كل سنة و كلكم طيبين ,.... و يارب دايما تكونوا بالصحة و الخير متنعمين
%¯MerryChristmas ¯%
&
HaPpYNeWYear2009
في أول صباح لسنة جديدة اتمني ان تكون السنة دي سعيدة علينا كلنا و مليانة بكل فرح و خير و حب ننسي فيها اي حزن أو ألم فات ..
نفسي احكيلكم النهاردة عن قصة حقيقية حلوة اوي اوي و فيها كلام كتير من اللي عايزة اقوله في احتفالنا ببداية السنة
+خرجت مجموعة من الصادين لتصطاد في احدي غابات انجلترا و قادتهم أقدامهم الي اعماق هذه الغابة حيث شاهدوا حيوانا غريبا اكبر قليلا من الأرنب و أصغر من الدب ..
لكن ما شد انتباههم في هذا الحيوان الفريد هو فروته ناصعة البياض ..أكثر اشراقا من فروة الدب و انصع بياض من فروة الأرنب و أطول و أغرز شعرا من فروة الثعلب .!!!! .
و علي الفور أطلق احدهم رصاصته التي أردته قليلا ..و قدموا فروة هذا الحيوان النادر هدية لملكة انجلترا ارتدتها في حفل من حفلاتها المتميزة فكانت بحق ملكة تتلألأ وسط الحاضرين بسبب الجاكت الفرو الذي تكسوه فروة هذا الحيوان الأبيض النادر ..
بعد الحفل تهافتت الأميرات علي الملكة ليس فقط لتحيتها في هذا الحفل و لكن لمعاينة الفرو عن قرب ..و لاحظت الملكة شغف اميراتها الصغيرات بهذا الفرو فأرشدتهم الي مجموعة الصيادين الذين اتوا لها به ..
وقتها ادرك الصيادون انهم امام كنزعظيم يتمثل في هذا الحيوان ..فعاود الصيادون خروجهم الي نفس الغابة ..و بعدأن قضوا اياما ينتظرون ظهور هذا الحيوان فجأة جاء هذا الحيوان و لكن هذه المرة قرروا الا يقتلوه ..انما ارسلوه الي عالم من علماء الحيوان في جامعة اكسفورد ..,و طلبوا منه دراسة طباع هذا الحيوان حتي يتسني لهم اصطياده بسهوله و يسر ..ليعرفوا ماذا يحب و ماذا يكره ؟ ما هي أفضل الوسائل لجذبه ؟ و ماهي ايسر الطرق لاقتناصه ..انه كنز هبط عليهم من السماء
و بعد أربعة اشهر رجعوا الي هذا العالم فوجدوه معجبا فخورا مبهورا بهذا الحيوان و قال لهم :" ما أعظم هذا الدرس الذي تعلمته من هذا الحبوان خلال هذه الشهور .... ان هذا الحيوان علي استعداد لأن يواجه الموت بشجاعة رافضا أن تتسخ فروته ..انه يدرك أن بقاء فروته بيضاء هو أول و آخر اهتماماته ..فهي بالنسبة له اهم من الطعام و الشراب بل و اهم من الحرية بل و اهم من الحياة بجملتها !!!!!""
ثم قدم لهم نصيحته الذهبية :
" ان اردتم اصطياد هذا الحيوان ..ليس عليكم الا ان تضعوا القذارة و الطين في حجره ..و حين يدركه الخطر و يهرب الي هذا الجحر و يجد فيه ما يعرض فروته للقذارة وقتها سيستسلم مفضلا الموت عن الفروة القذرة...!!!!!! "
ما أروعك ايها الحيوان ....لأنك أدركت ان ليس للحياة أي قيمة بدون نقاوة و طهارة
قديما قال برنارد شو (من الأفضل أن تحتفظ بحياتك طاهرة و نقية فحياتك هي النافذة التي من خلالها تري العالم )
s كانت حكمتك ايه يارب انك تخلق حيوان بالشكل ده ؟؟..
أكيد عايز تقولنا الحيوان اللي معندوش عقل يفكر ممكن يفضل الموت علي ان فروته تتسخ ..علشان يفضل ابيض من الثلج ..لكن انت يا انسان ياللي عارف و فاهم طريقي اللي بيودي للأبدية .... و طريق الخطية اللي بيأسرك بعبودية ...لكن ساعات بتروح للخطية برجليك و بتوسخ لباس النعمة اللي اخدته مني يوم المعمودية
طيب نعمل ايه ..الخطية بقت سهلة جدا و بقينا بنشرب الاثم كالماء !!!..طيب نعمل ايه ممكن نكون زي الحيوان ده ؟؟ ......... الموضوع مستحيل ؟؟!!
لأ لأ ممكن اقول انه صعب شوية ..مش مستحيل بس نحاول اننا نحاسب نفسنا كل يوم ونشوف ايه اللي وقعنا و نبعد عنه ..نحاول نملأ وقتنا بالايجابيات فهنلاقي اننا بعدنا تلقائيا عن السلبيات يعني بمعني تاني (نجاهد) ..ده فيه قول جميل لأحد الآباء بيقول ( اجتهد أن يدركك اليوم الأخير ان لم تكن ظافرا فعلي الأقل مجاهدا )
يعني كل جهاد بتجاهده انك تنظف من الخطية و ترجع لربنا بيتحسب لك اكليل جاهد.. جاهد انك تحافظ علي نفسك ..و افتكر كل يوم ربنا بيديهولك ده فرصةكبيرة ربنا بيقولك فيه انا لسه مايأستش منك و اوعي انت كمان تيأس من نفسك .بس برضه ما تتهاونش مع الخطية ..(لأن لطف الله انما يقتادك للتوبة ) و كل يوم اعتبره بداية جديدة و قوله يارب (فلنبدأ بدءا حسنا )
و علشان نحافظ علي فروتنا (لباس النعمة )أبيض من الثلج .. هشارككم بحاجة جميلة ياريت كلنا نعملها مع بعض و ياريت نلتزم بيها
1 - اننا نحط لنفسنا هدف حلو للسنه دي (مثلا : انمو في الصلاة – اتخلص من عادة معينة – التزم بوقت مع ربنا كل يوم و لو 10 دقايق ..الخ ) و ياريت لو تشارك أب اعترافك
2 - نجيب نوتة صغيرة ..نحطها تحت مخدتنا و قلم صغير ..نكتب كل يوم تعليق صغير علي اللي حصل في اليوم ..و هل انا التزمت بالحاجة دي و لا لأ ...لو فشلت معلش اخلي بالي بكرة اكون احسن و كل شوية افكر نفسي باهدافي .....و اكتب كمان في النوتة حاجات حلوة ربنا نجاني منها اشكره عليها..وقت عصيب كانت فيه شكوك كتير لكن بعد فترة ربنا كشف لي عن شئ عجيب ..(بس بلاش تكتب فيها عن حد ضايقك او اضطهدك او اساء ليك ..لأن المذكرة دي علشان نفتكر الحاجات الحلوة و جهادنا الروحي مش علشان نفتكر للناس هما عملوا ايه فينا و نرده بعدين ؟!J)
و صلي و كلم ربنا في نهاية اليوم اشكره عاتبه … اطلب منه الغفران ….انه يساعدك في جهادك كل اللي نفسك تقوله كلم بيه ربنا .و بكده يبقي ليك علطول عشرة مع رب الكون
علي آخر السنة هاتقعد تقرا و هاتشوف حاجات جميلة اوي في النوتة دي ....هاتشوف ايد ربنا الجميلة و تتعلم بعدين لما تكون خايف او قلقان تقول ربنا اللي اتصرف زمان هو اله النهاردة و بكرة و للأبد ..و بعد 10 سنين تفتكر تفاصيل كل السنين اللي فاتت و ربنا ازاي اعتني بيك فيها
3 – كل فترة قريبة اقعد مع اب اعترافك ..و هو هايسندك و يشجعك و يعطيك تداريب لحياتك الروحية بارشاد الروح القدس
فكرة حلوة مش كده ؟
و انتم بترفعوا صلواتكم كل يوم ماننسوووووش تذكروا كل اللي طلبوا من اجلنا ان نذكرهم في صلواتنا و تضرعاتنا اللي بنرفعها قدام ربنا يسوع المسيح كل يوم . علشان ينور كل عقل و يشفي كل مرض ..و يخلص من خطايا و يعزي الحزاني و يشفي كل منكسري القلوب ..ياريت تجيب ورقة صغيرة و تكتب فيها اسماء كل اللي طالبين صلاتك ...و تذكرهم في صلاتك
أو تصلي كل يوم في صلاتك و تقول........
( يارب أولادك في المنتدى اللي طالبين صلاة ..ان كانوا طالبين شفاء أو تعزية أو معونة أو نجاح أو صبر في الشدة أو أطفال..حقق لهم طلباتهم ان كانت حسب ارادتك ..,,
و ان كانت بغير ارادتك ..أعطيهم الصبر و ارشدهم لطريق ارادتك .....و اكشف ليهم عن تدبيرك لخطة حياتهم)
و لا تنسوا الصـلاة لأجل نجــاح و استمراريـة الخدمــــة
مشاهدة صفحة طباعة الموضوع
أرسل هذا الموضوع إلى صديق
سمعتوا عن الحيوان دة قبل كدة؟
المواضيع المتشابهه
العرض العادي
