جدا يا انطونيوس على كلماتك الرائعه المؤثره اوى دى

متشكر خالص يا عماد
على مرورك اللى بيسعدنى
اذكرنى فى صلاتك

انطونيوس جرجس

[جناح المسيح]

المشاركة الأصلية كتبت بواسطة nermos1982 خلصت حكايتنا يا حبيبى واتقفل الباب والحلم الحلو اللى بشوفه فى خيالى اهو غاب وبعدنا لوحدنا ولا قولنا ايه الاسباب ولا لومنا البعد اللى ما بينا ولا كان فيه عتاب ولا عدنا نفكر نتكلم ونشوف بعضنا وبنتألم واما بنتقابل من تانى ما بقينا على بعض نسلم كلمات جميلة اوى اوى يا انطونيوس مع ان احساسها صعب اوى .يارب تكون كلمات بس مش احساس ربنا يفرح قلبك يارب ويكون معاك

متشكر خالص يا عماد
على مرورك اللى بيسعدنى
اذكرنى فى صلاتك

انطونيوس جرجس

[جناح المسيح]

خلصت حكايتنا
يارب تكون عجبتكم بس عايز
اعرف ايه اجمل بيت
وايه البيت اللى مش حلو
ممكن